ສປຊ ເປີດເຜີຍ​ຕົວ​ເລກ​ການ​ລົງທຶນ​ກ່ຽວ​ກັບ​ສິ່ງແວດລ້ອມ

109 12 ກ.ລ. 2019 ຂ່າວຕ່າງປະເທດ
ສປຊ ເປີດເຜີຍ​ຕົວ​ເລກ​ການ​ລົງທຶນ​ກ່ຽວ​ກັບ​ສິ່ງແວດລ້ອມ

    ບົດ​ລາຍ​ງານ​ປະຈຳ​ປີ 2019 ກ່ຽວ​ກັບ​ບັນດາ​ເປົ້າ​ໝາຍ​ຄວາມ​ເຕີບ​ໂຕ​ແບບ​ຍືນ​ຍົງ ຂອງ​ສະຫະ​ປະຊາ​ຊາດ (​ສປຊ) ທີ່​ໄດ້​ນຳ​ອອກ​ມາ​ເປີດເຜີຍ​ເມື່ອ​ບໍ່​ດົນ​ມາ​ນີ້ ໃຫ້​ຮູ້​ວ່າ ແຫຼ່ງ​ການ​ເງິນ ທີ່​ທຸ່ມ​ເທ​ເຂົ້າ​ໃສ່​ບັນດາ​ໂຄງການ​ເພື່ອ​ສິ່ງແວດລ້ອມ ມີ​ສ່ວນ​ເພີ່ມ​ຂຶ້ນ ແຕ່​ບໍ່​ພຽງພໍ​ເພື່ອ​ຕ້ານ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ ແລະ ຖືກ​ບົດ​ບັງ​ຈາກ​ບັນດາ​ບ້ວງ​ລົງທຶນ​ອັນ​ມະຫາສານ ໃຫ້​ແກ່​ເຊື້ອ​ໄຟ​ແຂງ.

    ບົດ​ລາຍ​ງານ​ດັ່ງກ່າວ ຊີ້​ໃຫ້​ເຫັນ​ວ່າ ທົ່ວ​ໂລກ​ໄດ້​ມີ​ບັນດາ​ບ້ວງ​ເງິນ​ລົງທຶນ​ເພີ່ມ​ຂຶ້ນ ເພື່ອ​ຕ້ານ​ກັບ​ສະພາບ​ດິນ​ຟ້າ​ອາກາດ​ປ່ຽນແປງ ໃນ​ນັ້ນ​ສ່ວນ​ຫຼາຍ​ແມ່ນ​ເພື່ອ​ຕັດ​ຫຼຸດ​ການ​ປ່ອຍ​ແກ​​ັສ ທີ່​ພາໃຫ້​ເກີດ​ປະກົດ​ການເຮືອນ​ແກ້ວ ພ້ອມ​ທັງ​ເພີ່ມ​ເຕີມ​ທຶນ​ນ້ອຍ​ສ່ວນ​ໜຶ່ງ ເພື່ອ​ຊ່ວຍເຫຼືອ​ບັນດາ​ປະເທດ ໃຫ້​ຄຸ້ນ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ.

    ການ​ຄິດໄລ່​ຢູ່​ໃນ​ລະດັບ​ສູງ​ສຸດ​ຂອງ ​ສປຊ ຊີ້​ໃຫ້​ເຫັນ​ວ່າ ການ​ລົງທຶນ​ເຂົ້າ​ໃນ​ບັນດາ​ໂຄງການ​ເພື່ອ​ສິ່ງແວດລ້ອມ ໄດ້​ເພີ່ມ​ຂຶ້ນ​ຈາກ 584 ຕື້​ໂດ​ລາ​ສະຫະລັດ ໃນ​ປີ 2014 ເປັນ 680 ຕື້​ໂດ​ລາ​ສະຫະລັດ ໃນ​ປີ 2015 ແລະ  681 ຕື້​ໂດ​ລາ​ສະຫະລັດ ໃນ​ປີ 2016.

    ການ​ປະກອບສ່ວນ​ຫຼາຍ​ພໍ​ສົມຄວນ ເຂົ້າ​ໃນ​ຄວາມ​ເຕີບ​ໂຕ​ຂອງ​ການ​ລົງທຶນ​ເພື່ອ​ສິ່ງແວດລ້ອມ ໃນ​ປີ 2014 ແລະ  2015 ກໍ​ແມ່ນ​ບັນດາ​ບ້ວງ​ເງິນ​ລົງທຶນ​ໃໝ່​ຂອງ​ພາກ​ເອກະ​ຊົນ ເຂົ້າ​ໃນ​ພະລັງງານ​ໝູນວຽນ. ເຖິງ​ຢ່າງໃດ​ກໍ​ຕາມ ຕົວ​ເລກ​ດັ່ງກ່າວ​ນັບ​ວ່າ​ຍັງ​ນ້ອຍ ເພື່ອ​ທຽບໃສ່​ທ່າ​ອ່ຽງ​ເພີ່ມ​ຂຶ້ນ​ຂອງ​ການ​ລົງທຶນ​ໃນ​ທົ່ວ​ໂລກ ທ່າມກາງ​ທີ່​ບັນຫາ​ການ​ປ່ຽນແປງ​ສະພາບ​ດິນ​ຟ້າ​ອາກາດ ນັບ​ມື້​ນັບ​ຮ້າຍ​ແຮງ ແລະ ວ່າການ​ລົງທຶນ​ເຂົ້າ​ໃນ​ເຊື້ອ​ໄຟ​ແຂງ ມີ​ເຖິງ 781 ຕື້​ໂດ​ລາ​ສະຫະລັດ ໃນ​ປີ 2016.

ຂ່າວທີ່ກ່ຽວຂ້ອງ