ຂ່າວຫຼ້າສຸດ

ທ່ານນາຍົກລັດຖະມົນຕີ ຕ້ອນຮັບອາສາສະໝັກຍີ່ປຸ່ນ

319 12 ກ.ລ. 2019 ຂ່າວໜ້າ​ໜຶ່ງ
ທ່ານນາຍົກລັດຖະມົນຕີ ຕ້ອນຮັບອາສາສະໝັກຍີ່ປຸ່ນ

    ທ່ານ ທອງ​ລຸນ ສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ສປປ ລາວ ຕ້ອນ­ຮັບ​ການ​ເຂົ້າ​ຢ້ຽມ​ຄຳ­ນັບ​ຂອງ​ຄະ­ນະ​ອາ­ສາ​ສະ­ໝັກ​ຍີ່­ປຸ່ນ ທີ່​ມາ​ເຄື່ອນ​ໄຫວ​ຊ່ວຍ​ວຽກ​ຢູ່​ລາວ ວັນ​ທີ 10 ກໍ­ລະ­ກົດ 2019 ຢູ່​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ເຊິ່ງ​ນຳ​ໂດຍ​ທ່ານ ຄາ​ຊຸ​ຮິ​ໂຣ ຄູ​ໂນ ອຸ­ປະ​ທູດ​ຍີ່­ປຸ່ນ ປະ­ຈຳ​ລາວ ແລະ ທ່ານ ໂຢ​ຊິ​ຮາ​ຣຸ ໂຢ​ເນະ​ຢາ​ມະ ຫົວ­ໜ້າ​ຫ້ອງ­ການ​ຜູ້­ຕາງ­ໜ້າ​ອົງ­ການ​ໄຈ​ກາ ປະ­ຈຳ​ລາວ.

    ໂອ­ກາດ​ນີ້ ທ່ານ ທອງ​ລຸນ ສີ​ສຸ​ລິດ ກໍ​ໄດ້​ສະ­ແດງ​ຄວາມ​ຕ້ອນ­ຮັບ​ຊົມ­ເຊີຍ ແລະ ຂອບ­ໃຈ​ຕໍ່​ຄະ­ນະ​ອາ­ສາ​ສະ­ໝັກ​ຍີ່­ປຸ່ນ 32 ທ່ານ ຍິງ 19 ທ່ານ ທີ່​ເຂົ້າ​ມາ​ເຄື່ອນ​ໄຫວ ແລະ ຊ່ວຍ​ວຽກ​ໃນ​ຂະ­ແໜງ­ການ​ຕ່າງໆ​ຂອງ​ລາວ​ຄັ້ງ​ນີ້ ເຊິ່ງ​ເປັນ​ການ​ປະ­ກອບ­ສ່ວນ​ອັນ​ໃຫຍ່​ຫຼວງ ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ ສປປ ລາວ ໂດຍ​ສະ­ເພາະ​ການ​ປະ­ກອບ­ສ່ວນ​ເຮັດ​ໃຫ້​ລາວ ບັນ­ລຸ​ເປົ້າ​ໝາຍ​ສະ­ຫັດ​ສະ​ວັດ​ດ້ານ​ການ​ພັດ­ທະ­ນາ ທັງ​ເປັນ​ການ​ເສີມ​ສ້າງ​ສາຍ​ພົວ­ພັນ ແລະ ການ​ຮ່ວມ​ມື​ລະ­ຫວ່າງ​ສອງ​ປະ­ເທດ ລາວ-ຍີ່­ປຸ່ນ ໃຫ້​ນັບ​ມື້​ມີ​ການ​ຂະ­ຫຍາຍ­ຕົວ​ຕໍ່​ເນື່ອງ ນັບ​ແຕ່​ປີ 1965 ເຖິງ​ປັດ­ຈຸ­ບັນ ອົງ­ການ JICA ໄດ້​ສົ່ງ​ອາ­ສາ​ສະ­ໝັກ 1.004 ຄົນ ແລະ ຊ່ຽວ­ຊານ​ຫຼາຍ​ກວ່າ 4.500 ຄົນ ມາ​ປະ­ກອບ­ສ່ວນ​ຈັດ​ຕັ້ງ​ປະ­ຕິ­ບັດ​ວຽກ​ງານ​ຢູ່ ສປປ ລາວ ເພື່ອ​ພັດ­ທະ­ນາ​ຂະ­ແໜງ­ການ​ຕ່າງໆ ເຊັ່ນ: ສຶກ​ສາ​ທິ​ການ ແລະ ກີ­ລາ ສາ­ທາ­ລະ­ນະ​ສຸກ ກະ­ສິ­ກຳ-ປ່າ­ໄມ້ ພັດ­ທະ­ນາ​ຊົນ­ນະ­ບົດ ແລະ ຂົງ­ເຂດ​ອື່ນໆ ສະ­ແດງ​ອອກ​ອາ­ສາ​ສະ­ໝັກ​ຍີ່­ປຸ່ນ​ໄດ້​ເພີ່ມ​ຂຶ້ນ​ແຕ່​ລະ​ປີ ເຊິ່ງ​ໄດ້​ປະ­ກອບ­ສ່ວນ​ໃນ​ການ​ພັດ­ທະ­ນາ​ຂົງ­ເຂດ​ຕ່າງໆ ໃຫ້​ມີ​ການ​ຂະ­ຫຍາຍ­ຕົວ​ເປັນ​ກ້າວໆ ນອກ​ນີ້ ທ່ານ​ນາ­ຍົກ­ລັດ­ຖະ­ມົນ­ຕີ ຍັງ​ໄດ້​ສະ­ແດງ​ຄວາມ​ເສົ້າ​ໂສກ​ເສຍ​ໃຈ ກ່ຽວ​ກັບ​ການ​ເສຍ​ຊີ­ວິດ​ຂອງ​ທ່ານ Izumi YAMAUCHI ຊ່ຽວ­ຊານ​ປະ­ຈຳ​ຢູ່​ໂຄງ­ການ​ສຶກ​ສາ​ຄວາມ​ເປັນ​ໄປ​ໄດ້ ໃນ​ການ​ຄຸ້ມ​ຄອງ​ສິ່ງ​ເສດ​ເຫຼືອ​ອັນ­ຕະ­ລາຍ ກະ­ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ໃນ​ວັນ​ທີ 23 ມິ­ຖຸ­ນາ​ຜ່ານ​ມາ ເຊິ່ງ​ເພິ່ນ​ກໍ​ເປັນ​ຜູ້​ໜຶ່ງ​ທີ່​ເຄີຍ​ມາ​ເປັນ​ອາ­ສາ​ສະ­ໝັກ​ຊ່ວຍ​ວຽກ​ຢູ່​ລາວ ສະ­ແດງ​ຄວາມ​ເສຍ​ໃຈ​ມາ​ຍັງ​ລັດ­ຖະ­ບານ​ຍີ່­ປຸ່ນ ທີ່​ໄດ້​ສູນ​ເສຍ​ຊ່ຽວ­ຊານ​ທີ່​ມີ​ຄວາມ​ຮູ້-ຄວາມ​ສາ­ມາດ ແລະ ຂໍ​ແບ່ງ​ເບົາ​ຄວາມ­ທຸກ​ໂສກ​ມາ​ຍັງ​ຄອບ­ຄົວ ແລະ ຍາດ­ຕິ​ພີ່­ນ້ອງ​ຂອງ​ທ່ານ Izumi YAMAUCHI.

ຂ່າວທີ່ກ່ຽວຂ້ອງ