ຂ່າວຫຼ້າສຸດ

ຣັດ​ເຊຍ ປະກາດ​ພາວະ​ສຸກ​ເສີນ​ກ່ຽວ​ກັບໄຟ​ໄໝ້​ປ່າ​ໃນ​ເຂດ​ຊີ​ເບຣີ ແລະ ຕາເວັນ​ອອກ​ໄກ

108 31 ກ.ລ. 2019 ຂ່າວຕ່າງປະເທດ
ຣັດ​ເຊຍ ປະກາດ​ພາວະ​ສຸກ​ເສີນ​ກ່ຽວ​ກັບໄຟ​ໄໝ້​ປ່າ​ໃນ​ເຂດ​ຊີ​ເບຣີ ແລະ ຕາເວັນ​ອອກ​ໄກ

   ທາງ​ການ​ຣັດ​ເຊຍ​ໄດ້​ປະກາດ​ພາວະ​ສຸກ​ເສີນ ກ່ຽວ​ກັບໄຟ​ໄໝ້​ປ່າ​ຢູ່​ໃນ 4 ເຂດ​ຂອງ ຊີ​ເບຣີ ແລະ ເຂດ​ຕາເວັນ​ອອກ​ໄກ ຫຼັງ​ຈາກ​ທີ່​ໄຟ​ໄໝ້​ປ່າ​ຫຼາຍ​ຈຸດ​ແຜ່​ກວ້າງ​ອອກ ຖະແຫຼງການ​ຂອງ​ອົງການ​ປ້ອງ​ກັນ​ປ່າໄມ້​ຂອງ​ຣັດ​ເຊຍ ໃຫ້​ຮູ້​ວ່າ ໃນ 24 ຊົ່ວໂມງ​ທີ່​ຜ່ານ​ມາ ໄຟ​ໄໝ້​ປ່າ 51 ຈຸດ ຢູ່​ໃນ​ເນື້ອທີ່​ປ່າໄມ້ ທີ່​ຄາດ​ວ່າ​ມີ​ເກືອບ 13.500 ເຮັກຕາ ແມ່ນ​ໄດ້​ຮັບ​ການ​ຄວບ​ຄຸມ​ໄດ້​ແລ້ວ ແຕ່​ວ່າ​ໃນ​ວັນ​ທີ 29 ກໍລະກົດ​ນີ້ ໄຟ​ໄໝ້​ຈຸດ​ຕ່າງໆ​ຍັງ​ຮ້າຍ​ແຮງ​ຢູ່ ແລະ ພວມ​ມີ​ຄວາມ​ສ່ຽງ​ທີ່​ຈະ​ແຜ່​ກວ້າງ​ອອກ ເຜົາ​ຜານ​ປ່າໄມ້ ແລະ ເຂດ​ຕ່າງໆ​ເກືອບ 3 ລ້ານ​ເຮັກຕາ ຂອງ​ສາທາລະນະ​ລັດ ບູ​ເຣຍ​ເຕຍ ແລະ ສາທາລະນະ​ລັດ ຊາ​ຄາ (ຢາ​ກູ​ເຕຍ).

     ຂ່າວ​ແຈ້ງວ່າ ນອກຈາກ​ວຽກ​ງານ​ກູ້​ໄພ ທີ່​ພວມ​ຜັນ​ຂະຫຍາຍ​ຢ່າງ​ຂຸ້ນຂ້ຽວ​ແລ້ວ ອົງການ​ປ້ອງ​ກັນ​ປ່າໄມ້ ພ້ອມ​ກັບ​ການ​ຊ່ວຍເຫຼືອ​ຂອງ​ບັນດາ​ທະຫານ​ປ້ອງ​ກັນ ກໍ​ພວມ​ຕິດຕາມ​ຢ່າງ​ເຄັ່ງ​ຄັດ​ຕໍ່​ໄຟ​ໄໝ້ 328 ຈຸດ ໃນ​ເນື້ອທີ່​ປ່າໄມ້​ກວ່າ 2,7 ລ້ານ​ເຮັກຕາ.

ຂ່າວທີ່ກ່ຽວຂ້ອງ