ຂ່າວຫຼ້າສຸດ

ໃນ 6 ເດືອນຕົ້ນປີ ນະຄອນຫຼວງ ບັນລຸຫຼາຍຄາດໝາຍທີ່ພົ້ນເດັ່ນ

276 17 ກ.ລ. 2019 ຂ່າວໜ້າ​ໜຶ່ງ
ໃນ 6 ເດືອນຕົ້ນປີ ນະຄອນຫຼວງ ບັນລຸຫຼາຍຄາດໝາຍທີ່ພົ້ນເດັ່ນ

    ກອງ​ປະ­ຊຸມ​ຄົບ​ຄະ­ນະ​ບໍ­ລິ­ຫານ​ງານ​ພັກ ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ທີ 18 ສະ­ໄໝ​ທີ VI ຈັດ​ຂຶ້ນ​ວັນ​ທີ 15-16 ກໍ­ລະ­ກົດ 2019 ທີ່​ຫ້ອງ​ວ່າ­ການ ນວ ໂດຍ​ເປັນ​ປະ­ທານ​ຂອງ​ສະ­ຫາຍ ສິນ​ລະ​ວົງ ຄຸດ​ໄພ­ທູນ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ເລ­ຂາ​ຄະ­ນະ​ພັກ ເຈົ້າ​ຄອງ ນວ ມີ​ສະ­ຫາຍ ສົມ​ສະ­ຫວາດ ເລັ່ງ​ສະ​ຫວັດ ອະ­ດີດ​ກຳ​ມະ ການ​ກົມ​ການ­ເມືອງ​ສູນ​ກາງ​ພັກ ອະ­ດີດ​ຮອງ​ນາ­ຍົກ­ລັດ­ຖະ­ມົນ­ຕີ ທີ່​ປຶກ­ສາ​ກົມ​ການ­ເມືອງ​ສູນ​ກາງ​ພັກ ສະ­ຫາຍ ບຸນ​ປອນ ບຸດ​ຕະ​ນະ​ວົງ ກຳ­ມະ­ການ​ສູນ​ກາງ​ພັກ ຮອງ​ປະ­ທານ​ສະ­ພາ​ແຫ່ງ​ຊາດ ສະ­ຫາຍ​ລັດ­ຖະ­ມົນ­ຕີ ຮອງ​ລັດ​ຖະ​ມົນ ຕີ​ກະ­ຊວງ​ກ່ຽວ­ຂ້ອງ ແລະ ການ​ນຳ ນວ ເຂົ້າ​ຮ່ວມ.

    ກອງ​ປະ­ຊຸມ​ໄດ້​ຮັບ​ຟັງ ແລະ ປະ­ກອບ​ຄຳ​ຄິດ​ຄຳ​ເຫັນ​ໃສ່​ຮ່າງ​ມະ­ຕິ​ກົມ​ການ­ເມືອງ​ສູນ​ກາງ​ພັກ ວ່າ​ດ້ວຍ​ການ ພັດ­ທະ­ນາ ນວ ໃນ​ໄລ­ຍະ​ໃໝ່ ຮ່າງ​ດຳ­ລັດ​ວ່າ​ດ້ວຍ​ການ​ຄຸ້ມ​ຄອງ ແລະ ພັດ­ທະ­ນາ​ລຸ່ມ​ຄອງ​ນ້ຳ​ວຽງ​ຈັນ ປະ­ກາດ​ບົ່ງ​ຕົວ​ແຕ່ງ­ຕັ້ງ​ສະ­ຫາຍ ອາດ​ສະ­ພັງ​ທອງ ສີ​ພັນ​ດອນ ຮອງ​ເຈົ້າ​ຄອງ ນວ ເປັນ​ຄະ­ນະ​ປະ­ຈຳ​ພັກ ນວ ຮ່າງ​ບົດ​ສະ­ຫຼຸບ​ການ​ນຳ­ພາ​ຈັດ​ຕັ້ງ​ປະ­ຕິ­ບັດ​ວຽກ​ງານ​ຮອບ­ດ້ານ​ຂອງ​ຄະ­ນະ​ບໍ­ລິ­ຫານ​ງານ​ພັກ ນວ ໃນ​ໄລ­ຍະ 6 ເດືອນ​ຕົ້ນ​ປີ ແລະ 6 ເດືອນ​ທ້າຍ​ປີ 2019 ການ​ລາຍ​ງານ ແລະ ໃຫ້​ທິດ​ຊີ້​ນຳ​ກ່ຽວ​ກັບ​ການ​ກະ­ກຽມ​ດຳ­ເນີນ​ກອງ​ປະ­ຊຸມ​ໃຫຍ່ 3 ຂັ້ນ ນວ ຂອງ​ຄະ­ນະ​ອະ­ນຸ​ກຳ­ມະ­ການ​ເນື້ອ​ໃນ ອະ­ນຸ​ກຳ­ມະ­ການ​ບຸ​ຄະ­ລາ​ກອນ ແລະ ອະ­ນຸ​ກຳ­ມະ­ການ​ຂະ​ບວນ​ການ ຜົນ​ສຳ ເລັດ​ການ​ເຮັດ​ທົດ​ລອງ​ຢູ່​ບ້ານ​ວຽງ​ຈະ­ເລີນ ເມືອງ​ໄຊ​ເສດ​ຖາ ຮ່າງ​ບົດ​ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ​ແຜນ­ການ​ກໍ່­ສ້າງ  ໜ່ວຍ​ພັກ​ປອດ​ໃສ ເຂັ້ມ­ແຂງ ໜັກ​ແໜ້ນ ຂອງ​ອົງ­ຄະ​ນະ​ພັກ ນວ ປະ­ຈຳ​ປີ 2019 ແລະ ແຜນ­ການ​ປີ 2020 ຮ່າງ​ບົດ​ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ແລະ ແຜນ​ງົບ­ປະ­ມານ 6 ເດືອນ​ຕົ້ນ​ປີ ມາດ​ຕະ ການ​ສືບ­ຕໍ່​ຈັດ​ຕັ້ງ​ປະ­ຕິ­ບັດ 6 ເດືອນ​ທ້າຍ​ປີ 2019 ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ແກ້​ໄຂ​ໜີ້​ສິນ​ຂອງ ນວ ຮ່າງ​ຂໍ້​ຕົກ­ລົງ​ວ່າ​ດ້ວຍ​ການ​ແກ້​ໄຂ​ບັນ­ຫາ​ຂໍ້​ຂັດ​ແຍ່ງ​ທີ່​ດິນ​ທົ່ວ ນວ ແລະ ບັນ­ຫາ​ອື່ນໆ​ທີ່​ພົ້ນ​ເດັ່ນ​ຢູ່​ໃນ ນວ ເຊິ່ງ​ເອ­ກະ­ສານ​ທີ່​ກ່ຽວ​ພັນ​ກັບ​ຂັ້ນ​ສູນ​ກາງ​ທີ່​ນຳ​ມາ​ຜ່ານ​ຢູ່​ໃນ​ກອງ​ປະ­ຊຸມ​ຄັ້ງ​ນີ້​ຕ້ອງ​ໄດ້​ຜ່ານ​ຄະ­ນະ​ນຳ​ຂັ້ນ​ສູນ​ກາງ​ເພື່ອ​ຈະ​ໄດ້​ພ້ອມ​ກັນ​ປຶກ­ສາ​ເພື່ອ​ເຮັດ​ໃຫ້​ເນື້ອ​ໃນ​ຄົບ​ຖ້ວນ ແລະ ສົມ­ບູນ​ແບບ ກ້າວ​ໄປ​ສູ່​ການ​ຮັບ­ຮອງ​ເອົາ ພ້ອມ​ທັງ​ປະ­ກາດ​ໃຊ້​ໃນ​ຂັ້ນ​ຕໍ່​ໄປ.

     ສຳ­ລັບ​ຜົນ­ງານ​ທີ່​ພົ້ນ​ເດັ່ນ​ໃນ 6 ເດືອນ​ຕົ້ນ​ປີ 2019 ໄດ້​ກວດ­ກາ​ໂຄງ­ການ​ລົງ­ທຶນ​ຂອງ​ລັດ​ຕາມ​ທິດ​ຊີ້​ນຳ​ຂອງ​ອົງ­ການ​ກວດ­ກາ​ລັດ­ຖະ­ບານ ຄື: ໂຄງ­ການ​ກໍ່­ສ້າງ​ທາງ​ເບ​ຕົງ ແຕ່​ໄຟ​ອຳ­ນາດ​ຕານ​ມີ​ໄຊ​ຫາ​ສາມ​ແຍກ​ສີ​ເກີດ ໂຄງ­ການ​ລົງ­ທຶນ​ຂອງ​ລັດ​ໃນ 9 ຕົວ​ເມືອງ 13 ໂຄງ­ການ ປັບ­ປຸງ​ບ້ານ​ຕາມ 5 ໜ່ວຍ​ງານ​ສຳ­ເລັດ 460 ບ້ານ ຍັງ​ເຫຼືອ 21 ບ້ານ ບ້ານ​ມີ​ເລ­ຂາ​ໜ່ວຍ​ພັກ​ຄວບ​ຕຳ­ແໜ່ງ​ນາຍ­ບ້ານ 330 ບ້ານ ບ້ານ​ບໍ່​ຄວບ​ຕຳ­ແໜ່ງ 151 ບ້ານ ພະ­ນັກ­ງານ​ເປັນ​ນາຍ­ບ້ານ 11 ບ້ານ ພະ­ນັກ­ງານ​ບຳ­ນານ​ເປັນ​ນາຍ­ບ້ານ 8 ບ້ານ ຄະ­ນະ​ພັກ​ເມືອງ ເປັນ​ນາຍ­ບ້ານ 14 ບ້ານ ແລະ ມະ­ຫາ­ຊົນ​ເປັນ​ນາຍ­ບ້ານ 10 ບ້ານ ບ້ານ​ພັດ­ທະ­ນາ​ຕາມ 4 ເນື້ອ​ໃນ 4 ຄາດ­ໝາຍ ມີ 370 ບ້ານ ມີ​ຄອບ­ຄົວ​ພັດ­ທະ­ນາ 140.252 ຄອບ­ຄົວ ຈັດ​ກອງ​ປະ­ຊຸມ​ຄະ­ນະ​ສົ່ງ­ເສີມ ແລະ ຄຸ້ມ​ຄອງ​ການ​ລົງ­ທຶນ​ຂັ້ນ ນວ ໄດ້ 4 ຄັ້ງ ພິ­ຈາ­ລະ­ນາ 32 ໂຄງ­ການ ໃນ​ນີ້ ຂັ້ນ ນວ ອະ­ນຸ­ມັດ 23 ໂຄງ­ການ ແລະ ປະ­ກອບ​ຄຳ​ເຫັນ​ໃຫ້​ສູນ​ກາງ 9 ໂຄງ ການ ໄດ້​ພິ­ຈາ­ລະ­ນາ​ເຫັນ​ດີ 21 ໂຄງ­ການ ບໍ່​ເຫັນ​ດີ 5 ໂຄງ­ການ ແລະ ໃຫ້​ພາກ­ສ່ວນ​ກ່ຽວ­ຂ້ອງ​ໄປ​ຄົ້ນ­ຄວ້າ​ຄືນ 6 ໂຄງ­ການ ສາ­ມາດ​ດຶງ​ດູດ​ການ​ລົງ­ທຶນ​ຈາກ​ພາຍ​ໃນ ແລະ ຕ່າງ­ປະ­ເທດ​ທັງ​ໝົດ 1.029 ຫົວ­ໜ່ວຍ ມູນ​ຄ່າ​ການ​ລົງ­ທຶນ 11.527,9 ຕື້​ກີບ ໄດ້​ເຊັນ​ບົດ​ບັນ­ທຶກ​ຄວາມ​ເຂົ້າ­ໃຈ​ເພື່ອ​ສຶກ​ສາ​ຄວາມ​ເປັນ​ໄປ​ໄດ້ 3 ໂຄງ­ການ ມາ​ຮອດ​ວັນ​ທີ 30 ມິ­ຖຸ­ນາ 2019 ເກັບ​ລາຍ​ຮັບ​ໄດ້ 578 ຕື້​ກວ່າ​ກີບ ເທົ່າ​ກັບ 42,62% ຂອງ​ແຜນ­ການ ລາຍ​ຈ່າຍ​ປະ­ຕິ­ບັດ​ໄດ້ 260,35 ຕື້​ກີບ ເທົ່າ​ກັບ 40,09% ຂອງ​ແຜນ­ການ​ປີ ໄດ້​ອອກ​ໃບ​ອະ­ນຸ­ຍາດ​ດຳ­ເນີນ​ທຸ­ລະ​ກິດ​ໂຮງ­ງານ​ໃໝ່ 81 ໂຮງ­ງານ ທຶນ​ທັງ​ໝົດ 32,27 ຕື້​ກີບ ຕໍ່​ອະ­ນຸ­ຍາດ​ດຳ­ເນີນ​ກິດ­ຈະ­ການ ໂຮງ­ງານ 303 ໂຮງ­ງານ ມີ​ທຶນ 106 ຕື້​ກີບ ລົງ​ແກ້​ໄຂ​ສະ­ມາ­ຄົມ​ລ້ຽງ​ງົວ ລົງ​ຊຸກ­ຍູ້​ປະ­ຊາ­ຊົນ​ເຂົ້າ​ຮ່ວມ​ໂຄງ­ການ​ປູກ​ເຂົ້າ​ສະ­ໜອງ​ໃຫ້​ໂຮງ­ງານ​ເບຍ ແລະ ໂຮງ­ງານ​ອຸດ­ສາ­ຫະ­ກຳ​ອື່ນໆ ສຳ­ເລັດ​ປູກ​ຕົ້ນ­ໄມ້​ຢູ່​ຖະ­ໜົນ 450 ປີ ຄົ້ນ­ຄວ້າ​ການ​ສ້າງ­ຕັ້ງ​ບໍ­ລິ­ສັດ​ສີ­ຂຽວ ແລະ ແກ້​ໄຂ​ບັນ­ຫາ​ການ​ລະ­ເມີດ​ລວງ​ຄອງ​ລະ­ບາຍ​ນ້ຳ­ຂອງ​ບໍ­ລິ­ສັດ​ຕ່າງໆ ປັກ​ຫຼັກ​ໝາຍ​ເຂດ​ດິນ​ກະ­ສິ­ກຳ​ຢູ່​ເມືອງ​ນາ​ຊາຍ​ທອງ ໄຊ​ທາ­ນີ ແລະ ເມືອງ​ຫາດ​ຊາຍ​ຟອງ 998 ຫຼັກ  ຜະ­ລິດ​ເຂົ້າ­ນາ­ແຊງ​ໄດ້ 14.222 ເຮັກ­ຕາ ຜະ­ລິດ​ພືດ​ອຸດ­ສາ­ຫະ­ກຳ​ໄດ້ 1.580 ເຮັກ­ຕາ ສະ­ໜອງ​ທາດ​ຊີ້ນ ແລະ ປາ​ໄດ້ 30.429,30 ໂຕນ ເທົ່າ​ກັບ 48,84% ຂອງ​ແຜນ­ການ​ປີ ຈົດ​ທະ­ບຽນ​ປະ​ເມີນ​ລາ­ຄາ​ທີ່​ດິນ 18.026 ຕອນ ສຳ​ຫຼວດ​ວັດ­ແທກ​ໄດ້ 6.194 ຕອນ ແກ້​ໄຂ​ຂໍ້​ຂັດ​ແຍ່ງ​ທີ່​ດິນ 118 ຕອນ ເຊັນ​ໃບ​ຕາ­ດິນ 5.735 ຕອນ ສຳ​ຫຼວດ ແລະ ກຳ­ນົດ​ຂອບ​ເຂດ​ໂຄງ­ການ​ທາງ​ດ່ວນ​ວຽງ​ຈັນ​ໝາຍ​ເລກ 1 ໂຄງ­ການ​ຄຸ້ມ​ຄອງ​ອ່າງ​ໂຕ່ງ​ໜອງ​ຕະ​ເລິ​ະ ແລະ ອ່າງ​ໂຕ່ງ​ໜອງ​ຄັນ ຕໍ່​ອະ­ນຸ­ຍາດ​ຫົວ­ໜ່ວຍ​ທຸ­ລະ​ກິດ​ທີ່​ດຳ­ເນີນ​ກິດ­ຈະ­ການ​ກໍ່­ສ້າງ ແລະ ຕິດ​ຕັ້ງ​ໄຟ­ຟ້າ 26 ຫົວ­ໜ່ວຍ ແກ້​ໄຂ​ຈຸດ​ສ່ຽງ​ທີ່​ອາດ​ຈະ​ເກີດ​ອັກ­ຄີ​ໄພ​ໃນ 9 ເມືອງ 451 ບ້ານ ເທົ່າ​ກັບ 93,76% ຂອງ​ຈຳ­ນວນ​ບ້ານ​ທັງ​ໝົດ ກວດ​ພົບ​ເຫັນ 26.337 ຫຼັງ­ຄາ ແລະ ແກ້​ໄຂ 7.638 ຫຼັງ­ຄາ ລົງ​ກວດ­ກາ​ການ​ສຶກ​ສາ​ຮອບ­ດ້ານ​ປົກ­ກະ­ຕິ​ໃນ​ໂຮງ­ຮຽນ​ລັດ 61 ແຫ່ງ ເອ­ກະ​ຊົນ 66 ແຫ່ງ ໄດ້​ສ້າງ​ພົນ­ລະ­ເມືອງ ນວ ໃຫ້​ຮູ້​ພາ­ສາ​ສາ­ກົນ​ຢ່າງ​ໜ້ອຍ 1 ພາ­ສາ ຮູ້​ນຳ​ໃຊ້​ຄອມ​ພິວ​ເຕີ​ບັນ­ລຸ​ໄດ້ 48,2% ແຜນ­ການ 50% ນອກ​ນີ້ ກໍ​ຍັງ​ມີ​ຫຼາຍ​ຂົງ­ເຂດ​ວຽກ​ງານ​ອື່ນໆ​ອີກ​ທີ່​ມີ​ຜົນ­ສຳ­ເລັດ.

ຂ່າວທີ່ກ່ຽວຂ້ອງ