ຂ່າວຫຼ້າສຸດ

ອີຊູຊຸລາວບໍລິການ ນຳພາລູກຄ້າມອບເຄື່ອງຊ່ວຍເຫຼືອ ໂຮງຮຽນບ້ານເກິນ

250 17 ກ.ລ. 2019 ຂ່າວໜ້າ​ໜຶ່ງ
ອີຊູຊຸລາວບໍລິການ ນຳພາລູກຄ້າມອບເຄື່ອງຊ່ວຍເຫຼືອ ໂຮງຮຽນບ້ານເກິນ

    ບໍ­ລິ­ສັດ ອີ​ຊູ​ຊຸ​ລາວ​ບໍ­ລິ­ການ ຮ່ວມ​ກັບ​ອົງ­ການ​ກາ­ແດງ​ລາວ ແລະ ລູກ​ຄ້າ ອີ​ຊູ​ຊຸ ລະ­ດົມ​ທຶນ​ມອບ​ອຸ­ປະ­ກອນ​ການ​ສຶກ​ສາ​ໃຫ້​ໂຮງ­ຮຽນ​ປະ­ຖົມ​ສົມ­ບູນ​ບ້ານ​ເກິນ​ກາງ ເມືອງ​ທຸ­ລະ­ຄົມ ແຂວງ​ວຽງ​ຈັນ  ລວມ​ມູນ​ຄ່າ​ການ​ຊ່ວຍ­ເຫຼືອ​ຄັ້ງ​ນີ້​ຫຼາຍ​ກວ່າ 17 ລ້ານ​ກີບ ຈັດ​ຂຶ້ນ​ວັນ​ທີ 13 ກໍ­ລະ­ກົດ 2019 ພາຍ​ໃຕ້​ຫົວ­ຂໍ້: Isuzu Rally 2019.

    ທ່ານ ວິ​ຣະ​ໄຊ​ຄຳ ພິ­ລາ​ພັນ​ເດ​ຊ ປະ­ທານ ແລະ ຜູ້­ອຳ­ນວຍ­ການ ບໍ­ລິ­ສັດ ອີ​ຊູ​ຊຸ​ລາວ​ບໍ­ລິ­ການ ຈຳ­ກັດ​ຜູ້​ດຽວ ກ່າວ​ວ່າ: ກິດ­ຈະ­ກຳ​ຄັ້ງ​ນີ້ ຮ່ວມ​ກັບ​ອົງ­ການ​ກາ­ແດງ​ລາວ ຢັ້ງ­ຢືນ​ວ່າ ບໍ­ລິ­ສັດ​ອີ​ຊູ​ຊຸ​ລາວ​ໄດ້​ຈັດ​ໂຄງ­ການ​ນີ້​ຂຶ້ນ ເພື່ອ​ຊ່ວຍ­ເຫຼືອ​ໂຮງ­ຮຽນ​ທີ່​ຂາດ­ເຂີນ​ໃນ​ເຂດ​ຫ່າງ​ໄກ​ສອກ­ຫຼີກ ກິດ­ຈະ­ກຳ​ຄັ້ງ​ນີ້ ມີ​ທ່ານ ຣີວ​ໂນະ​ສຸ​ເກະ ຊາ​ຄາ​ໂນະ ຕົວ​ແທນ​ຈາກ ບໍ­ລິ­ສັດ ຕຣີ​ເພັດ​ອີ​ຊູ​ຊຸ​ເຊວສ໌ ຈຳ­ກັດ ພ້ອມ​ດ້ວຍ​ຄະ­ນະ ທ່ານ​ຮອງ​ປະ­ທານ​ອົງ­ການ​ກາ­ແດງ​ລາວ ພ້ອມ​ດ້ວຍ​ລູກ​ຄ້າ ເຂົ້າ​ຮ່ວມ​ເປັນ​ສັກ­ຂີ​ພິ­ຍານ ໃນ​ການ​ມອບ​ເຄື່ອງ​ຊ່ວຍ­ເຫຼືອ​ຄັ້ງ​ນີ້.

    ສຳ­ລັບ​ທຶນ​ທີ່​ຈັດ​ໂຄງ­ການ​ນີ້ ໄດ້​ມາ​ຈາກ​ການ​ຂາຍ​ລົດ ເຊິ່ງ​ລົດ​ທຸກໆ​ຄັນ​ທີ່​ໄດ້​ຂາຍ ເຮົາ​ຈະ​ບໍ­ລິ­ຈາກ 1 ແສນ​ກີບ​ຕໍ່​ຄັນ ພ້ອມ​ດຽວ​ກັນ​ລົດ​ທຸກໆ​ຄັນ​ທີ່​ເຂົ້າ​ມາ​ສ້ອມ­ແປງ ຫຼື ປ່ຽນ​ນ້ຳ­ມັນ​ເຄື່ອງ​ໃນ​ມູນ​ຄ່າ 5 ແສນ​ກີບ​ຂຶ້່ນ​ໄປ ພວກ​ເຮົາ​ກໍ​ປ່ອນ​ລົງ​ຫີບ​ບໍ­ລິ­ຈາກ​ຄັນ​ລະ 5 ພັນ​ກີບ ນອກ​ນັ້ນ ຍັງ​ມີ​ລູກ​ຄ້າ​ທີ່​ໃຈ­ດີ​ທີ່​ນຳ​ເອົາ​ເງິນ­ສົດ​ມາ​ຮ່ວມ​ກິດ­ຈະ­ກຳ​ນຳ.

    ກິດ­ຈະ­ກຳ​ຄັ້ງ​ນີ້ ຍັງ​ໄດ້​ສ້າງ​ຄວາມ​ຜູກ​ພັນ ລະ­ຫວ່າງ​ບໍ­ລິ­ສັດ​ອີ​ຊູ​ຊຸ​ລາວ​ບໍ­ລິ­ການ ຈຳ­ກັດ​ຜູ້​ດຽວ ແລະ ລູກ​ຄ້າ​ທີ່​ໃຊ້​ລົດ​ອີ​ຊູ​ຊຸ ໃຫ້​ລູກ​ຄ້າ​ໄດ້​ທົດ​ສອບ​ຄຸນ​ນະ­ພາ​ບລົດ ໄດ້​ຮູ້​ເຕັກ­ນິກ​ການ​ຂັບ​ຂີ່ ມີ​ກິດ­ຈະ­ກຳ​ຮ່ວມ​ກັນ ນອກ​ນັ້ນ ລູກ​ຄ້າ​ທີ່​ມາ​ຮ່ວມ​ກິດ­ຈະ­ກຳ​ກໍ​ມາ​ແບບ​ຄອບ­ຄົວ ກິດ­ຈະ­ກຳ​ທີ່​ຈັດ​ເນັ້ນ​ໃຫ້​ທຸກ​ຄົນ​ໃນ​ຄອບ­ຄົວ​ມີ​ສ່ວນ​ຮ່ວມ ສາ­ມາດ​ສ້າງ​ຄວາມ​ສາ­ມັກ­ຄີ​ໃຫ້​ຄົນ​ໃນ​ຄອບ­ຄົວ​ໄດ້​ເປັນ​ຢ່າງ​ດີ ກິດ­ຈະ­ກຳ​ໃນ​ປີ​ນີ້​ເປັນ​ປີ​ທີ 2 ທີ່​ພວກ​ເຮົາ​ຈັດ​ຂຶ້ນ ຫຼັງ​ຈາກ​ທີ່​ປີ­ຜ່ານ­ມາ​ແມ່ນ​ຈັດ​ຢູ່​ເມືອງ​ສັງ​ທອງ ສ່ວນ​ການ​ກະ­ກຽມ​ການ​ຈັດ​ງານ​ຄັ້ງ​ນີ້ ທີມ​ງານ​ໄດ້​ໃຊ້​ເວ­ລາ 3 ເດືອນ ເພື່ອ​ກະ­ກຽມ​ຄວາມ​ພ້ອມ​ດ້ານ​ຕ່າງໆ.

    ໂອ­ກາດ​ນີ້ ທ່ານ​ປະ­ທານ ແລະ ຜູ້­ອຳ­ນວຍ­ການ ບໍ­ລິ­ສັດ ອີ​ຊູ​ຊຸ​ລາວ​ບໍ­ລິ­ການ ຈຳ­ກັດ​ຜູ້​ດຽວ ຍັງ​ໄດ້​ເຊີນ­ຊວນ​ລູກ​ຄ້າ​ໃຫ້​ເຂົ້າ​ມາ​ຈັບ­ຈອງ​ລົດ​ອີ​ຊູ​ຊຸ ເພາະ​ຈະ​ມີ​ການ​ແຈກ​ລາ­ງວັນ​ໃຫຍ່ ໃນ​ທ້າຍ​ປີ 2019 ລວມ​ມີ 99 ລາ­ງວັນ ເຊິ່ງ​ລາ­ງວັນ​ທີ 1 ຈະ​ໄດ້​ຮັບ​ຄຳ 19 ບາດ ນອກ​ນັ້ນ ຍັງ​ມີ​ຄຳ 9 ບາດ 9 ລາ­ງວັນ ລົດ­ຈັກ 9 ລາ­ງວັນ ມີ​ຕູ້­ເຢັນ ໂທລະ­ພາບ ແລະ ລາ­ງວັນ​ອື່ນໆ​ອີກ.

    ສຳ­ລັບ​ການ​ເດີນ­ທາງ​ໃນ Isuzu Rally ຄັ້ງ​ນີ້ ມີ​ຈຳ­ນວນ​ລົດ​ອີ​ຊູ​ຊຸ​ຈາກ​ລູກ​ຄ້າ​ທັງ​ໝົດ 33 ຄັນ​ເຂົ້າ​ຮ່ວມ ເລີ່ມ​ຕົ້ນ​ການ​ເດີນ­ທາງ​ຈາກ​ຫ້ອງ​ຂາຍ ອີ​ຊູ​ຊຸ​ລາວ ບໍ­ລິ­ການ​ນະ­ຄອນ­ຫຼວງ​ວຽງ​ຈັນ​ສູ່​ເມືອງ​ທຸ­ລະ­ຄົມ ເພື່ອ​ສ້າງ​ຄວາມ​ມ່ວນ­ຊື່ນ  ແລະ ຄວາມ​ສາ­ມັກ­ຄີ​ພາຍ​ໃນ​ຄອບ­ຄົວ​ອີ​ຊູ​ຊຸ ໂດຍ​ທາງ​ທີມ​ງານ​ພວກ​ເຮົາ​ໄດ້​ກະ­ກຽມ​ເກມ​ຕ່າງໆ​ໃຫ້​ລູກ​ຄ້າ​ທຸກ​ທ່ານ​ໄດ້​ຮ່ວມ​ມ່ວນ ຊື່ນ​ຕະ­ຫຼອດ​ເສັ້ນ­ທາງ ພ້ອມ​ນັ້ນ ຍັງ​ໄດ້​ຈັດ​ກິດ­ຈະ­ກຳ​ຊ່ວຍ­ເຫຼືອ​ທາງ​ສັງ­ຄົມ ໂດຍ​ການ​ແບ່ງ­ປັນ​ຄວາມ­ສຸກ​ນຳ­ພາ​ນັກ­ຮຽນ 100 ກວ່າ​ຄົນ​ຫຼິ້ນ​ເກມ ແລະ ມອບ​ອຸ­ປະ­ກອນ​ການ​ສຶກ​ສາ​ໃຫ້​ນ້ອງ​ນັກ­ຮຽນ​ທຸກ​ຄົນ ພ້ອມ​ມອບ​ເຄື່ອງ​ຊ່ວຍ­ເຫຼືອ​ສິ່ງ​ຂອງ​ຕ່າງໆ ປະ­ກອບ​ມີ ຫຼັກ​ປະ­ຕູ​ຂອງ​ເດີ່ນ​ບານ ນ້ຳ​ສີ​ທາ​ຫ້ອງ​ຮຽນ ຕູ້​ໃສ່​ເອ­ກະ­ສານ ພັດ​ລົມ​ຕັ້ງ​ໂຕະ ແລະ ແຂນ​ຝາ ພ້ອມ​ອຸ­ປະ­ກອນ​ການ​ຮຽນ-ການ​ສອນ ອຸ­ປະ­ກອນ​ການ​ກີ­ລາ ແລະ ອື່ນໆ ລວມ​ມູນ​ຄ່າ​ທັງ​ໝົດ 17,7 ລ້ານ​ກວ່າ​ກີບ.

ຂ່າວທີ່ກ່ຽວຂ້ອງ