ສະພາ​ຄວາມ​ໝັ້ນຄົງ ສະເໜີ​ໃຫ້​ສືບສວນ​ສອບ​ສວນ​ເຫດການ​ໂຈມ​ຕີ​ຢູ່​ໃນ​ຊີ​ຣີ

524 01 ສ.ຫ. 2019 ຂ່າວຕ່າງປະເທດ
ສະພາ​ຄວາມ​ໝັ້ນຄົງ ສະເໜີ​ໃຫ້​ສືບສວນ​ສອບ​ສວນ​ເຫດການ​ໂຈມ​ຕີ​ຢູ່​ໃນ​ຊີ​ຣີ

  10 ຈາກ​ຈຳນວນ​ທັງ​ໝົດ 15 ປະເທດ ທີ່​ເປັນ​ສະມາຊິກ​ສະພາ​ຄວາມ​ໝັ້ນຄົງ ສະຫະ​ປະ ຊາ​ຊາດ ໄດ້​ສະເໜີ​ຕໍ່​ທ່ານ ອັນໂຕ​ນີ​ໂອ ກູ​ເຕີ​ເຣ​​ສ ເລຂາທິການ​ໃຫຍ່​ສະຫະ​ປະຊາ​ຊາດ (​ສປຊ) ເມື່ອ​ວັນ​ທີ 30 ກໍລະກົດ​ທີ່​ຜ່ານ​ມາ ກ່ຽວ​ກັບ​ການ​ອະນຸຍາດ​ໃຫ້​ດຳເນີນ​ການ​ສືບສວນ​ສອບ​ສວນ ຕໍ່​ບັນດາ​ກໍລະນີ​ການ​ໂຈມ​ຕີ​ໃສ່​ບັນດາ​ພື້ນຖານ​ດ້ານ​ສາທາລະນະ​ສຸກ ທີ່​ໃຫ້ການ​ອຸປະຖຳ​ໂດຍ ​ສປຊ ຢູ່​ໃນ​ເຂດ​ທິດຕາເວັນຕົກ​ສ່ຽງ​ເໜືອ ຂອງ​ປະເທດ​ຊີ​ຣີ.

    ບົດ​ລາຍ​ງານ​ຂອງ ​ສປຊ ໃຫ້​ຮູ້​ວ່າ ບັນດາ​ປະເທດ​ສະມາຊິກ​ສະພາ​ຄວາມ​ໝັ້ນຄົງ ໄດ້​ສະເໜີ​ຕໍ່​ທ່ານ ກູ​ເຕີ​ເຣ​​ສ ໃນ​ການ​ໃຫ້​ດຳເນີນ​ການ​ສືບສວນ​ສອບ​ສວນ ເພາະ​ເຂົາເຈົ້າ​ຮູ້​ໄດ້​ວ່າ ມີ​ພື້ນຖານ​ດ້ານ​ສາທາລະນະ​ສຸກ 14 ແຫ່ງ ທີ່ ​ສປຊ ໃຫ້ການ​ອຸ​ປະ​​ຖ ຢູ່​ໃນ​ເຂດ​ທິດຕາເວັນຕົກ ສ່ຽງ​ເໜືອ​ປະເທດ​ຊີ​ຣີ ໄດ້​ຖືກ​ທຳລາຍ​ກ້ຽງ ຫຼື​ຖືກ​ເປ່​ເພ ນັບ​ແຕ່​ເດືອນ​ເມສາ​ປີ​ນີ້​ເປັນຕົ້ນ​ມາ.

    ທ່ານ ຟາ​ຮັນ ຮັກ ໂຄສົກ​ຂອງ​ເລຂາທິການ​ໃຫຍ່ ​ສປຊ ໃຫ້​ຮູ້​ວ່າ ທ່ານ ກູ​ເຕີ​ເຣ​​ສ ໄດ້​ຮັບ​ເອົາ​ການ​ສະເໜີ​ດັ່ງກ່າວ ແລະ ຈະ​ໄຕ່ຕອງ​ເຖິງ​ການ​ຕົກລົງ.

ຂ່າວທີ່ກ່ຽວຂ້ອງ