ຈີນ ​ຢຸດຕິ​ການ​ຖາງ​ປ່າ​ເຮັດ​ໄຮ່ ເພື່ອ​ຟື້ນ​ຟູ​ປ່າໄມ້ ແລະ ທົ່ງ​ຫຍ້າ

118 12 ກ.ລ. 2019 ຂ່າວຕ່າງປະເທດ
ຈີນ ​ຢຸດຕິ​ການ​ຖາງ​ປ່າ​ເຮັດ​ໄຮ່ ເພື່ອ​ຟື້ນ​ຟູ​ປ່າໄມ້ ແລະ ທົ່ງ​ຫຍ້າ

     ເມື່ອ​ວັນ​ທີ 9 ກໍລະກົດ​ທີ່​ຜ່ານ​ມາ ທ່ານ​ໂຈ່ວ​ຮົງ​ເຊິ່ງ ຫົວໜ້າ​ສູນ​ຄຸ້ມ​ຄອງ​ໂຄງການ​ການ​ຢຸດຕິ​ການ​ຖາງ​ປ່າ​ເຮັດ​ໄຮ່ ເພື່ອ​ຟື້ນ​ຟູ​ປ່າໄມ້​ຂອງ​ອົງການ​ປ່າໄມ້ ແລະ ທົ່ງ​ຫຍ້າ​ແຫ່ງ​ຊາດ​ຈີນ ໄດ້​ກ່າວ​ຢູ່​ນະຄອນຫຼວງ​ປັກ​ກິ່ງ ວ່າ​ໂຄງການ​ການ​ຢຸດຕິ​ການ​ຖາງ​ປ່າ​ເຮັດ​ໄຮ່ ເພື່ອ​ຟື້ນ​ຟູ​ປ່າໄມ້​ຂອງ​ຈີນ ໄດ້​ເລີ່ມ​ດຳເນີນ​ງານ​ມາ​ເປັນ​ເວລາ 20 ປີ​ແລ້ວ ແລະ ໄດ້​ບັນລຸ​ໝາກຜົນ​ອັນ​ໃຫຍ່​ຫຼວງ ເຮັດ​ໃຫ້​ອັດຕາ​ການ​ປົກ​ຫຸ້ມ​ຂອງ​ປ່າໄມ້​ໃນ​ເຂດ​ໂຄງການ ໄດ້​ເພີ່ມ​ຂຶ້ນ​ຫຼາຍ​ກວ່າ 4%.

     ນັບ​ແຕ່​ປີ 1999 ທີ່​ດຳເນີນ​ໂຄງການ​ດັ່ງກ່າວ​ເປັນຕົ້ນ​ມາ ໃນ​ທົ່ວ​ປະເທດ​ຈີນ ໄດ້​ສຳເລັດ​ການ​ຢຸດຕິ​ການ​ຖາງ​ປ່າ​ເຮັດ​ໄຮ່ ເພື່ອ​ຟື້ນ​ຟູ​ປ່າໄມ້ ແລະ ທົ່ງ​ຫຍ້າ​ຫຼາຍ​ກວ່າ 33 ລ້ານ​ເຮັກຕາ ຊຶ່ງ​ໄດ້​ລົງທຶນ​ຫຼາຍ​ກວ່າ 500 ຕື້​ຢວນ (ເງິນ​ຈີນ).

ຂ່າວທີ່ກ່ຽວຂ້ອງ