ຂ່າວຫຼ້າສຸດ

EU ເປີດ​ໄຟ​ຂຽວ​ໃຫ້ Vodafone ເປີດ​ກວ້າງ​ການເຄື່ອນໄຫວ​ຢູ່​ໃນ​ເອີ​ຣົບ

124 23 ກ.ລ. 2019 ຂ່າວຕ່າງປະເທດ
EU ເປີດ​ໄຟ​ຂຽວ​ໃຫ້ Vodafone ເປີດ​ກວ້າງ​ການເຄື່ອນໄຫວ​ຢູ່​ໃນ​ເອີ​ຣົບ

    ເມື່ອ​ວັນ​ທີ 18 ກໍລະກົດ​ທີ່​ຜ່ານ​ມາ ສະຫະພາບ​ເອີ​ຣົບ (EU) ໄດ້​ເປີດ​ໄຟ​ຂຽວ ໃຫ້​ກຸ່ມ​ບໍລິສັດ​ໂທລະ​ຄົມ​ມະ Vodafone (ຂອງ​ອັງກິດ) ໃນ​ການ​ຊື້​ເອົາ​ການເຄື່ອນໄຫວ​ທຸລະ​ກິດ ໂທລະ​ຄົມມະນາຄົມ​ຂອງ Liberty Global (ຂອງ ສ ອາ​ເມ​ຣິ​ກາ) ຢູ່​ໃນ​ເຢຍ​ລະ​ມັນ ສ ເຊັກ ຮົງ​ກາ​ຣີ ແລະ  ຣູ​ມາ​ນີ.

      ຄະນະ​ກຳມະການ​ເອີ​ຣົບ (EC) ໃຫ້​ຮູ້​ວ່າ ຂໍ້​ຕົກລົງ​ດັ່ງກ່າວ ທີ່​ມີ​ມູນ​ຄ່າ 18,4 ຕື້ ເອີ​ໂຣ (ເທົ່າ​ກັບ​ປະມານ 21,8 ຕື້​ໂດ​ລາ​ສະຫະລັດ) ຈະ​ໄດ້​ຮັບ​ການ​ຮັບຮອງ ຖ້າ​ຫາ​ກວ່າ Vodafone ແກ້​ໄຂ ຄວາມ​ກັງວົນ​ໄດ້​ເປັນ​ຢ່າງ​ດີ ໃນ​ເລື່ອງ​ທີ່​ພົວພັນ​ເຖິງ​ການ​ແກ້ງ​ແຍ່ງ ຊຶ່ງ​ຕົ້ນຕໍ​ກໍ​ແມ່ນ​ຢູ່​ໃນ​ຕະຫຼາດ ເຢຍ​ລະ​ມັນ.

     ຈາກ​ຂໍ້​ຕົກລົງ​ດັ່ງກ່າວ Vodafone ຊຶ່ງ​ເປັນ​ຜູ້​ສະໜອງ​ການ​ບໍລິການ​ເຄື່ອນ​ທີ່ ລາຍ​ໃຫຍ່​ອັນ​ດັບ​ສອງ​ຂອງ​ໂລກ ໂດຍ​ເປັນ​ຮອງ​ຈາກ China Mobile (ໃນ​ດ້ານ​ປະລິມານ​ຜູ້​ຈັບຈອງ) ນັ້ນ​ໃຫ້​ຮູ້​ວ່າ ຈະ​ກາຍເປັນ​ວິ​ສາ​ຫະ​ກິດ​ນຳ​ໜ້າ​ຢູ່​ໃນ​ເອີ​ຣົບ ໃນ​ດ້ານ​ການ​ຄອບ​ຄອງ​ເຄືອ​ຂ່າຍ​ເຄື່ອນ​ທີ່ ຍຸກ​ຖັດ​ໄປ ໂດຍ​ສະໜອງ​ການ​ບໍລິການ​ໃຫ້​ແກ່  110 ລ້ານ​ຄອບຄົວ ແລະ ວິ​ສາ​ຫະ​ກິດ.

ຂ່າວທີ່ກ່ຽວຂ້ອງ