ຂ່າວຫຼ້າສຸດ

ມວຍຮອບ ຊີງສາຍແອວ ຈະແຂ່ງຂັນວັນເສົານີ້

627 09 ສ.ຫ. 2019 ວົງຈອນກີລາ
ມວຍຮອບ ຊີງສາຍແອວ ຈະແຂ່ງຂັນວັນເສົານີ້

    ພາຍ­ຫຼັງ​ໄດ້​ແຂ່ງ­ຂັນ​ມວຍ​ຮອບ ຮຸ່ນ​ນ້ຳ­ໜັກ 55 ກິ​ໂລ (ຮອບ​ຄັດ​ເລືອກ) ຊີງ​ສາຍ­ແອວ​ທ່ານ​ຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ (ສສກ ນວ) ໃນ​ເດືອນ​ມິ­ຖຸ­ນາ 2019 ຮອບ​ຊີງ​ຊະ­ນະ​ເລີດ ຈະ​ໄດ້​ຂັດ​ຂຶ້ນ​ຕອນ​ແລງ​ວັນ​ທີ 10 ສິງ­ຫາ 2019 ຢູ່​ສະ­ໂມ­ສອນ​ກີ­ລາ​ບຶງ​ຂະ​ຫຍອງ ເມືອງ​ສີ​ສັດ­ຕະ​ນາກ ນວ.

    ການ​ແຂ່ງ­ຂັນ​ຄັ້ງ​ນີ້ ເປັນ​ການ​ຮ່ວມ​ມື​ກັນ​ລະ­ຫວ່າງ​ສະ­ຫະ­ພັນ​ມວຍ​ລາວ ນວ ຮ່ວມ​ກັບ​ບໍ­ລິ­ສັດ​ກໍ​ກຽດ​ບ໋ອກ​ຊິ້ງ​ກຣຸບ​ປະ­ເທດ​ໄທ ໂດຍ​ຈະ​ມີ​ການ​ຖ່າຍ​ທອດ​ສົດ​ຜ່ານ​ໂທລະ­ພາບ​ລາວ​ສະ​ຕາ ເຊິ່ງ​ຄູ່​ຊີງ​ຊະ­ນະ​ເລີດ​ແມ່ນ ຂຸນ​ເຫຼັກ ສະ­ໂມ­ສອນ​ມວຍ​ຄຳ​ເສັງ ພົບ ກັບ­ຕັນ ຂວັນ​ໃຈ​ສີ​ໂຄດ ເຊິ່ງ​ຈະ​ແຂ່ງ­ຂັນ​ເປັນ​ຄູ່​ທີ 2 ຫຼັງ​ຈາກ​ຄູ່​ຊີງ​ທີ 3 ລະ­ຫວ່າງ ແມັກ​ນ້ອຍ ສໍ​ຈະ­ເລີນ​ສິງ ພົບ ເກົ້າ​ແສນ ຂວັນ​ໃຈ​ສີ​ໂຄດ.

    ນອກ­ຈາກ​ຮຸ່ນ​ນ້ຳ 55 ກິ​ໂລ ຍັງ​ມີ​ມວຍ​ຄູ່​ເອກ ແລະ ມວຍ​ໃນ​ລາຍ­ການ​ອີກ 4 ຄູ່ ໃນ​ນີ້​ມີ 2 ນັກ​ຊົກ​ຈາກ​ຄ້າຍ​ມວຍ​ສໍ​ທະ­ວີ​ຊັບ ແຂວງ​ຂອນ​ແກ່ນ ປະ­ເທດ​ໄທ ຄູ່​ທຳ​ອິດ​ເປັນ​ມວຍ​ຄູ່​ເອກ ຮຸ່ນ 63 ກິ​ໂລ ຄູ່​ທີ 3 ຂຸນ​ພົນ ສະ­ໂມ­ສອນ​ຄຳ​ເສັງ ພົບ ມົງ​ຄຸນ​ເພັດ ສໍ​ທະ­ວີ​ຊັບ ຄູ່​ທີ 4 ບິກ​ແບັງ ສິດ​ຈານ​ເລ້ ພົບ ຮ້ອຍ​ເອັດ ຄູ​ເອັດ ຮຸ່ນ 45 ກິ​ໂລ ຄູ່​ທີ 5 ຍອດ​ຫຼ່ຽມ ເພັດ​ນະ­ຄອນ ພົບ ຂຸນ​ສິດ​ນ້ອຍ ສໍ​ທະ­ວີ​ຊັບ ຮຸ່ນ 46 ກິ​ໂລ ຄູ່​ທີ 6 ເໜືອ​ພະ­ຍຸ ຂວັນ​ໃຈ​ສີ​ໂຄດ ພົບ ເໜືອ​ທໍ­ລະ­ນີ ສິດ​ຈານ​ຊົ່ງ ຮຸ່ນ 70 ກິ​ໂລ.

ຂ່າວທີ່ກ່ຽວຂ້ອງ