ຂ່າວຫຼ້າສຸດ

ວິທີເລືອກຊື້ Power Bank ໃຫ້ປອດໄພ ແລະ ກຸ້ມຄ່າທີ່ສຸດໃນຍຸກປັດຈຸບັນ

465 01 ສ.ຫ. 2019 ຫົວຂໍ້ຂ່າວອື່ນໆ

    ຖ້າ​ເວົ້າ​ເຖິງ​ການ​ເລືອກ​ຊື້​ອຸ­ປະ­ກອນ​ທີ່​ກ່ຽວ­ຂ້ອງ​ກັບ­ໄຟ​ຟ້າ ໂດຍ​ສະ­ເພາະ (ຖ່ານ​ສຳ­ຮອງ) ຫຼື Power Bank ນັ້ນ ກໍ​ຄົງ​ເປັນ​ເລື່ອງ​ທີ່​ຫຼາຍ​ຄົນ​ອາດ​ຈະ​ເບິ່ງ​ພຽງ​ແຕ່​ການ​ບັນ­ຈຸ​ເທົ່າ​ນັ້ນ ແຕ່​ຄວາມ​ຈິງ Power Bank ເປັນ​ອີກ​ສິ່ງ​ທີ່​ຄວນ​ເບິ່ງ​ໃຫ້​ເລິກ​ກວ່າ ເພື່ອ​ຄວາມ​ປອດ​ໄພ ແລະ ການ​ໃຊ້​ງານ​ທີ່​ຫຼາກ​ຫຼາຍ.

    ເຊິ່ງ​ວັນ​ນີ້ ທີມ​ງານ ວຽງ​ຈັນ​ໃໝ່ ຈະ​ມາ​ແນະ­ນຳ​ວິ­ທີ​ການ​ເລືອກ​ຊື້ Power Bank ໃຫ້​ປອດ​ໄພ ແລະ ເໝາະ​ກັບ​ການ​ໃຊ້​ງານ​ໄດ້​ຫຼາກ​ຫຼາຍ​ອຸ­ປະ­ກອນ.

ເບິ່ງ​ທີ່​ໜ້າ​ກ່ອງ​ວ່າ​ຮອງ​ຮັບ​ມາດ­ຕະ­ຖານ​ສາກ​ໄຟ​ໄວ​ແບບ​ສາ­ກົນ​ຫຼື​ບໍ່

    ມາດ­ຕະ­ຖານ​ສາກ​ໄຟ​ໄວ​ທີ່​ວ່າ​ນັ້ນ ຄື: Quick Charge 3.0 ຫຼື ຈະ​ຕິດ​ວ່າ​ມື​ຖື​ຍີ່­ຫໍ້​ໃດ​ຮອງ​ຮັບ​ກັບ Power Bank ນີ້​ເປັນ​ວິ­ທີ​ສັງ­ເກດ​ທີ່​ງ່າຍ​ທີ່​ສຸດ.

ເບິ່ງ​ຕົວ​ເລກ​ກຳ­ລັງ​ໄຟ​ຈາກ​ຊ່ອງ​ຂອງ Power Bank

    ແຕ່​ຖ້າ​ວິ­ທີ​ທຳ​ອິດ​ບໍ່​ໄດ້​ບອກ​ຈະ​ເບິ່ງ​ທີ່​ຈາກ Power Bank ແລ້ວ​ຊ່ອງ​ຈ່າຍ​ໄຟ​ໄວ​ນັ້ນ​ຈະ​ເປັນ​ຄົນ​ລະ​ສີ​ກັບ​ຊ່ອງ​ທີ່​ຈ່າຍ​ໄຟ​ຊ້າ ຫຼື ຄວນ​ຈະ​ມີ​ບອກ​ກຳ­ລັງ​ໄຟ​ເຊັ່ນ​ຕົວ​ເລກ 5V/2.4A ກໍ​ຈະ​ສາ­ມາດ​ບອກ​ໄດ້​ວ່າ​ຕົວ​ນີ້​ຮອງ​ຮັບ​ການ​ຈ່າຍ​ໄຟ​ແບບ​ໃດ ເປັນ­ຕົ້ນ.

    ໂດຍ​ກຳ­ລັງ​ໄຟ​ທີ່​ລະ­ບຸ​ນັ້ນ ສາ­ມາດ​ຈ່າຍ​ໄຟ​ໃຫ້​ໄດ້​ທັງ iPad iPhone ແລະ ມື​ຖື​ທົ່ວ​ໄປ ແຕ່​ອາດ​ຈະ​ບໍ່​ໄດ້​ເຂົ້າ​ມາດ­ຕະ­ຖານ​ສາກ​ໄຟ​ໄວ.

ເບິ່ງ​ການ​ບັນ­ຈຸ​ບໍ່​ຄວນ​ຫຼາຍ​ເກີນ​ໄປ

    ການ​ບັນ­ຈຸ​ຂອງ Power Bank ທີ່​ເໝາະ​ສົມ​ກັບ​ການ​ໃຊ້​ກັບ​ມື​ຖື ບໍ່​ຄວນ​ຈະ​ເກີນ 20000 mAh ເພາະ​ເວ­ລາ​ຖື​ຈະ​ລຳ­ບາກ ແລະ ເມື່ອ​ຕ້ອງ​ຂຶ້ນ​ເຮືອ­ບິນ​ຈະ​ໄດ້​ສາ­ມາດ​ນຳ​ຂຶ້ນ​ໄດ້​ສະ­ບາຍໆ ອີກ​ທັງ​ການ​ບັນ­ຈຸ​ຫຼາຍ​ກໍ​ມີ​ຄວາມ​ສ່ຽງ​ທີ່​ຈະ​ເກີດ​ຄວາມ​ຮ້ອນ​ສູງ ຖ້າ​ບໍ່​ໄດ້​ມາດ­ຕະ­ຖານ​ຄວາມ​ປອດ​ໄພ.

ເບິ່ງ​ຍີ່­ຫໍ້​ທີ່​ໄວ້­ໃຈ​ໄດ້

    ສຸດ​ທ້າຍ​ຄ່ອຍ​ເບິ່ງ​ທີ່​ຍີ່­ຫໍ້ ວ່າ​ເປັນ​ຍີ່­ຫໍ້​ທີ່​ເຮົາ​ໄວ້­ໃຈ​ໄດ້​ຫຼື​ບໍ່ ຂໍ້​ຮຽກ­ຮ້ອງ ແລະ ຮັບ­ປະ­ກັນ​ເທົ່າ­ໃດ ເໝາະ​ສົມ​ກັບ​ຮູບ​ແບບ​ທີ່​ເຮົາ​ໃຊ້​ຫຼື​ບໍ່ ຖ້າ​ເປັນ​ຍີ່­ຫໍ້​ທີ່​ແປກ​ບໍ່​ຄຸ້ນ​ເຄີຍ ອາດ​ຈະ​ບໍ່​ມີ​ປະ­ກັນ​ກໍ​ເປັນ​ໄດ້.

    ທີ່​ສຳ­ຄັນ ຢ່າ​ເຫັນ­ແກ່​ເຄື່ອງ​ຖືກ​ຈົນ​ເກີນ​ໄປ ເພາະ​ທ່ານ​ອາດ​ຈະ​ບໍ່​ໄດ້ Power Bank ທີ່​ປະ­ສິດ­ທິ­ພາບ​ດີ ເກັບ​ໄຟ​ໄດ້​ດົນ​ນານ ຄວນ​ເບິ່ງ​ລາ­ຄາ​ທີ່​ເໝາະ​ສົມ ບໍ່​ແພງ​ເກີນ​ໄປ.

    ເຖິງ​ແມ່ນ​ວ່າ​ຈະ​ບໍ່​ໄດ້​ເລືອກ​ຊື້​ຍາກ​ສຳ­ລັບ Power Bank ສິ່ງ​ທີ່​ຄວນ​ລະ­ວັງ​ທີ່​ສຸດ​ຄື ຢ່າ​ໃຊ້​ງານ​ກັບ​ສະ­ພາ­ວະ​ທີ່​ປຽກ ຫຼື​ມີ​ຄວາມ​ຊຸ່ມ ເພາະ​ໄຟ­ຟ້າ​ອາດ​ຈະ​ຮົ່ວ​ໄຫຼ ແລະ ຊັອດ​ທ່ານ​ໄດ້​ໃນ​ທີ່​ສຸດ.

ຂ່າວທີ່ກ່ຽວຂ້ອງ