ຂ່າວຫຼ້າສຸດ

ສປຊ ຍົກເວັ້ນ​ການ​ປິດ​ລ້ອມ ເພື່ອ​ສົ່ງ​ຄວາມ​ຊ່ວຍເຫຼືອ​ມະນຸດສະທຳ​ໄປ​ຍັງ ​ສປປ ເກົາຫຼີ

508 01 ສ.ຫ. 2019 ຂ່າວຕ່າງປະເທດ
ສປຊ ຍົກເວັ້ນ​ການ​ປິດ​ລ້ອມ ເພື່ອ​ສົ່ງ​ຄວາມ​ຊ່ວຍເຫຼືອ​ມະນຸດສະທຳ​ໄປ​ຍັງ ​ສປປ ເກົາຫຼີ

   ຂ່າວສານ ຢອນ​ຮັບ ລາຍ​ງານ​ວ່າ ເວບ​ໄຊ​ຂອງ​ສະພາ​ຄວາມ​ໝັ້ນຄົງ ສະຫະ​ປະຊາ​ຊາດ ໄດ້​ມີ​ຂ່າວ​ອອກ​ມາ​ເມື່ອ​ວັນ​ທີ 30 ກໍລະກົດ​ທີ່​ຜ່ານ​ມາ​ວ່າ ສະພາ​ຄວາມ​ໝັ້ນຄົງ ສະຫະ​ປະຊາ​ຊາດ ໄດ້​ຍົກເວັ້ນ​ການ​ປິດ​ລ້ອມ ແລະ ອະນຸຍາດ​ໃຫ້​ບໍລິສັດ​ແຫ່ງ​ໜຶ່ງ​ຂອງ​ອີ​ຕາ​ລີ ທີ່​ໃຫ້ການ​ສະໜັບສະໜູນ ດ້ານ​ການ​ເງິນ ໃຫ້​ແກ່​ບັນດາ​ໂຄງການ​ຊ່ວຍເຫຼືອ​ມະນຸດສະທຳ ຂອງ​ຫ້ອງການ​ຄວາມ​ສະຫງົບ ດ້ານ​ສະບຽງ​ອາຫານ ທີ່​ຂຶ້ນ​ກັບ​ສະຫະພາບ​ເອີ​ຣົບ (EU) ປະຈຳ ​ສປປ ເກົາຫຼີ.

     ຂໍ້​ມູນ​ຈາກ​ເວບ​ໄຊ​ດັ່ງກ່າວ ໃຫ້​ຮູ້​ວ່າ ເມື່ອ​ວັນ​ທີ 1 ກໍລະກົດ​ທີ່​ຜ່ານ​ມາ ຄະນະ​ກຳມະການ ຕິດຕາມ​ກວດກາ​ກ່ຽວ​ກັບ​ຄຳ​ສັ່ງ​ປິດ​ລ້ອມ​ຂອງ​ສະຫະ​ປະຊາ​ຊາດ (​ສປຊ) ໄດ້​ຮັບຮອງ​ຂໍ້​ກຳນົດ ກ່ຽວ​ກັບ​ການ​ຍົກເວັ້ນ​ໃຫ້​ແກ່​ບໍລິສັດ​ທີ່​ປຶກສາ Agriconsulting Europe SA (AESA) ຊຶ່ງ​ເປັນ​ບໍລິສັດ​ທີ່ EU ໄດ້​ມອບ​ລາງວັນ “ການ​ໜູນ​ຊ່ວຍ​ທາງ​ດ້ານ​ເຕັກນິກ ໃຫ້​ແກ່​ບັນດາ​ບັນຫາ ທີ່​ກ່ຽວຂ້ອງ​ເຖິງ​ສະບຽງ​ອາຫານ” ຢູ່​ໃນ ​ສປປ ເກົາຫຼີ.

     AESA ຄາດ​ວ່າ​ຈະ​ຈ່າຍ​ເງິນ​ປະມານ 1,06 ລ້ານ​ເອີ​ໂຣ (ເທົ່າ​ກັບ 1,18 ລ້ານ​ໂດ​ລາ ສະຫະລັດ) ນັບ​ແຕ່​ເດືອນ​ມີນາ ປີ 2019 ໄປ​ຮອດ​ເດືອນ​ກຸມພາ ປີ 2022 ໃຫ້​ແກ່​ການເຄື່ອນໄຫວ ຂອງ​ສາຂາ​ຫ້ອງການ​ຄວາມ​ສະຫງົບ​ດ້ານ​ສະບຽງ​ອາຫານ ປະຈຳ​ນະຄອນຫຼວງ​ພຽງ​ຢາງ ໃນ​ນັ້ນ​ມີ​ລວມ ເຖິງ​ການ​ໃຊ້​ຈ່າຍ​ດ້ານ​ບຸກ​ຄະລາ​ກອນ.

ຂ່າວທີ່ກ່ຽວຂ້ອງ