ຂ່າວຫຼ້າສຸດ

ນາຊາຍທອງ ຂຸ້ນຂ້ຽວໃສ່ການປູກພືດລະດູຝົນ ໃຫ້ສຳເລັດຕາມແຜນການ

204 17 ກ.ລ. 2019 ຂ່າວໜ້າ​ໜຶ່ງ

 ຊາວ​ກະ­ສິ­ກອນ ເມືອງ​ນາ​ຊາຍ​ທອງ ກໍ​ໄດ້​ສຸມ​ໃສ່​ການ​ປັກ​ດຳ­ນາ​ປີ ແລະ ປູກ​ພືດ​ຜັກ​ລະ­ດູ­ຝົນ​ໃຫ້​ທັນ​ລະ­ດູ​ການ ເພື່ອ​ແນ­ໃສ່​ໃຫ້​ໄດ້­ຜົນ​ຜະ­ລິດ​ຕາມ​ຄາດ­ໝາຍ ແລະ ຕອບ​ສະ­ໜອງ​ຕາມ​ຄວາມ​ຕ້ອງ­ການ​ຂອງ​ຕະ ຫຼາດ ກໍ​ຄື ຜູ້​ບໍ­ລິ­ໂພກ.

    ທ່ານ ສົມ­ພານ ສີ​ຫາ​ລາດ ຫົວ­ໜ້າ​ໜ່ວຍ​ງານ​ປູກ­ຝັງ ຫ້ອງ­ການ​ກະ­ສິ­ກຳ ແລະ ປ່າ­ໄມ້​ເມືອງ​ນາ​ຊາຍ​ທອງ ແຈ້ງ​ໃຫ້​ຮູ້ ວັນ​ທີ 10 ກໍ­ລະ­ກົດ 2019 ວ່າ: ບົດ​ສະ­ຫຼຸບ​ປະ­ຈຳ​ອາ­ທິດ ວັນ​ທີ 8 ກໍ­ລະ­ກົດ 2019 ທົ່ວ​ເມືອງ​ນາ​ຊາຍ​ທອງ​ມີ​ແຜນ​ປູກ​ເຂົ້າ­ນາ​ປີ 7.994 ເຮັກ­ຕາ ແຜນ­ການ​ຕົກ­ກ້າ 639,52 ໂຕນ ປັດ­ຈຸ­ບັນ​ໄດ້​ຫວ່ານ​ສຳ­ເລັດ 6.381 ເຮັກ­ຕາ ເທົ່າ​ກັບ 79,82% ຕົກ­ກ້າ​ໄດ້ 129,3 ໂຕນ ແລະ ປັກ​ດຳ­ນາ​ປີ​ໄດ້​ແລ້ວ 25 ເຮັກ­ຕາ ສຳ­ລັບ​ການ​ຜະ­ລິດ​ພືດ​ຜັກ​ລະ­ດູ­ຝົນ ປະ­ກອບ​ມີ​ຜັກ​ກິນ​ໃບ ຜັກ​ກິນ​ໝາກ ຜັກ​ກິນ​ຫົວ ແລະ ສາ­ລີ​ຫວານ ເນື້ອ­ທີ່​ແຜນ­ການ​ປູກ 340 ເຮັກ­ຕາ ປັດ­ຈຸ­ບັນ​ປະ­ຕິ­ບັດ​ໄດ້ 162,6 ເຮັກ­ຕາ ເທົ່າ​ກັບ 47,82% ປູກ​ໄມ້​ໃຫ້​ໝາກ​ປະ­ເພດ​ໝາກ­ກ້ວຍ ໝາກ­ຫຸ່ງ ໝາກ​ນັດ ໝາກ​ນາວ ເນື້ອ­ທີ່​ແຜນ­ການ​ປູກ 135 ເຮັກ­ຕາ ປະ­ຕິ­ບັດ​ໄດ້ 164 ເຮັກ­ຕາ ເທົ່າ​ກັບ 121,48% ແລະ ການ​ຜະ­ລິດ​ພືດ​ອຸດ​ສະ­ຫະ​ກຳ ປະ­ກອບ​ມີ​ສາ­ລີ​ແຂງ ມັນ­ຕົ້ນ ແລະ ອ້ອຍ ເນື້ອ­ທີ່​ແຜນ­ການ 500 ເຮັກ­ຕາ ປະ­ຕິ­ບັດ​ໄດ້ 361 ເຮັກ­ຕາ ເທົ່າ​ກັບ 72,2%.

    ສຳ­ລັບ​ແຜນ­ການ​ອາ­ທິດ​ຕໍ່​ໄປ ແມ່ນ​ຈະ​ກະ­ກຽມ​ການ​ສາ­ທິດ​ດຳ­ນາ​ດ້ວຍ​ກົນ​ຈັກ​ຢູ້​ບ້ານ​ໜອງ​ສະ ສືບ­ຕໍ່​ລະ­ດົມ​ຊຸກ­ຍູ້ ພ້ອມ​ທັງ​ຕິດ­ຕາມ​ການ​ປູກ​ພືດ​ສຳ­ຮອງ​ຕ່າງໆ ຕິດ­ຕາມ​ການ​ຕົກ­ກ້າ ແລະ ນາ­ຫວ່ານ​ຂອງ​ຊາວ​ກະ­ສິ­ກອນ ໃຫ້​ສຳ­ເລັດ​ຕາມ​ແຜນ­ການ.

ຂ່າວທີ່ກ່ຽວຂ້ອງ