ຂ່າວຫຼ້າສຸດ

ຈັດແຂ່ງຂັນບານເຕະ ຊີງຂັນເລຂາຄະນະບໍລິຫານງານ ຊປປລ 2019

633 17 ກ.ລ. 2019 ວົງຈອນກີລາ
ຈັດແຂ່ງຂັນບານເຕະ ຊີງຂັນເລຂາຄະນະບໍລິຫານງານ ຊປປລ 2019

    ພິ­ທີ​ເປີດ​ການ​ແຂ່ງ­ຂັນ​ກີ­ລາ​ບານ­ເຕະ 11 ຄົນ ຊີງ​ຂັນ​ທ່ານ​ເລ­ຂາ​ຄະ­ນະ​ບໍ­ລິ­ຫານ​ງານ​ສູນ​ກາງ ຊາວ​ໜຸ່ມ​ປະ­ຊາ­ຊົນ​ປະ­ຕິ­ວັດ​ລາວ (ຊປປລ) ປະ­ຈຳ​ປີ 2019 ຈັດ​ຂຶ້ນ​ວັນ​ທີ 12 ກໍ­ລະ­ກົດ 2019 ຢູ່​ສະ­ໜາມ​ກີ­ລາ​ລ້ານ​ຊ້າງ​ສະ​ເຕ​ດ້ຽມ ບ້ານ​ໜອງ​ໄຮ ເມືອງ​ຫາກ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ ໂດຍ​ມີ​ທ່ານ ອາ​ລຸນ​ໄຊ ສູນ​ນະ­ລາດ ເລ­ຂາ​ຄະ­ນະ​ບໍ­ລິ­ຫານ​ງານ ຊປປລ ມີ​ບັນ­ດາ​ທ່ານ​ຮອງ​ເລ­ຂາ​ຄະ­ນະ​ບໍ­ລິ­ຫານ​ງານ ຊປປລ ຜູ້­ຕາງ­ໜ້າ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ຫ້ອງ​ວ່າ­ການ​ປະ­ທານ​ປະ­ເທດ ຂະ­ແໜງ­ການ​ທີ່​ກ່ຽວ­ຂ້ອງ ຄູ​ເຝິກ ແລະ ນັກ­ກີ­ລາ​ເຂົ້າ​ຮ່ວມ.

    ໂອ­ກາດ​ນີ້ ທ່ານ ອາ​ລຸນ​ໄຊ ສູນ​ນະ­ລາດ ໄດ້​ກ່າວ​ວ່າ: ການ​ຈັດ​ງານ​ຄັ້ງ​ນີ້ ແມ່ນ​ເພື່ອ​ສ້າງ​ຂະ​ບວນ​ການ​ຄຳ­ນັບ​ຮັບ​ຕ້ອງ​ວັນ​ຄ້າຍ​ວັນ​ເກີດ ປະ­ທານ ສຸ​ພາ­ນຸ​ວົງ ຄົບ­ຮອບ 110 ປີ ວັນ​ຍຶດ​ອຳ­ນາດ ຄົບ­ຮອບ 40 ປີ ວັນ​ສ້າງ­ຕັ້ງ​ສູນ​ກາງ​ແນວ​ສ້າງ​ຊາດ ຄົບ­ຮອບ 63 ປີ ວັນ​ກຳ­ເນີດ​ກີ­ລາ​ລາວ ແລະ ກອງ​ປະ​ໃຫຍ່​ຜູ້​ແທນ​ຊາວ​ໜຸ່ມ​ທົ່ວ​ປະ­ເທດ​ຄັ້ງ​ທີ 8 ນອກ​ນີ້ ຍັງ​ເປັນ​ການ​ເຕົ້າ­ໂຮມ​ຄວາມ​ສາ­ມັກ­ຄີ​ຂອງ​ຊາວ​ໜຸ່ມ​ບັນ­ດາ​ກະ­ຊວງ ອົງ­ການ ນະ­ຄອນ­ຫຼວງ ແຂວງ ເພື່ອ​ພັດ­ທະ­ນາ​ບານ­ເຕະ​ໃຫ້​ມີ​ປະ­ສິດ​ຕິ​ພາບ​ພ້ອມ​ທັງ​ສ້າງ​ເງື່ອນ­ໄຂ​ໃຫ້​ຄະ­ນະ​ຊາວ​ໜຸ່ມ ສະ­ມາ­ຊິກ​ຊາວ​ໜຸ່ມ ໄດ້​ສະ­ແດງ​ຄວາມ​ສາ­ມາດ​ຂອງ​ຕົນ​ທາງ​ດ້ານ​ກີ­ລາ​ເຕະ­ບານ ທັງ​ເປັນ​ການ​ອອກ­ກຳ­ລັງ​ກາຍ​ເພື່ອ​ສຸ­ຂະ­ພາບ ພ້ອມ​ນີ້ ຍັງ​ໄດ້​ສ້າງ​ຄວາມ​ຮູ້​ຄວາມ​ສາ­ມາດ ໃຫ້​ພະ­ນັກ­ງານ​ຂະ​ບວນ​ການ​ໄດ້​ພັດ­ທະ­ນາ​ຕົນ​ເອງ​ທາງ​ດ້ານ​ວິ­ຊາ​ການ ແລະ ໄດ້​ຜ່ານ​ຂະ​ບວນ​ການ​ໂຕ​ຈິງ​ໃຫ້​ຫຼາຍ​ຂຶ້ນ.

    ການ​ແຂ່ງ­ຂັນ​ລາຍ­ການ​ນີ້ ມີ 19 ທີມ​ເຂົ້າ​ຮ່ວມ ໂດຍ​ແບ່ງ​ອອກ​ເປັນ 4 ກຸ່ມ ແຂ່ງ​ພົບ​ກັນ​ໝົດ ເພື່ອ​ຄັດ​ເອົາ​ທີມ​ລຳ­ດັບ 1 ແລະ 2 ຂອງ​ກຸ່ມ​ເຂົ້າ​ຮອບ​ຕໍ່​ໄປ ເຊິ່ງ​ຈະ​ດຳ­ເນີນ​ການ​ແຂ່ງ­ຂັນ​ໄປ​ຈົນ​ເຖິງ​ເດືອນ​ສິງ­ຫາ 2019.

ຂ່າວທີ່ກ່ຽວຂ້ອງ