ຂ່າວຫຼ້າສຸດ

ຄິງພາວເວີ ນຳສະເໜີທີ່ພັກອາໄສຫຼູ່ຫຼ່າ ແລະ ເປັນປາຍທາງພິເສດທີ່ສຸດ

247 22 ກ.ລ. 2019 ໂຄສະນາ-ປະຊາສຳພັນ
ຄິງພາວເວີ ນຳສະເໜີທີ່ພັກອາໄສຫຼູ່ຫຼ່າ ແລະ ເປັນປາຍທາງພິເສດທີ່ສຸດ

    ຄິງ​ພາວ​ເວີ​ມະ­ຫາ​ນະ­ຄອນ (King Power Mahanakhon) ອາ­ຄານ​ສູງ​ທີ່​ສຸດ​ໃນ​ຣາ​ຊະ​ອາ­ນາ­ຈັກ​ໄທ ເຊິ່ງ​ເປັນ​ຈຸດ­ໝາຍ​ປາຍ­ທາງ​ທີ່​ມີ​ເອ­ກະ­ລັກ​ສະ­ເພາະ​ພິ­ເສດ ນຳ​ສະ­ເໜີ​ທີ່​ພັກ​ອາ­ໄສ​ທີ່​ຫຼູ່​ຫຼ່າ​ທີ່​ສຸດ (Ritz-Carlton Residences Bangkok) ວັນ​ທີ 19 ກໍ­ລະ­ກົດ 2019 ຢູ່​ເຂດ​ສາ­ທອນ ເຊິ່ງ​ເປັນ​ເຂດ​ທຸ­ລະ​ກິດ​ໃຈ­ກາງ​ນະ­ຄອນ­ຫຼວງ​ບາງ­ກອກ ໂດຍ​ສາ­ມາດ​ເປັນ​ເຈົ້າ​ຂອງ​ກຳ­ມະ­ສິດ​ແຕ່​ຊັ້ນ​ທີ 23-73 ມີ​ຂະ­ໜາດ 2-4 ຫ້ອງ​ນອນ ເນື້ອ­ທີ່ 135-447 ຕາ​ແມັດ ນອກ​ນີ້​ຊັ້ນ​ທີ 59 ຍັງ​ມີ​ເນື້ອ­ທີ່​ກວ້າງ​ເຖິງ 1.100 ຕາ​ແມັດ ຢູ່​ໃກ້​ສະ­ຖາ­ນີ​ລົດ­ໄຟ Chong Nonsi BTS station ເຊິ່ງ​ເປັນ​ໂອ­ກາດ​ດີ​ສຳ­ລັບ​ການ​ເປັນ​ເຈົ້າ​ຂອງ​ທີ່​ພັກ​ອາ­ໄສ​ໃນ​ຕົວ​ເມືອງ​ທີ່​ມີ​ຊື່​ສຽງ ແລະ ວິ­ຖີ​ຊີ­ວິດ​ແບບ​ຫຼູ່​ຫຼ່າ.

    ນອກ­ຈາກ​ສິ່ງ​ອຳ­ນວຍ​ຄວາມ​ສະ­ດວກ ແລະ ການ​ບໍ­ລິ­ການ​ທີ່​ມີ​ລະ­ດັບ​ແລ້ວ ຍັງ​ມີ​ການ​ຕົບ­ແຕ່ງ​ລະ­ດັບ​ໂລກ ໂດຍ​ບໍ­ລິ­ສັດ David Collins studio ນອກ​ນິ້​ນັງ​ມີ​ຫ້ອງ​ພັກ­ຜ່ອນ​ຢູ່​ຊັ້ນ 54 ມີ​ຫ້ອງ​ກິນ-ດື່ມ ຫ້ອງ​ອາ­ຫານ ຫ້ອງ​ຄົວ ຫ້ອງ​ນັ່ງ​ຫຼິ້ນ ຫ້ອງ​ປະ­ຊຸມ ແລະ ຫ້ອງ​ເບິ່ງ​ໂທລະ­ພາບ ເຊິ່ງ​ຜູ້​ເປັນ​ເຈົ້າ​ຂອງ​ສາ­ມາດ​ໃຊ້​ສູນ​ອອກ­ກຳ­ລັງ​ກາຍ ສະ​ລອຍ­ນ້ຳ ໂຮງ​ຮູບ­ເງົາ​ສ່ວນ​ໂຕ ມິ​ນິ​ບາ ຫ້ອງ​ຫຼິ້ນ​ພູ ຫ້ອງ​ຫຼິ້ນ​ເກມ ແລະ ຫ້ອງ​ເດັກ­ນ້ອຍ ເຊິ່ງ​ເປັນ​ໜຶ່ງ​ໃນ​ບັນ­ດາ​ສິ່ງ​ອຳ­ນວຍ​ຄວາມ​ສະ­ດວກ​ອື່ນໆ​ຢູ່​ຊັ້ນ 7.

    ທ່ານ Marc Begassat ຜູ້­ອຳ­ນວຍ­ການ King Power Mahanakhon ກ່າວ​ວ່າ: ເປັນ​ໂອ­ກາດ​ດີ​ທີ່​ຈະ​ເປັນ​ເຈົ້າ​ຂອງ​ທີ່​ພັກ​ອາ­ໄສ​ໃນ​ເຂດ​ສຳ­ຄັນ ພວກ​ເຮົາ​ສືບ­ຕໍ່​ສ້າງ​ຈຸດ­ໝາຍ​ປາຍ­ທາງ​ທີ່​ປະ­ສົມ​ປະ­ສານ​ກັບ​ການ​ຕ້ອນ­ຮັບ​ທີ່​ໂດດ​ເດັ່ນ ອາ­ຫານ​ທີ່​ໄດ້​ຮັບ​ລາ­ງວັນ ແລະ ສະ­ຖານ­ທີ່​ພັກ​ຫຼູ່​ຫຼ່າ​ລະ­ດັບ​ໂລກ ເຊິ່ງ​ຫວັງ​ວ່າ​ຈະ​ສະ­ໜອງ​ປະ­ສົບ​ການ​ຊີ­ວິດ​ຕົວ​ເມືອງ​ທີ່​ໂດດ​ເດັ່ນ​ໃຫ້​ຜູ້​ເປັນ​ເຈົ້າ​ຂອງ ໃນ​ອາ­ຄານ​ນີ້​ຍັງ​ມີ​ຈຸດ​ຊົມ​ວິວ​ທີ່​ສູງ​ທີ່​ສຸດ​ຂອງ​ປະ­ເທດ​ໄທ ຮ້ານ​ຂາຍ­ເຄື່ອງ​ປອດ​ພາ­ສີ ຮ້ານ​ຂາຍ­ເຄື່ອງ​ຍ່ອຍ ຮ້ານ​ກິນ-ດື່ມ ແລະ ຮ້ານ​ອາ­ຫານ ໃນ­ຕໍ່­ໜ້າ​ໂຮງ­ແຮມ​ລະ­ດັບ​ໂລກ (Orient Express Hotel) ແຫ່ງ​ທຳ​ອິດ ກໍ​ຈະ​ເປີດ​ໃນ​ເຂດ​ດັ່ງ­ກ່າວ ເຊິ່ງ​ມີ​ຮ້ານ​ອາ­ຫານ Mott 32 ແລະ Mahanathi ໂດຍ​ທ່ານ David Thompson ພໍ່­ຄົວ​ທີ່​ມີ​ສື່​ສຽງ​ລະ­ດັບ​ໂລກ Ritz-Carlton Residents ລາ­ຄາ​ເລີ່ມ​ຕົ້ນ 42 ລ້ານ​ບາດ ຫຼື ປະ­ມານ 11,89 ຕື້​ກີບ​ຕໍ່​ຫົວ­ໜ່ວຍ ສຳ­ລັບ​ສະ­ມາ­ຊິກ King Power Crown ຈະ​ໄດ້​ບັດ​ມູນ​ຄ່າ 50.000 ບາດ ຫຼື ປະ­ມານ 14,15 ລ້ານ​ກີບ ເພື່ອ​ໃຊ້​ບໍ­ລິ­ການ​ອາ­ຫານ​ຢູ່​ໂຮງ­ແຮມ Pullman Bangkok King Power ແລະ ປີ້​ເບິ່ງ​ບານ­ເຕະ Premier League 2 ປີ້ ຢູ່ King Power Stadium ເມືອງ Leicester City ປະ­ເທດ​ອັງ­ກິດ ຕື່ມ​ອີກ.

ຂ່າວທີ່ກ່ຽວຂ້ອງ