ຂ່າວຫຼ້າສຸດ

ດີເຄ ຊຸດຄວ້າແຊັມເຕະບານ ຢູ-14 ຖືກຕ້ອນຮັບຢ່າງອົບອຸ່ນ

729 09 ສ.ຫ. 2019 ວົງຈອນກີລາ
ດີເຄ ຊຸດຄວ້າແຊັມເຕະບານ ຢູ-14 ຖືກຕ້ອນຮັບຢ່າງອົບອຸ່ນ

    ນັກ­ກີ­ລາ​ບານ­ເຕະ​ສະ­ໂມ­ສອນ​ດີ​ເຄ ເອັຟ​ຊີ ຕົວ​ແທນ​ໜຶ່ງ​ດຽວ​ຈາກ ສປປ ລາວ ຊຸດ​ຄວ້າ​ແຊັມ​ການ​ແຂ່ງ­ຂັນ​ບານ­ເຕະ​ອາ­ຍຸ​ບໍ່​ເກີນ 14 ປີ ລາຍ­ການ​ນາ­ນາ​ຊາດ ປະ­ຈຳ​ປີ 2019 ຢູ່​ເມືອງ​ຣີ​ຈາວ ສປ ຈີນ ເດີນ­ທາງ​ເຖິງ​ນະ­ຄອນ­ຫຼວງ​ວຽງ​ຈັນ​ດ້ວຍ​ຄວາມ​ສະ­ຫວັດ­ດີ​ພາບ ວັນ​ທີ 7 ກໍ­ລະ­ກົດ 2019 ແລະ ໄດ້​ຮັບ​ການ​ຕ້ອນ­ຮັບ​ຢ່າງ​ສົມ​ກຽດ​ຈາກ​ຄະ­ນະ​ປະ­ທານ​ສະ­ໂມ­ສອນ ກອງ​ເຊຍ ແລະ ຜູ້​ປົກ­ຄອງ.

    ທ່ານ ວິ​ສອນ ພັນ­ທະ​ວົງ ຮອງ​ປະ­ທານ​ສະ­ໂມ­ສອນ​ດີ​ເຄ ເອັບ​ຊີ ກ່າວ​ວ່າ: ການ​ແຂ່ງ­ຂັນ​ບານ­ເຕະ​ລາຍ­ການ​ນີ້ ຮອບ 4 ທີມ​ສຸດ​ທ້າຍ ແມ່ນ​ແຂ່ງ­ຂັນ​ແບບ​ພົບ​ກັນ​ໝົດ ຄັດ​ເອົາ​ທີມ​ທີ່​ມີ​ຄະ­ແນນ​ດີ​ທີ່​ສຸດ​ເປັນ​ແຊັມ ແລະ ຮອງ​ແຊັມ ຕາມ​ລະ­ດັບ ໂດຍ​ນັດ​ສຸດ​ທ້າຍ ຮອບ 4 ສະ­ໂມ­ສອນ​ດີ​ເຄ ເອັຟ​ຊີ ພົບ ທີມ​ເສິນ​ໂຈວ B ວັນ​ທີ 5 ສິງ­ຫາ 2019 ເຊິ່ງ ດີ​ເຄ ເອົາ​ຊະ­ນະ ເສິນ​ໂຈວ B ຄວ້າ​ຂັນ​ແຊັມ​ໄປ​ຄອງ ສ່ວນ​ຮອງ​ແຊັມ ຕົກ​ເປັນ​ຊອງ​ທີມ​ເສິນ​ໂຈວ A.

    ຮອບ​ແບ່ງ​ກຸ່ມ ກຸ່ມ A ນັດ​ທຳ​ອິດ ດີ​ເຄ ຊະ­ນະ ເສິນ​ໂຈວ A 10-0 ປະ­ຕູ ນັດ​ທີ 2 ຖະ​ຫຼົ່ມ ກວນ​ເຊິນ 17-0 ປະ­ຕູ ນັດ​ທີ 3 ຊະ­ນະ ຣີ​ຈາວ 6-1 ປະ­ຕູ ມີ 9 ຄະ­ແນນ ເປັນ​ອັນ​ດັບ​ທີ 1 ຂອງ​ກຸ່ມ ຜ່ານ​ເຂົ້າ​ຮອບ​ຮອງ​ຊະ­ນະ​ເລີດ ເຊິ່ງ​ໃນ​ຮອບ​ນີ້ ດີ​ເຄ ຊະ­ນະ ສົງ​ຊິງ 9-0 ປະ­ຕູ ຊະ­ນະ ທີມ​ເສິນ​ໂຈວ A 7-0 ປະ­ຕູ ຊະ­ນະ ທີມ​ເສິນ​ໂຈວ B 8-0 ປະ­ຕູ.

ຂ່າວທີ່ກ່ຽວຂ້ອງ