ນັກກີລາແລ່ນ-ລານຄົນພິການລາວ ຍາດໄດ້ 2 ຫຼຽນທອງ ຍີ່ປຸ່ນ ໂອເພັນ

537 08 ສ.ຫ. 2019 ວົງຈອນກີລາ
ນັກກີລາແລ່ນ-ລານຄົນພິການລາວ ຍາດໄດ້ 2 ຫຼຽນທອງ ຍີ່ປຸ່ນ ໂອເພັນ

    ທັບ​ນັກ­ກີ­ລາ​ຄົນ​ພິ­ການ​ຕາ​ທີມ​ຊາດ​ລາວ ນຳ​ໂດຍ ທ່ານ ທອງ​ສະ​ຫວັດ ວົງ​ສະ­ຫວ່າງ ປະ­ທານ​ສະ­ຫະ­ພັນ​ກີ­ລາ​ແລ່ນ?ລານ​ຄົນ​ພິ­ການ​ທີມ​ຊາດ​ລາວ ແລະ ນັກ­ກີ­ລາ ຈຳ­ນວນ 3 ຄົນ ໄດ້​ອອກ​ເດີນ­ທາງ​ໄປ​ຮ່ວມ​ການ​ແຂ່ງ­ຂັນ​ແລ່ນ?ລານ​ຄົນ​ພິ­ການ ຍີ່­ປຸ່ນ ໂອ​ເພັນ ປະ­ຈຳ​ປີ  2019 ພາຍ­ຫຼັງ​ສຳ­ເລັດ​ການ​ເຂົ້າ​ສູນ​ເກັບ​ຕົວ​ເຝິກ­ຊ້ອມ​ຢູ່​ສູນ​ກີ­ລາ​ເມືອງ​ໂດ​ຮາ ເປັນ​ເວ­ລາ 7 ວັນ ລະ­ຫວ່າງ​ວັນ​ທີ 26 ກໍ­ລະ­ກົດ ຫາ 1 ສິງ­ຫາ ນີ້.

    ການ​ເຂົ້າ​ຮ່ວມ​ການ​ແຂ່ງ­ຂັນ​ໃນ​ຄັ້ງ​ນີ້ ນັກ­ກີ­ລາ​ທັງ 3 ຄົນ ແມ່ນ​ໄດ້​ລົງ​ແຂ່ງ­ຂັນ​ທັງ​ໝົດ 3 ລາຍ­ການ ປະ­ກອບ​ມີ: ນາງ ສຸ​ລິ​ພອນ ວົງ​ດາ­ລາ ລົງ​ແຂ່ງ­ຂັນ​ລາຍ­ການ​ແລ່ນ 100 ແມັດ​ຍິງ ທ້າວ ແກ່ນ ເທບ​ທິ­ດາ ແລະ ທ້າວ ກອນ ເທບ​ທິ­ດາ ລົງ​ແຂ່ງ­ຂັນ​ລາຍ­ການ​ແລ່ນ 100 ແມັດ ແລະ 200 ແມັດ​ຊາຍ ຜ່ານ​ການ​ແຂ່ງ­ຂັນ ປະ­ກົດ​ວ່າ: ທ້າວ ແກ່ນ ເທບ​ທິ­ດາ ສາ­ມາດ​ຍາດ​ໄດ້ 2 ຫຼຽນ​ທອງ ຈາກ​ລາຍ­ການ​ແລ່ນ 100 ແມັດ​ຊາຍ ແລະ ລາຍ­ການ​ແລ່ນ 200 ແມັດ​ຊາຍ ຂະ­ນະ​ທີ່ ທ້າວ ກອນ ເທບ​ທິ­ດາ ໄດ້​ອັນ​ດັບ 5 (100 ແມັດ) ແລະ ອັນ​ດັບ 4 (200 ແມັດ) ສ່ວນ​ຜົນ­ງານ​ຂອງ​ນາງ ສຸ​ລິ​ພອນ ວົງ​ດາ­ລາ ລົງ​ແຂ່ງ­ຂັນ​ລາຍ­ການ​ແລ່ນ 100 ແມັດ​ຍິງ ແມ່ນ​ບໍ່​ສາ­ມາດ​ຜ່ານ​ຮອບ​ທຳ​ອິດ ຫຼື ຮອບ​ຄັດ​ເລືອກ.

    ສຳ­ລັບ​ທັບ​ນັກ­ກີ­ລາ​ຄົນ​ພິ­ການ​ຕາ​ທີມ​ຊາດ​ລາວ ແມ່ນ​ໄດ້​ເດີນ­ທາງ​ກັບ​ມາ­ສູ່​ປະ­ເທດ​ລາວ ເປັນ​ທີ່​ຮຽບ​ຮ້ອຍ ໃນ​ວັນ​ທີ 3 ສິງ­ຫາ 2019 ແລະ ຖື​ວ່າ ການ​ໄປ​ເກັບ​ຕົວ​ເຝິກ­ຊ້ອມ​ຢູ່​ປະ­ເທດ​ຍີ່­ປຸ່ນ ເຮັດ​ໃຫ້​ນັກ­ກີ­ລາ​ລາວ​ເຮົາ ສາ­ມາດ​ພັດ­ທະ­ນາ​ຕົນ​ເອງ​ໄປ​ໄດ້​ອີກ​ຂັ້ນ ພ້ອມ​ກັນ​ນັ້ນ ໃນ​ທ້າຍ​ປີ​ນີ້ ທັບ​ນັກ­ກີ­ລາ​ລາວ​ເຮົາ ຍັງ​ຈະ​ໄດ້​ເດີນ­ທາງ​ໄດ້​ເຂົ້າ​ຮ່ວມ​ແຂ່ງ­ຂັນ​ທີ່​ນະ­ຄອນ​ດູ​ໄບ ປະ­ເທດ​ສະ­ຫະ­ລັດ​ອາ​ຣັບ​ເອ​ມິ​ເຣດ ເພື່ອ​ເກັບ​ຄະ­ແນນ​ລະ­ດັບ​ອາ­ຊີ ນອກ​ນັ້ນ ທັບ​ນັກ­ກີ­ລາ​ຄົນ​ພິ­ການ​ຕາ​ທີມ​ຊາດ​ລາວ ຍັງ​ກະ­ກຽມ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ງານ​ມະ​ຫະ​ກຳ​ກີ­ລາ ອາ​ຊຽນ ພາ​ຣາ​ເກມ ທີ່​ປະ­ເທດ​ຟີ​ລິບ​ປິນ ເປັນ​ເຈົ້າ­ພາບ ໃນ​ຕົ້ນ​ປີ 2020 ແລະ ງານ​ມະ​ຫະ​ກຳ​ກີ­ລາ​ພາ​ຣາ​ແລມ​ປິກ​ເກມ ທີ່​ປະ­ເທດ​ຍີ່­ປຸ່ນ ໃນ​ທ້າຍ​ປີ 2020.

ຂ່າວທີ່ກ່ຽວຂ້ອງ