ຂ່າວຫຼ້າສຸດ

ດຶງເຊືອກ 17 ປີ ລາວ ໄດ້ທີ 1 ຢູ່ອຸດອນທານີ

502 22 ກ.ລ. 2019 ວົງຈອນກີລາ
ດຶງເຊືອກ 17 ປີ ລາວ ໄດ້ທີ 1 ຢູ່ອຸດອນທານີ

    ທັບ​ນັກ­ກີ­ລາ​ດຶງ­ເຊືອກ ຈາກ​ໂຮງ­ຮຽນ​ມັດ­ທະ­ຍົມ​ສົມ­ບູນ​ສຶກ​ສາ​ວຽງ​ຈັນ (ມສ ວຽງ​ຈັນ) ຕົວ​ແທນ ນັກ­ຮຽນ​ລາວ ຮຸ່ນ​ອາ­ຍຸ​ບໍ່​ເກີນ 17 ປີ ທັງ​ປະ­ເພດ​ຍິງ-ຊາຍ ເຂົ້າ​ຮ່ວມ​ການ​ແຂ່ງ­ຂັນ​ດຶງ­ເຊືອກ ລາຍ ການ ສະ​ມໍ​ລະ​ພູມ​ຈອມ​ພະ­ລັງ ຮຸ່ນ​ອາ­ຍຸ​ບໍ່​ເກີນ 17 ປີ ຢູ່​ແຂວງ​ອຸ­ດອນ​ທາ­ນີ ປະ­ເທດ​ໄທ ລະ­ຫວ່າງ​ວັນ​ທີ 12-14 ກໍ­ລະ­ກົດ ນີ້.

    ອີງ​ຕາມ​ການ​ລາຍ​ງານ​ຂອງ ທ່ານ ໄຕ­ລັດ ພຸດ​ທະ​ພົງ ຮອງ​ປະ­ທານ​ສະ­ຫະ­ພັນ​ກີ­ລາ​ດຶງ­ເຊືອກ ແຫ່ງ​ຊາດ​ລາວ ໃຫ້​ຮູ້​ວ່າ: ການ​ແຂ່ງ­ຂັນ​ຄັ້ງ​ນີ້ ມີ​ນັກ­ກີ­ລາ​ດຶງ­ເຊືອກ​ເຂົ້າ​ຮ່ວມ​ທັງ​ໝົດ 30 ທີມ ໃນ​ນັ້ນ ປະ­ເພດ​ຊາຍ ມີ 19 ທີມ ແລະ ປະ­ເພດ​ຍິງ ມີ 11 ທີມ ໂດຍ​ທີມ​ລາວ ສົ່ງ​ເຂົ້າ​ຮ່ວມ 2 ທີມ (ຍິງ-ຊາຍ) ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ປະ­ເພດ​ທີມ​ຊາຍ ສາ­ມາດ​ຍາດ​ໄດ້​ອັນ​ດັບ​ທີ 1 ຫຼັງ​ຈາກ​ເອົາ ຊະ­ນະ ທີມ​ແຂວງ​ອຸ­ດອນ​ທາ­ນີ (ເຈົ້າ­ພາບ) ໄປ​ໄດ້ 2-1 ພ້ອມ​ທັງ​ໄດ້​ຮັບ​ລາ­ງວັນ​ທີມ​ນັກ­ກີ­ລາ​ດີ­ເດັ່ນ ໃນ​ການ​ແຂ່ງ­ຂັນ​ຄັ້ງ​ນີ້. 

    ສ່ວນ​ຜົນ​ການ​ແຂ່ງ­ຂັນ​ປະ­ເພດ​ທີມ​ຍິງ ສາ­ມາດ​ຜ່ານ​ເຂົ້າ​ໄປ​ຫຼິ້ນ​ໃນ​ຮອບ​ຮອງ​ຊະ­ນະ​ເລີດ ຫຼື​ຮອບ 4 ທີມ​ສຸດ​ທ້າຍ ແຕ່​ໄປ​ເສຍ​ໃຫ້​ທີມ​ແຂວງ​ອຸ­ດອນ​ທາ­ນີ (ເຈົ້າ­ພາບ) ແລະ ໄດ້​ເຂົ້າ​ໄປ​ຊີງ​ອັນ​ດັບ 3 ພົບ​ກັບ ທີມ​ແຂວງ​ໜອງ​ຄາຍ ປະ­ເທດ​ໄທ ແລະ ສາ­ມາດ​ເອົາ​ຊະ­ນະ ແຂວງ​ໜອງ​ຄາຍ​ໄປ​ໄດ້ 2-0 ໄດ້​ອັນ​ດັບ​ທີ 3 ມາ​ຄອງ ສ່ວນ​ສະ­ໜາມ​ຕໍ່​ໄປ​ແມ່ນ​ຈະ​ຈັດ​ຂຶ້ນ​ໃນ​ເດືອນ​ສິງ­ຫາ 2019 ຢູ່​ແຂວງ​ຊະ​ເຊີງ​ເຊົາ ປະ­ເທດ​ໄທ.

ຂ່າວທີ່ກ່ຽວຂ້ອງ