ຂ່າວຫຼ້າສຸດ

ວາງສີລາລຶກໂຄງການກໍ່ສ້າງ ສະຖາບັນເສດຖະກິດ-ການເງິນ ດົງຄຳຊ້າງ

257 22 ກ.ລ. 2019 ຂ່າວໜ້າ​ໜຶ່ງ
ວາງສີລາລຶກໂຄງການກໍ່ສ້າງ ສະຖາບັນເສດຖະກິດ-ການເງິນ ດົງຄຳຊ້າງ

    ພິ­ທີ​ວາງ​ສີ​ລາ​ລຶກ​ໂຄງ­ການ​ກໍ່­ສ້າງ​ສະ​ຖາ​ບັນ​ເສດ­ຖະ­ກິດ-ການ​ເງິນ​ດົງ​ຄຳ​ຊ້າງ ໄລ­ຍະ 3 ຈັດ​ຂຶ້ນ​ວັນ​ທີ 19 ກໍ­ລະ­ກົດ 2019 ທີ່​ສະ​ຖາ​ບັນ​ການ​ເງິນ​ດົງ​ຄຳ​ຊ້າງ ເປັນ​ກຽດ​ເຂົ້າ​ຮ່ວມ​ຂອງ​ທ່ານ ສົມ​ດີ ດວງ​ດີ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ກະ­ຊວງ​ການ​ເງິນ ທ່ານ ຫງວຽນ ບາ​ຮຸງ ເອກ​ອັກ​ຄະ​ລັດ​ຖະ​ທູດ​ຫວຽດ­ນາມ ປະ­ຈຳ​ລາວ ທ່ານ ດິງ ຕຽນ​ຢຸງ ລັດ­ຖະ­ມົນ­ຕີ​ກະ­ຊວງ​ການ​ເງິນ​ຫວຽດ­ນາມ ມີ​ຫົວ­ໜ້າ​ບໍ­ລິ­ສັດ ຈິດ​ຈະ­ເລີນ​ກໍ່­ສ້າງ​ຈຳ­ກັດ ພ້ອມ​ດ້ວຍ​ຂະ­ແໜງ­ການ​ກ່ຽວ­ຂ້ອງ.

    ໂຄງ­ການ​ກໍ່­ສ້າງ​ສະ​ຖາ​ບັນ​ເສດ­ຖະ­ກິດ-ການ​ເງິນ​ດົງ​ຄຳ​ຊ້າງ ໄລ­ຍະ 3 ປະ­ກອບ​ດ້ວຍ ອາ­ຄານ​ຮຽນ 1 ຫຼັງ ສູງ 3 ຊັ້ນ ກໍ່­ສ້າງ​ຫໍ​ພັກ​ນັກ​ສຶກ​ສາ​ຈຳ­ນວນ 2 ຫຼັງ ສູງ 3 ຊັ້ນ ສະ­ໜອງ​ທີ່­ຢູ່​ອາ­ໄສ​ໃຫ້​ແກ່​ນັກ​ສຶກ​ສາ​ໄດ້ 448 ຄົນ ກໍ່­ສ້າງ​ສະ­ໜາມ​ກີ­ລາ​ໃນ​ຮົ່ມ 1 ຫຼັງ ສ້າງ​ສະ­ໜາມ​ກີ­ລາ​ກາງ­ແຈ້ງ 1 ແຫ່ງ ສ້າງ​ໂຄງ​ລ່າງ​ເຕັກ­ນິກ​ນອກ​ອາ­ຄານ ຕິດ​ຕັ້ງ ແລະ ປະ­ກອບ​ບັນ­ດາ​ອຸ­ປະ­ກອນ​ທີ່​ຈຳ­ເປັນ​ຈຳ­ນວນ​ໜຶ່ງ ມູນ​ຄ່າ​ການ​ກໍ່­ສ້າງ 65,258 ຕື້​ກີບ ຫຼື 176,198 ຕື້​ດົງ  ໃນ​ນີ້ ທຶນ​ການ​ຊ່ວຍ­ເຫຼືອ​ລ້າ​ຂອງ​ລັດ­ຖະ­ບານ​ຫວຽດ­ນາມ 58,733 ຕື້​ກີບ ຫຼື 158,579 ຕື້​ດົງ ໂດຍ​ແມ່ນ​ບໍ­ລິ­ສັດ​ຫຸ້ນ​ສ່ວນ​ກໍ່­ສ້າງ ບໍ­ລິ­ການ ແລະ ການ​ຄ້າ 68 ເປັນ​ຜູ້​ຮັບ​ເໝົາ​ກໍ່­ສ້າງ ໄລ­ຍະ​ເວ­ລາ​ການ​ກໍ່­ສ້າງ​ແມ່ນ 2 ປີ (2019-2021).

    ທັງ​ນີ້ ກໍ​ເພື່ອ​ປະ­ກອບ­ສ່ວນ​ເຂົ້າ​ໃນ​ການ​ເພີ່ມ​ທະ­ວີ​ຄວາມ​ສາ­ມັກ­ຄີ​ມິດ­ຕະ­ພາບ​ລະ­ຫວ່າງ​ສອງ​ລັດ­ຖະ­ບານ ລາວ-ຫວຽດ­ນາມ ຕອບ​ສະ­ໜອງ​ຄວາມ​ຕ້ອງ­ການ​ພື້ນ­ຖານ​ວັດ­ຖຸ​ເພື່ອ​ພັດ­ທະ­ນາ​ສະ​ຖາ​ບັນ​ໃຫ້​ກາຍ­ເປັນ​ສູນ​ການ​ສຶກ​ສາ ແລະ ຄົ້ນ­ຄວ້າ​ດ້ານ​ການ​ເງິນ ຮັບ­ປະ­ກັນ​ໃນ​ການ​ກໍ່­ສ້າງ​ນັກ​ສຶກ​ສາ​ໃຫ້​ມີ​ຄວາມ​ຮູ້​ຄວາມ​ສາ­ມາດ.

ຂ່າວທີ່ກ່ຽວຂ້ອງ