ສະໂມສອນດີເຄ ເຂົ້າຮ່ວມແຂ່ງຂັນເຕະບານນາໆຊາດ

448 31 ກ.ລ. 2019 ວົງຈອນກີລາ
ສະໂມສອນດີເຄ ເຂົ້າຮ່ວມແຂ່ງຂັນເຕະບານນາໆຊາດ

    ທັບ​ນັກ​ເຕະ​ເຍົາ­ວະ​ຊົນ​ລາວ ຮຸ່ນ​ອາ­ຍຸ​ບໍ່​ເກີນ 14 ປີ ຫຼື ຢູ-14 ສະ­ໂມ­ສອນ ດີ​ເຄ ເອັຟ​ຊີ ຕາງ­ໜ້າ ສປປ ລາວ ຈຳ­ນວນ 20 ຄົນ ໃນ​ນັ້ນ ຄະ­ນະ​ນຳ 3 ຄົນ ແລະ ນັກ­ກີ­ລາ 17 ອອກ​ເດີນ­ທາງ​ເມື່ອ​ວັນ​ທີ 28 ກໍ­ລະ­ກົດ 2019 ທີ່​ສະ­ໜາມ​ບິນ​ສາ­ກົນ​ວັດ​ໄຕ ເພື່ອ​ເຂົ້າ​ຮ່ວມ​ແຂ່ງ­ຂັນ​ເຕະ­ບານ​ຮຸ່ນ​ເຍົາ­ວະ​ຊົນ ຢູ-14 ລາຍ­ການ​ນາໆຊາດ ທີ່ ສປ ຈີນ ຮັບ​ກຽດ​ເປັນ​ເຈົ້າ­ພາບ ລະ­ຫວ່າງ​ວັນ​ທີ 29 ກໍ­ລະ­ກົດ ຫາ 6 ສິງ­ຫາ 2019 ໂດຍ​ມີ 8 ທີມ.

    ທ່ານ ວິ​ສອນ ພັນ­ທະ​ວົງ ຮອງ​ປະ­ທານ​ສະ­ໂມ­ສອນ ດີ​ເຄ ກ່າວ​ວ່າ: ໃນ​ການ​ເຂົ້າ​ຮ່ວມ​ແຂ່ງ­ຂັນ​ຄັ້ງ​ນີ້ ໄດ້​ຮັບ​ການ​ແຈ້ງ​ເຊີນ​ຈາກ​ທາງ​ເຈົ້າ­ພາບ ສປ ຈີນ ດັ່ງ­ນັ້ນ ທາງ​ສະ­ໂມ­ສອນ ຈຶ່ງ​ໄດ້​ຮັບ​ອະ­ນຸ­ມັດ​ຈາກ​ສະ­ຫະ­ພັນ​ບານ­ເຕະ​ແຫ່ງ​ຊາດ ແລະ ສະ­ໂມ­ສອນ ດີ​ເຄ ໃຫ້​ທີມ​ເຕະ­ບານ​ເຍົາ­ວະ​ຊົນ​ຮຸ່ນ​ອາ­ຍຸ​ບໍ່​ເກີນ 14 ປີ ເຂົ້າ​ຮ່ວມ​ລາຍ­ການ​ດັ່ງ­ກ່າວ ພ້ອມ​ທັງ​ໄດ້​ມີ​ການ​ແຕ່ງ­ຕັ້ງ​ຄະ­ນະ​ຮັບ­ຜິດ­ຊອບ​ຢ່າງ​ເປັນ​ລະ­ບົບ ເກັບ​ຕົວ​ເຝິກ­ຊ້ອມ ແລະ ນຳ­ພາ​ນັກ­ກີ­ລາ​ຊຸດ​ນີ້ ເຄື່ອນ​ໄຫວ​ແຂ່ງ­ຂັນ​ອຸ່ນ​ເຄື່ອງ​ຄວ້າ​ໄຊ­ຊະ­ນະ 9 ຄັ້ງ ຊະ­ນະ 8 ຄັ້ງ ແລະ ເສຍ 1 ຄັ້ງ ມາ​ຮອດ​ປັດ­ຈຸ­ບັນ ພວກ​ເຮົາ​ພ້ອມ​ຢ່າງ​ເຕັມ​ຮ້ອຍ ແລະ ຕັ້ງ​ຄວາມ​ຫວັງ​ຈະ​ສູ້​ຊົນ​ໃຫ້​ທີມ​ສາ­ມາດ​ຕິດ 1 ໃນ 3 ໃນ​ການ​ເຂົ້າ​ຮ່ວມ​ແຂ່ງ­ຂັນ​ລາຍ­ການ​ດັ່ງ­ກ່າວ ມີ​ພຽງ​ນັກ­ກີ­ລາ​ສະ­ໂມ­ສອນ ດີ​ເຄ ພຽງ 1 ດຽວ ແລະ ບັນ­ດາ​ແຂວງ​ພາຍ​ໃນ ສປ ຈີນ ເຂົ້າ​ຮ່ວມ 8 ທີມ ແນວ­ໃດ​ກໍ​ດີ ຈາກ​ນ້ຳ­ໃຈ​ຂອງ​ບັນ­ດາ​ທີ່​ອຸ­ປະ­ຖຳ​ນັກ­ກີ­ລາ​ຄັ້ງ​ນີ້ ຂໍ​ໃຫ້​ເຊື່ອ​ໝັ້ນ​ວ່າ​ພວກ​ເຮົາ​ຈະ​ນຳ​ພາ­ໃຫ້​ເກີດ​ຜົນ​ປະ­ໂຫຍດ​ສູງ​ສຸດ ເພື່ອ​ສ້າງ​ຜົນ­ງານ​ໃຫ້​ໄດ້​ຕາມ​ເປົ້າ​ໝາຍ​ທີ່​ວາງ​ໄວ້.

ຂ່າວທີ່ກ່ຽວຂ້ອງ