ຂ່າວຫຼ້າສຸດ

ເຊີນທ່ຽວງານຕະຫຼາດນັດ ແລະ ແຂ່ງຂັນລົດອ໊ອບໂຣດນາໆຊາດ

515 06 ສ.ຫ. 2019 ວົງຈອນກີລາ
ເຊີນທ່ຽວງານຕະຫຼາດນັດ ແລະ ແຂ່ງຂັນລົດອ໊ອບໂຣດນາໆຊາດ

    ງານ​ຕະ­ຫຼາດ­ນັດ ແລະ ກຽມ​ງານ​ການ​ແຂ່ງ­ຂັນ​ກີ­ລາ​ລົດ​ໃຫຍ່ ອ໊ອບ​ໂຣດ​ນາໆຊາດ ຊີງ​ຂັນ​ທ່ານ​ລັດ­ຖະ­ມົນ­ຕີ ກະ­ຊວງ​ສຶກ​ສາ​ທິ​ການ ແລະ ກີ­ລາ (ສສກ) ຄັ້ງ​ທີ l ປະ­ຈຳ​ປີ 2019 ຈັດ​ຂຶ້ນ​ວັນ​ທີ 5 ສິງ­ຫາ 2019 ຢູ່​ເຂດ​ເສດ­ຖະ­ກິດ​ສະ­ເພາະ ບຶງ​ທາດ­ຫຼວງ ເມືອງ​ໄຊ​ເສດ​ຖາ ນະ­ຄອນ­ຫຼວງ​ວຽງ​ຈັນ (ນວ) ໂດຍ​ມີ​ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ ກະ­ຊວງ ສສກ ທັງ​ເປັນ​ຮອງ​ປະ­ທານ ແລະ ເລ­ຂາ ທິ​ການ​ຄະ­ນະ​ກຳ­ມະ­ການ​ໂອ​ແລມ​ປິກ​ລາວ ທ່ານ ແສງ​ພອນ ພົນ​ອາ­ມາດ ຫົວ­ໜ້າ​ກົມ​ໜ້າ​ກີ­ລາ​ລະ­ດັບ​ສູງ ກະ­ຊວງ ສສກ ສົມ​ພອນ ສອນ​ດາ­ລາ ຮອງ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ມີ​ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ກີ­ລາ​ລົດ​ໃຫຍ່ ແລະ ລົດ­ຈັກ​ແຫ່ງ​ຊາດ​ລາວ ພ້ອມ​ດ້ວຍ​ຄະ­ນະ​ບໍ­ລິ­ຫານ​ງານ ແລະ ບັນ­ດາ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

    ໂອ­ກາດ​ນີ້ ທ່ານ ສົມ​ພອນ ສະ​ຫວັດ​ວິ​ພານ ປະ­ທານ​ສະ­ຫະ­ພັນ​ກີ­ລາ​ລົດ​ໃຫຍ່ ແລະ ລົດ­ຈັກ​ແຫ່ງ​ຊາດ​ລາວ ລາຍ​ງານ​ໃຫ້​ຊາບ​ວ່າ: ການ​ຈັດ​ກິດ­ຈະ­ກຳ​ຕະ­ຫຼາດ­ນັດ​ຄັ້ງ​ນີ້ ຈະ​ຈັດ​ຂຶ້ນ​ລະ­ຫວ່າງ​ວັນ​ທີ 5-11 ສິງ­ຫາ 2019 ພາຍ​ໃນ​ງານ​ຈະ​ມີ​ກິດ­ຈະ­ກຳ​ຕ່າງໆ​ເປັນ­ຕົ້ນ​ແມ່ນ​ກາ­ນວາງ­ສະ­ແດງ​ລົດ ທົດ​ລອງ​ຂັບ​ລົດ​ໂຟ​ວິນ 4X4 ມີ​ຕະ­ຫຼາດ­ນັດ​ຂາຍ​ລົດ​ມື​ສອງ ການ​ອອກ​ບູດ​ຂອງ​ບໍ­ລິ­ສັດ​ປະ­ກັນ​ໄພ​ລົດ ແລະ ບໍ​ລິ ສັດ​ສິນ​ເຊື່ອ​ລົດ ລວມ​ເຖິງ​ບໍ­ລິ­ສັດ​ນ້ຳ­ມັນ​ເຄື່ອງ ຕະ­ຫຼາດ­ນັດ​ເຄື່ອງ​ອຸ­ປະ­ໂພກ-ບໍ­ລິ­ໂພກ​ທົ່ວ​ໄປ ເຄື່ອງ​ຫຼິ້ນ ເດັກ­ນ້ອຍ ມີ​ເວ­ທີ​ຄອນ­ເສີດ ຫຼື ມິວ​ສິກ​ໂຊນ ສະ­ແດງ​ທຸກໆ​ມື້ ແລະ ອື່ນໆ​ອີກ​ຫຼາຍ​ລາຍ­ການ ສະ­ນັ້ນ ຈຶ່ງ​ຂໍ​ເຊີນ­ຊວນ​ມາ​ຍັງ​ພໍ່​ແມ່​ປະ­ຊາ­ຊົນ​ລາວ ກໍ​ຄື ຊາວ ນວ ມາ​ທ່ຽວ​ຊົມ ແລະ ເຊຍ​ກັນ ເພື່ອ​ເຮັດ ນວ ສາ­ມາດ​ດຶງ​ດູດ​ການ­ທ່ອງ­ທ່ຽວ​ໃຫ້​ນັບ​ມື້​ຫຼາຍ​ຂຶ້ນ​ເລື້ອຍໆ.

    ສຳ­ລັບ​ການ​ແຂ່ງ­ຂັນ​ລົດ​ໃຫຍ່ ອ໊ອບ​ໂຣດ​ນາໆຊາດ ກຳ­ນົດ​ແມ່ນ​ວັນ​ທີ 9-11 ກໍ­ລະ­ກົດ 2019 ເພື່ອ​ເປັນ​ການ​ແລກ­ປ່ຽນ ແລະ ຖອດ​ຖອນ​ບົດ­ຮຽນ​ເຊິ່ງ​ກັນ​ແລະ​ກັນ ລະ­ຫວ່າງ​ນັກ­ກີ­ລາ​ລາວ ກັບ​ນັກ ກີ­ລາ​ບັນ­ດາ​ປະ­ເທດ​ເພື່ອ​ບ້ານ ນອກ​ນີ້ ຍັງ​ເປັນ​ການ​ສົ່ງ­ເສີມ​ການ­ທ່ອງ­ທ່ຽວ​ພາຍ​ໃນ​ປະ­ເທດ ໂດຍ​ສະ ເພາະ​ປີ​ນີ້ ກໍ​ແມ່ນ​ເປັນ​ປີ​ທ່ອງ​ທ່ຽວ​ລາວ-ຈີນ ໃຫ້​ມີ​ບັນ­ຍາ­ກາດ​ຟົດ­ຟື້ນ​ມ່ວນ­ຊື່ນ ພ້ອມ​ໃຈ​ກັນ​ມີ​ສ່ວນ​ຮ່ວມ ໃນ​ການ​ເປັນ​ເຈົ້າ­ພາບ​ທີ່​ດີ ເພື່ອ​ຕ້ອນ­ຮັບ ແລະ ເຜີຍ­ແຜ່​ວັດ­ທະ­ນະ­ທຳ​ອັນ​ດີ­ງາມ​ຂອງ​ຊາດ ສ້າງ​ພື້ນ ຖານ​ກີ­ລາ​ປະ­ເພດ​ນີ້ ໃຫ້​ເປັນ​ທີ່​ຮູ້­ຈັກ ແລະ ແຜ່​ຫຼາຍ ເພື່ອ​ກ້າວ​ສູ່​ການ​ແຂ່ງ­ຂັນ​ໃນ​ລະ­ດັບ​ພາກ​ພື້ນ ນອກ­ຈາກ​ນັ້ນ ຍັງ​ເປັນ​ການ​ພົບ​ປະ​ຂອງ​ຄູ່​ຮ່ວມ​ທຸ­ລະ​ກິດ​ດຽວ​ກັນ ພ້ອມ​ກັນ​ສົ່ງ­ເສີມ-ກະ­ຕຸກ​ຊຸກ­ຍູ້ ໃຫ້​ແກ່ ການ​ຂະ­ຫຍາຍ­ຕົວ​ຂອງ​ຂົງ­ເຂດ​ອຸດ­ສາ­ຫະ­ກຳ​ລົດ­ຍົນ​ພາຍ​ໃນ​ປະ­ເທດ ກໍ​ຄື ການ​ສົ່ງ­ເສີມ​ເສດ­ຖະ­ກິດ-ສັງ ຄົມ​ຂອງ​ຊາດ.

ຂ່າວທີ່ກ່ຽວຂ້ອງ