ຂ່າວຫຼ້າສຸດ

ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ປາ​ກິດ​ສະຖານ

107 31 ກ.ລ. 2019 ຂ່າວຕ່າງປະເທດ
ເກີດ​ອຸບັດເຫດ​ເຮືອບິນ​ຕົກ​ຢູ່​ໃນ​ປາ​ກິດ​ສະຖານ

    ເຮືອບິນ​ທະຫານ​ຂະໜາດ​ນ້ອຍ​ລຳ​ໜຶ່ງ ຂອງ​ປາ​ກິດ​ສະຖານ ໄດ້​ປະສົບ​ໄພ ແລະ ຕົກລົງ​ສູ່​ເຂດ​ຊຸມ​ຊົນ​ແຫ່ງ​ໜຶ່ງ ໃກ້​ກັບ​ນະຄອນ ຣາ​ວັນ​ປິນ​ດີ ໃນ​ເວລາ​ຮຸ່ງ​ເຊົ້າ​ຂອງ​ວັນ​ທີ 30 ກໍລະກົດ​ນີ້ ຊຶ່ງ​ເບື້ອງ​ຕົ້ນ​ມີ​ລາຍ​ງານ​ຜູ້​ເສຍ​ຊີວິດ 12 ຄົນ ໃນ​ນັ້ນ​ເປັນ​ນັກ​ບິນ 2 ຄົນ.

     ກອງທັບ​ປາ​ກິດ​ສະຖານ ແຈ້ງ​ໃຫ້​ຮູ້​ຢູ່​ໃນ​ຖະແຫຼງການ​ສະບັບ​ໜຶ່ງ​ວ່າ ໃນ​ຈຳນວນ​ຜູ້​ໄດ້​ຮັບ​ເຄາະ​ຮ້າຍ​ນັ້ນ ມີ​ພົນທະຫານ​ລວມ​ຢູ່​ນຳ 5 ຄົນ ໃນ​ຂະນະ​ດຽວ​ກັນ ອົງການ​ພາວະ​ສຸກ​ເສີນ​ແຫ່ງ​ຊາດ​ປາ​ກິດ​ສະຖານ ໃຫ້​ຮູ້​ວ່າ ອຳນາດ​ການ​ປົກຄອງ​ທ້ອງຖິ່ນ​ທີ່​ເກີດ​ເຫດ​ນັ້ນ ໄດ້​ປະກາດ​ພາວະ​ສຸກ​ເສີນ​ຢູ່​ໃນ​ໂຮງໝໍ​ແຫ່ງ​ຕ່າງໆ ຊຶ່ງ​ອົງການ​ດັ່ງກ່າວ​ໃຫ້​ຮູ້​ວ່າ ຢູ່​ໃນ​ອຸບັດເຫດ​ເຮືອບິນ​ຕົກ​ໃນ​ເທື່ອ​ນີ້ ນອກຈາກ​ຜູ້​ເສຍ​ຊີວິດ​ແລ້ວ ຍັງ​ມີ​ຜູ້​ໄດ້​ຮັບ​ບາດເຈັບ​ອີກ​ປະມານ 20 ຄົນ.

    ກອງທັບ​ປາ​ກິດ​ສະຖານ ບໍ່​ໄດ້​ເປີດເຜີຍ​ເຖິງ​ສາເຫດ​ຂອງ​ອຸບັດເຫດ​ດັ່ງກ່າວ ຫາກ​ໃຫ້​ຮູ້​ພຽງ​ແຕ່​ວ່າ ເຮືອບິນ​ທະຫານ​ອີກ​ລຳ​ໜຶ່ງ ພວມ​ດຳເນີນ​ການບິນ​ຝຶກ​ຫັດ​ເປັນ​ປະຈຳ ໃນ​ຂະນະ​ທີ່​ເຮືອບິນ​ທີ່​ປະສົບ​ໄພ​ນັ້ນ​ຕົກລົງ​ບ້ານ​ແຫ່ງ​ໜຶ່ງ ໃນ​ເຂດ​ຊານເມືອງ​ນະຄອນ ຣາ​ວັນ​ປິນ​ດີ.

ຂ່າວທີ່ກ່ຽວຂ້ອງ