ຂ່າວຫຼ້າສຸດ

ເກີດ​ເຫດການ​ວຸ້ນວາຍ​ໃນ​ຄຸກ ຢູ່​​ບຣາ​ຊີ​​ລ

107 31 ກ.ລ. 2019 ຂ່າວຕ່າງປະເທດ
ເກີດ​ເຫດການ​ວຸ້ນວາຍ​ໃນ​ຄຸກ ຢູ່​​ບຣາ​ຊີ​​ລ

    ອົງການ​ທີ່​ກ່ຽວຂ້ອງ​ຂອງ​ບຣາ​ຊີ​​ລ ແຈ້ງ​ໃຫ້​ຮູ້ເມື່ອ​ວັນ​ທີ 29 ກໍລະກົດ​ນີ້​ວ່າ ການ​ປະ​ທະ​ກັນ​ຄັ້ງ​ໃຫຍ່​ລະຫວ່າງ​ສອງ​ກຸ່ມ​ແກ້ງ ຢູ່​ໃນ​ຄຸກ ອານ​ຕາ​ມີ​ຣາ ໃນ​ລັດ ພາ​ຣາ (ພາກ​ເໜືອ​ບຣາ​ຊີ​​ລ) ໄດ້​ເຮັດ​ໃຫ້​ນັກໂທດ​ຢູ່​ໃນ​ຄຸກ​ແຫ່ງ​ນີ້ ເສຍ​ຊີວິດ​ໄປ​ຢ່າງ​ໜ້ອຍ 52 ຄົນ.

     ເຫດການ​ວຸ້ນວາຍ​ໃນ​ຄຸກ​ດັ່ງກ່າວ ເກີດ​ຂຶ້ນ​ໃນ​ວັນ​ທີ 29 ກໍລະກົດ​ນີ້ ເມື່ອ​ນັກໂທດ 2 ຄົນ ຖືກ​ນຳ​ເຂົ້າ​ໄປ​ໃນ​ຫ້ອງ​ຂັງ ຂອງ​ກຸ່ມ​ທີ່​ມີ​ອິດ​ທິ​ພົນ​ຢູ່​ໃນ​ຄຸກ ເປົ້າ​ໝາຍ​ທັງ​ສອງ​ຄົນ​ນັ້ນ​ໄດ້​ເກີດ​ຜິດ​ຖຽງ​ກັບ​ນັກໂທດ​ຄົນ​ອື່ນໆ ແລະ ວາງ​ເພີງ​ໃສ່​ບໍລິເວນ​ນັ້ນ ເຮັດ​ໃຫ້​ບໍ່​ສາມາດ​ຄວບ​ຄຸມ​ສະຖານະ​ການ​ໄດ້ ນັກໂທດ​ຂອງ​ສອງ​ກຸ່ມ ໄດ້​ຖືກ​ດຶງ​ເຂົ້າ​ໄປ​ໃນ​ການ​ພິພາດ ໂດຍ​ໄດ້​ທຸບ​ທຳລາຍ ແລະ ຈູດ​ໄຟ​ເຜົາ​ໃນ​ທີ່​ກັກ​ຂັງ ມີ​ນັກໂທດ​ຈຳນວນ​ໜຶ່ງ ໄດ້​ເສຍ​ຊີວິດ​ຍ້ອນ​ຫາຍໃຈ​ບໍ່​ໄດ້ ຈາກ​ທີ່​ເກີດ​ມີ​ຄວັນ​ໄຟ​ປົກ​ຄຸມ​ໄປ​ທົ່ວ​ບັນດາ​ຫ້ອງ​ຂັງ​ທີ່​ຖືກ​ໃສ່​ກະແຈ​ໄວ້.

     ຢ້ອນ​ຄືນ​ຫຼັງ ເມື່ອ​ເດືອນ​ພຶດສະພາ​ທີ່​ຜ່ານ​ມາ ກໍ​ໄດ້​ເກີດ​ເຫດການ​ວຸ້ນວາຍ​ຫຼາຍ​ລາຍ​ຢ່າງ​ຕໍ່​ເນື່ອງ ຢູ່​ໃນ​ຄຸກ​ບາງ​ແຫ່ງ ໃນ​ນະຄອນ ມາ​ນາ​​ອົສ ຂອງ​ບຣາ​ຊີ​​ລ ສົ່ງ​ຜົນ​ໃຫ້​ນັກໂທດ​ເສຍ​ຊີວິດ​ຢ່າງ​ໜ້ອຍ 55 ຄົນ.

ສະຖິຕິ ໃຫ້​ຮູ້​ວ່າ ຢູ່​ບຣາ​ຊີ​​ລ ມີ​ນັກໂທດ​ຂັງ​ຄຸກ​ຢູ່​ປະມານ 727.000 ຄົນ ໃນ​ຂະນະ​ທີ່​ຄຸກ​ແຫ່ງ​ຕ່າງໆ ມີ​ເງື່ອນໄຂ​ທີ່​ພຽງພໍ ໃນ​ການ​ຮັບ​ເອົາ​ນັກໂທດ​ໄດ້​ພຽງ​ທີ່​ປະມານ 368.000 ຄົນ.

ຂ່າວທີ່ກ່ຽວຂ້ອງ