ຣັກບີ້ລາວ ເຂົ້າຮ່ວມແຂ່ງຂັນລະດັບອາຊີ ຢູ່ອິນໂດເນເຊຍ

937 09 ສ.ຫ. 2019 ວົງຈອນກີລາ
ຣັກບີ້ລາວ ເຂົ້າຮ່ວມແຂ່ງຂັນລະດັບອາຊີ ຢູ່ອິນໂດເນເຊຍ

    ນັກ­ກີ­ລາ​ຣັກ​ບີ້ ຍິງ ແລະ ຊາຍ ທີມ​ຊາດ​ລາວ 24 ຄົນ ເດີນ­ທາງ​ເຂົ້າ​ຮ່ວມ​ແຂ່ງ­ຂັນ​ກີ­ລາ​ຣັກ​ບີ້ 7 ຄົນ ລະ­ດັບ​ອາ­ຊີ ຫຼື ລາຍ­ການ “Asia Rugby Sevens Trophy 2019” ຢູ່​ນະ­ຄອນ­ຫຼວງ​ຈາ​ກາ​ຕາ ປະ­ເທດ​ອິນ​ໂດ​ເນ​ເຊຍ ວັນ​ທີ 8 ສິງ­ຫາ 2019 ເຊິ່ງ​ນຳ​ໂດຍ​ທ່ານ ປີ​ຊາ ວົງ​ເດືອນ​ເພັງ ຫົວ­ໜ້າ​ຝ່າຍ​ພັດ­ທະ­ນາ​ຣັກ​ບີ້ ສະ­ຫະ­ພັນ​ກີ­ລາ​ຣັກ​ບີ້​ແຫ່ງ​ຊາດ​ລາວ ຜູ້​ຊ່ວຍ​ຄູ​ເຝິກ ທ່ານ ຣີ​ຊາດ ວານ​ເດນ​ບຣອກ ຫົວ­ໜ້າ​ຄູ​ເຝິກ​ຣັກ​ບີ້​ຍິງ ແລະ ຣັກ​ບີ້​ຊາຍ.

    ການ​ແຂ່ງ­ຂັນ​ດັ່ງ­ກ່າວ ມີ 20 ທີມ ຈາກ 16 ປະ­ເທດ​ເຂົ້າ​ຮ່ວມ ຄື: ປະ­ເທດ​ອັບ​ກາ​ນິ​ສະ­ຖານ ບັງ  ກລາ​ເທດ ບຣູ​ໄນ ໄຕ້​ຫວັນ ກວມ ອິນ​ເດຍ ອິນ​ໂດ​ເນ​ເຊຍ ສ ເກົາ­ຫຼີ ສປປ ລາວ ມາ​ເລ​ເຊຍ ມົງ​ໂກ​ລີ ຟີ​ລິບ​ປິນ ກາ​ຕາ ສິງ­ກະ­ໂປ ອູ​ຊະ​ເບັກ​ກິ​ສະ­ຖານ ໄທ ເຊິ່ງ​ຈະ​ແຂ່ງ­ຂັນ​ວັນ​ທີ 10-11 ສິງ­ຫາ 2019.

ຂ່າວທີ່ກ່ຽວຂ້ອງ