ຂ່າວຫຼ້າສຸດ

ປະລິມານ​ການ​ຜະລິດ​ພະລັງງານ​ຂອງ​ຈີນ​ເພີ່ມ​ຂຶ້ນ 157,8 ເທົ່າ​ໃນ 70 ປີຜ່ານມາ

225 29 ກ.ລ. 2019 ຂ່າວຕ່າງປະເທດ
ປະລິມານ​ການ​ຜະລິດ​ພະລັງງານ​ຂອງ​ຈີນ​ເພີ່ມ​ຂຶ້ນ 157,8 ເທົ່າ​ໃນ 70 ປີຜ່ານມາ

   ເມື່ອ​ບໍ່​ດົນ​ມາ​ນີ້ ອົງການ​ສະຖິຕິ​ແຫ່ງ​ຊາດ​ຈີນ ໄດ້​ລະບຸ​ຢູ່​ໃນ ບົດ​ລາຍ​ງານ​ໝາກຜົນ​ຂອງ​ການ​ພັດທະນາ​ເສດຖະກິດ-ສັງຄົມ​ຂອງ​ຈີນ ໃນ​ໂອກາດ​ສະຖາປະນາ​ສາທາລະນະ​ລັດ ປະຊາຊົນ​ຈີນ​ຄົບຮອບ 70 ປີ ເຊິ່ງ​ໄດ້​ຊີ້​ໃຫ້​ເຫັນ​ວ່າ ໃນ​ເບື້ອງ​ຕົ້ນ ​ສປ ຈີນ ມີ​ຄວາມ​ສາມາດ​ຜະລິດ​ພະລັງງານ​ບໍ່​ພຽງພໍ ແລະ ໃນ​ລະ​ບັບ​ຕ່ຳ.

    ໃນ​ປີ 1949 ສາມາດ​ຜະລິດ​ຖ່ານ​ຫີນ​ໄດ້​ພຽງ​ແຕ່ 20 ລ້ານ​ໂຕນ. ຕະຫຼອດ​ໄລຍະ 70 ປີຜ່ານມາ ຄວາມ​ສາມາດ​ການ​ຜະລິດ​ພະລັງງານ​ຂອງ​ຈີນ ໄດ້​ມີ​ຄວາມ​ວ່ອງໄວ ແລະ ສູງ​ຂຶ້ນ ແລະ ກາຍເປັນ​ປະເທດ​ອັນ​ດັບ 1 ໃນ​ການ​ຜະລິດ​ພະລັງງານ​ໃນ​ໂລກ ໄດ້​ສ້າງ​ລະບົບ​ການ​ຜະລິດ​ຖ່ານ​ຫີນ ນ້ຳມັນ​ເຊື້ອ​ໄຟ ອາຍ​ແກ​​ັສ​ທຳ​ມະ​ຊາດ ແລະ ພະລັງງານ​ໝູນວຽນ​ທີ່​ພັດທະນາ​ໄປ​ຄູ່​ກັນ.

    ໃນ​ປີ 2018 ຈີນ​ສາມາດ​ຜະລິດ​ຖ່ານ​ຫີນ​ໄດ້ 3,77 ຕື້​ໂຕນ ເພີ່ມ​ຂຶ້ນ 157,8 ເທົ່າ​ເມື່ອ​ທຽບໃສ່​ປີ 1949 ມີ​ຈັງຫວະ​ການ​ເຕີບ​ໂຕ​ສະເລ່ຍ​ຕໍ່​ປີ​ທີ່ 7,6%. ໃນ​ໄລຍະ 70 ປີຜ່ານມາ ຖ່ານ​ຫີນ​ກວມ​ອັດຕາ​ໄດ້​ຫຼຸດ​ລົງ​ຢ່າງ​ຕໍ່​ເນື່ອງ ຕ່ຳ​ທີ່​ສຸດ​ແມ່ນ​ປີ 2018 ກວມ 69,3%; ນ້ຳມັນ​ດິບ​ກວມ​ອັດຕາ​ໄດ້​ເພີ່ມ​ສູງ​ຂຶ້ນ​ເຖິງ 24,8% ໃນ​ປີ 1976 ຈາກ​ນັ້ນ​ໄດ້​ຫຼຸດ​ລົງ​ເລື້ອຍໆ ມາ​ໃນ​ປີ 2018 ເຫຼືອ​ພຽງ 7,2% ເທົ່າ​ນັ້ນ.

ຂ່າວທີ່ກ່ຽວຂ້ອງ