ເສີມສ້າງທັກສະການເວົ້າໃຫ້ມີປະສິດທິຜົນ

336 16 ກ.ລ. 2019 ຂ່າວໜ້າ​ໜຶ່ງ

    ພິ­ທີ​ເປີດ​ສະ­ໂມ­ສອນ​ເຈົ້າ​ເວົ້າ​ໄດ້ ຈັດ​ຂຶ້ນ​ວັນ​ທີ 13 ກໍ­ລະ­ກົດ 2019 ທີ່​ວິ­ທະ­ຍາ­ໄລ ລາວ-ອາ​ເມ​ຣິ​ກາ ມີ​ທ່ານ ທອງ​ດີ ພົມ​ມະ​ວົງ­ສາ ປະ­ທານ​ສູນ​ເຝິກ​ທັກ​ສະ ທັງ​ເປັນ​ປະ­ທານ​ສະ­ໂມ­ສອນ​ເຈົ້າ​ເວົ້າ​ໄດ້ ທ່ານ ວົງ­ສາ​ທິດ ສຸ​ວໍ­ລະ​ວົງ ຮອງ​ອຳ­ນວຍ​ການ​ວິ­ທະ­ຍາ­ໄລ ລາວ-ອາ​ເມ​ຣິ​ກາ ແລະ ຂະ­ແໜງ­ການ​ກ່ຽວ­ຂ້ອງ​ເຂົ້າ​ຮ່ວມ.

    ສະ­ໂມ­ສອນ​ເຈົ້າ​ເວົ້າ​ໄດ້ ເປັນ​ການ​ຮ່ວມ​ມື​ລະ­ຫວ່າງ​ສູນ​ເຝິກ​ທັກ​ສະ ແລະ ວິ­ທະ­ຍາ­ໄລ ລາວ-ອາ​ເມ​ຣິ​ກາ ເຊິ່ງ​ເປັນ​ສູນ​ເຝິກ​ທັກ​ສະ­ການ​ເວົ້າ​ໃນ​ເວ­ທີ​ຕໍ່­ໜ້າ​ມວນ​ຊົນ ການ​ໂຄ­ສະ­ນາ ການ­ສະ­ແດງ ການ​ສື່­ສານ​ຕ່າງໆ ເນື່ອງ​ຈາກ​ວ່າ­ຄວາມ​ຢ້ານ​ກົວ​ໃນ​ການ​ເວົ້າ​ຕໍ່­ໜ້າ​ມວນ​ຊົນ ເປັນ​ບັນ­ຫາ​ໜຶ່ງ​ທີ່​ເກີດ​ຂຶ້ນ​ກັບ​ທຸກ​ຄົນ ແຕ່​ຄວາມ​ກ້າວ­ໜ້າ​ທາງ​ດ້ານ​ວຽກ ແລະ ການ​ດຳ­ລົງ​ຊີ­ວິດ​ຈຳ­ເປັນ​ຕ້ອງ​ມີ​ຄວາມ​ກ້າ​ເວົ້າ ກ້າ​ສະ­ແດງ​ອອກ​ໃນ​ທາງ​ທີ່​ຖືກ­ຕ້ອງ ຈຶ່ງ​ເຮັດ​ໃຫ້​ວຽກ​ງານ​ມີ​ການ​ພັດ­ທະ­ນາ ແລະ ໄດ້​ຮັບ​ຜົນ­ສຳ­ເລັດ.

    ໃນ​ໄລ­ຍະ​ຜ່ານ​ມາ​ສູນ​ເຝິກ​ທັກ​ສະ​ໄດ້​ເຝິກ­ອົບ­ຮົມ​ມາ​ແລ້ວ​ຫຼາຍ​ຄັ້ງ ໃຫ້​ກັບ​ບັນ­ດາ​ກະ­ຊວງ ອົງ­ການ ບໍ­ລິ­ສັດ​ຕ່າງໆ ທັງ​ນີ້ ກໍ​ເພື່ອ​ເປັນ​ການ​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ບຸ​ຄະ­ລາ​ກອນ ໃຫ້​ມີ​ຄວາມ​ຮູ້​ຄວາມ​ສາ­ມາດ ໂດຍ​ສະ­ເພາະ​ແມ່ນ​ທັກ​ສະ­ການ​ເວົ້າ.

ຂ່າວທີ່ກ່ຽວຂ້ອງ