ຂ່າວຫຼ້າສຸດ

EU ຮັບຮອງ​ມາດ​ຕະການ​ສຸກ​ເສີນ ໃນ​ກໍລະນີ​ວ່າ Brexit ປາສະຈາກ​ຂໍ້​ຕົກລົງ

169 12 ກ.ລ. 2019 ຂ່າວຕ່າງປະເທດ
EU ຮັບຮອງ​ມາດ​ຕະການ​ສຸກ​ເສີນ ໃນ​ກໍລະນີ​ວ່າ Brexit ປາສະຈາກ​ຂໍ້​ຕົກລົງ

   ເມື່ອ​ບໍ່​ດົນ​ມາ​ນີ້ ສະພາ​ເອີ​ຣົບ (EC) ໄດ້​ຮັບຮອງ​ບັນດາ​ມາດ​ຕະການ​ສຸກ​ເສີນ ສຳລັບ​ງົບປະມານ​ປີ 2019 ຂອງ​ສະຫະພາບ​ເອີ​ຣົບ (EU) ໃນ​ກໍລະນີ​ວ່າ​ອັງກິດ​ຖອນ​ອອກ​ໄປ​ຈາກ EU ຫຼື​ທີ່​ເອີ້ນ​ວ່າ ເບຣ​ຊິດ (Brexit) ໂດຍ​ທີ່​ບໍ່​ບັນລຸ​ຂໍ້​ຕົກລົງ.

    ຖ້າ​ຫາ​ກວ່າ​ອັງກິດ​ບໍ່​ຍອມຮັບ​ການ​ປະກອບສ່ວນ​ໃຫ້​ແກ່​ງົບປະມານ​ຂອງ EU ໃນ​ປີ 2019 ແລ້ວ EC ກໍ​ຈະ​ນຳ​ເອົາ​ແຜນການ​ງົບປະມານ​ດັດແກ້​ອອກ​ມາ ໃນ​ໄລຍະ​ເວລາ​ທີ່​ຈຳເປັນ ເພື່ອ​ແກ້​ໄຂ​ບັນຫາ​ຂາດ​ດຸນ​ງົບປະມານ. ເປົ້າ​ໝາຍ​ຂອງ​ມາດ​ຕະການ​ນັ້ນ ກໍ​ແມ່ນ​ເພື່ອ​ຫຼຸດຜ່ອນ​ຜົນ​ກະທົບ​ໃນ​ທາງ​ລົບ​ຕໍ່​ການ​ສະໜອງ​ການ​ເງິນ ທີ່​ມີ​ຕໍ່​ຫຼາຍ​ຂົງເຂດ ເຊັ່ນ​ການ​ຄົ້ນຄວ້າ​ວິທະຍາສາດ ກະສິກຳ ແລະ ອື່ນໆ ໃນ​ກໍລະນີ​ທີ່​ເກີດ​ມີ Brexit ໂດຍ​ປາສະຈາກ​ຂໍ້​ຕົກລົງ.

    ການ​ທີ່​ອັງກິດ​ຖອນ​ອອກ​ໄປ​ຈາກ EU ຊຶ່ງ​ຄາດ​ວ່າ​ຈະ​ເກີດ​ຂຶ້ນ​ໃນ​ວັນ​ທີ 31 ຕຸລາ​ໜ້າ​ນີ້ ຈະ​ເຮັດ​ໃຫ້​ເກີດ​ຮູ​ຮົ່ວ​ອັນ​ໃຫຍ່​ໂຕ​ໃຫ້​ແກ່ EU ເປັນ​ຜົນ​ກະທົບ​ຕໍ່​ນະໂຍບາຍ​ການ​ລົງທຶນ​ຂອງ EU ອອກ​ໄປ​ຍັງ​ຕ່າງປະເທດ ຕະຫຼອດ​ຮອດ​ນະໂຍບາຍ​ຊຸກຍູ້​ວຽກ​ເຮັດ​ງານ​ທຳ ການ​ຕ້ານ​ການ​ກໍ່​ການ​ຮ້າຍ ແລະ ບັນຫາ​ອື່ນໆ.

ຂ່າວທີ່ກ່ຽວຂ້ອງ