ວັນເສົາ ທີ 24 ສິງຫາ 2019 09:29:26
- ລັດຖະບານ ພິຈາລະນາຮັບຮອງເອົາ 9 ເອກະສານສຳຄັນໃນເດືອນສິງຫາ
- ສສຊ-ສສ ນວ ສືບຕໍ່ລົງພົບປະປະຊາຊົນ
- ທຸກພາກສ່ວນທີ່ກ່ຽວຂ້ອງ ສືບຕໍ່ຊອກຄົ້ນຫາສາເຫດຕາມຜົນຕົວຈິງ
- CLMV ທົບທວນການປະຕິບັດວຽກງານ ແລະ ຫາລືທິດທາງການຮ່ວມມື
- ສ ເກົາຫຼີ ສະໜັບສະໜູນການປັບປຸງ ການບໍລິການສຸຂະພາບຢູ່ພາກເໜືອລາວ
- ເລັ່ງໃຫ້ການຊ່ວຍເຫຼືອແຮງງານລາວເກີດອຸບັດເຫດຢູ່ໄທ
- ຮອງເຈົ້າຄອງ ເນັ້ນໂຮງງານຂ້າສັດດອນດູ່ ໃຫ້ບໍລິການວ່ອງໄວ ແລະ ມີຄຸນນະພາບ
- ຄວາມໝາຍ ຄວາມສຳຄັນຂອງຄຸນທາດການເມືອງ ແລະ ຄຸນສົມບັດສິນທຳປະຕິວັດ
- ກອນເພັດ ພົບ ດາເອກ ມວຍຄູ່ເອກ 24 ສິງຫາ ຢູ່ບຶງຂະຫຍອງ
- ໄຊເສດຖາ FC-ວັງວຽງອາຄາເດມີ ຮ່ວມກັນພັດທະນານັກກີລາຮຸ່ນເຍົາວະຊົນ
ເຈົ້າໜ້າທີ່ ສປຊ ເສຍຊີວິດຈາກເຫດການຮຸນແຮງຢູ່ໃນລີບີ
ແຫຼ່ງຂ່າວທາງການແພດ ແຈ້ງໃຫ້ຮູ້ເມື່ອວັນທີ 10 ສິງຫາທີ່ຜ່ານມາວ່າ ເຫດລະເບີດລາຍໜຶ່ງ ທີ່ໃຊ້ລົດເປັນພາຫະນະ ໄດ້ເກີດຂຶ້ນທີ່ນະຄອນ ເບນກາຊີ (ພາກຕາເວັນອອກຂອງປະເທດລີບີ) ສົ່ງຜົນໃຫ້ເຈົ້າໜ້າທີ່ຂອງສະຫະປະຊາຊາດ (ສປຊ) ເສຍຊີວິດ 2 ຄົນ.
ເຫດລະເບີດດັ່ງກ່າວ ເກີດຂຶ້ນຢູ່ດ້ານໜ້າປະຕູເຂົ້າສູນການຄ້າ ແລະ ທະນາຄານແຫ່ງໜຶ່ງ ຊຶ່ງເກີດຂຶ້ນທ່າມກາງທີ່ ສປຊ ພວມພະຍາຍາມເປັນຕົວກາງໄກ່ເກ່ຍ ໃຫ້ແກ່ຂໍ້ຕົກລົງຢຸດຍິງ ຢູ່ໃນນະຄອນຫຼວງ ຕຣີໂປລີ ຂອງລີບີ.
ເຖິງຢ່າງໃດກໍຕາມ ທ່ານນາງ ບິນຕູ ເກອີຕາ ຜູ້ຊ່ວຍວຽກຂອງເລຂາທິການໃຫຍ່ ສປຊ ຖະແຫຼງຕໍ່ກອງປະຊຸມສຸກເສີນຂອງສະພາຄວາມໝັ້ນຄົງ ສປຊ ເພື່ອປຶກສາຫາລື ກ່ຽວກັບສະພາບການ ຢູ່ໃນລີບີ ເມື່ອວັນທີ 10 ສິງຫາ ວ່າ ສປຊ ຈະບໍ່ອົບພະຍົບເຈົ້າໜ້າທີ່ຂອງຕົນອອກໄປຈາກລີບີ ທ່າມກາງທີ່ເກີດເຫດການໂຈມຕີດັ່ງກ່າວ.
ໃນຂະນະດຽວກັນ ອົງການອະນາໄມໂລກ (WHO) ໃຫ້ຮູ້ວ່າ ນັບແຕ່ຕົ້ນເດືອນເມສາປີນີ້ ເປັນຕົ້ນມາ ການຍິງຕໍ່ສູ້ຢູ່ໃນລີບີ ໄດ້ເຮັດໃຫ້ມີຜູ້ເສຍຊີວິດ 1.000 ກວ່າຄົນ ບາດເຈັບ 5.700 ຄົນ ແລະ ມີ 120.000 ກວ່າຄົນ ຕ້ອງໄດ້ອອກໄປຈາກເຮືອນຊານເພື່ອໜີໄພ.
