ຂ່າວຫຼ້າສຸດ

ພາຍຸ ​ເລ​ກີ​ມາ ພັດ​ຂຶ້ນ​ຝັ່ງ​ທະ​ເລ​ຂອງ​ຈີນ ​ເປັນ​ຮອບ​ທີ 2

745 12 ສ.ຫ. 2019 ຂ່າວຕ່າງປະເທດ
ພາຍຸ ​ເລ​ກີ​ມາ ພັດ​ຂຶ້ນ​ຝັ່ງ​ທະ​ເລ​ຂອງ​ຈີນ ​ເປັນ​ຮອບ​ທີ 2

     ອົງການ​ອຸຕຸນິຍົມ​ຂອງ​ຈີນ ແຈ້ງ​ໃຫ້​ຮູ້​ວ່າ ໃນ​ຄ່ຳ​ຄືນ​ຂອງ​ວັນ​ທີ 11 ສິງຫາ​ນີ້ ພາຍຸ ເລ​ກີ​ມາ (Lekima) ໄດ້​ພັດ​ຂຶ້ນ​ຝັ່ງ​ເປັນ​ຮອບ​ທີ 2 ຢູ່​ໃນ​ເຂດ​ແຄມ​ຝັ່ງ​ທະເລ​ໃນ​ນະຄອນ ຊິງ​ຕາວ (ແຂວງ ເສິນ​ຕົງ) ຂອງ​ຈີນ ໂດຍ​ມີ​ຄວາມ​ໄວ​ຂອງ​ລົມ​ທີ່​ເກືອບ 83​ກມ/ຊົ່ວໂມງ. ໃນ​ຂະນະ​ດຽວ​ກັນ ເຈົ້າ​ໜ້າທີ່​ໃນ​ແຂວງ​ເສິນ​ຕົງ ກໍ​ໃຫ້​ຮູ້​ວ່າ ມາ​ຮອດ​ຕອນ​ແລງ​ຂອງ​ວັນ​ດຽວ​ກັນ  ຄູ​ກັນ​ນ້ຳ​ທັງ​ໝົດ  26 ແຫ່ງ​ຢູ່​ພາຍ​ໃນ​ແຂວງ​ນີ້ ຕ່າງ​ກໍ​ໄດ້​ເປີດ​ປະຕູ​ປ່ອຍ​ນ້ຳ ເຮັດ​ໃຫ້​ນ້ຳ​ຢູ່​ໃນ​ແມ່ນ້ຳ 6 ສາຍ ເກີດ​ລົ້ນ​ຝັ່ງ.

    ສູນ​ອຸຕຸນິຍົມ​ແຫ່ງ​ຊາດ ແລະ ກະຊວງ​ຊັບພະຍາກອນ​ນ້ຳຂອງ​ຈີນ ໃຫ້ການ​ພະຍາກອນ​ວ່າ ຝົນຕົກ​ໜັກ​ເກີດ​ຂຶ້ນ​ຢູ່​ໃນ​ນະຄອນ​ຕ່າງໆ​ຂອງ​ແຂວງ​ເສິນ​ຕົງ ແຂວງ​ຫູ​ເປີຍ ແຂວງ​ຫຼຽວ​ນິງ ແລະ ແຂວງ​ຈີ້​ຫຼິນ. ມາ​ຮອດ​ຕອນ​ຫົວຄ່ຳ​ຂອງ​ວັນ​ທີ 11 ສິງຫາ​ນີ້ ພາຍຸ ເລ​ກີ​ມາ ໄດ້​ເປັນ​ຜົນ​ກະທົບ​ຕໍ່​ປະຊາຊົນ 6,5 ລ້ານ​ກວ່າ​ຄົນ ຢູ່​ໃນ​ແຂວງ ເຈີ​ຈຽງ ຈຽງ​ຊູ ອານ​ຮຸຍ ເສິນ​ຕົງ ແລະ ຟູ້​ຈຽນ ກໍ​ຄື​ນະຄອນ​ຊຽງ​ໄຮ. ໄລ່​ມາ​ຮອດ​ເວລາ​ລາຍ​ງານ​ຂ່າວ​ດັ່ງກ່າວ ມີ​ລາຍ​ງານ​ຜູ້​ເສຍ​ຊີວິດ​ຍ້ອນ​ພາຍຸ ເລ​ກີ​ມາ ແລ້ວ 32 ຄົນ ແລະ ສູນຫາຍ​ໄປ​ອີກ 16 ຄົນ.

     ກ່ອນ​ໜ້າ​ນັ້ນ ພາຍຸ ເລ​ກີ​ມາ ໄດ້​ພັດ​ຂຶ້ນ​ຝັ່ງ​ໃນ​ແຂວງ ເຈີ​ຈຽງ ມາ​ແລ້ວ​ເທື່ອ​ໜຶ່ງ ເມື່ອ​ເວລາ​ເຊົ້າ​ຕູ່​ຂອງ​ວັນ​ທີ 10 ສິງຫາ.

ຂ່າວທີ່ກ່ຽວຂ້ອງ