ລາວ ຊະນະ ຟີລິບປິນ 1-0 ປະຕູ ບານເຕະຊີງແຊັມອາຊຽນ

610 13 ສ.ຫ. 2019 ວົງຈອນກີລາ
ລາວ ຊະນະ ຟີລິບປິນ 1-0 ປະຕູ ບານເຕະຊີງແຊັມອາຊຽນ

    ການ​ແຂ່ງ­ຂັນ​ເຕະ­ບານ​ຊາຍ ຮຸ່ນ​ອາ­ຍຸ​ບໍ່​ເກີນ 18 ປີ (U-18) ຊີງ​ແຊັມ​ອາ​ຊຽນ 2019 ຢູ່​ນະ­ຄອນ​ໂຮ່​ຈີ​ມິງ ສສ ຫວຽດ­ນາມ ວັນ​ທີ 6-19 ສິງ­ຫາ 2019 ນັດ​ທີ 3 ຂອງ​ກຸ່ມ A ວັນ​ທີ 10 ສິງ­ຫາ 2019 ນັກ­ກີ­ລາ​ບານ­ເຕະ U-18 ປີ ທີມ​ຊາດ​ລາວ ບຽດ​ຊະ­ນະ ຟີ​ລິບ​ປິນ 1-0 ປະ­ຕູ ໃນ​ນາ­ທີໆ 81 ຈາກ​ຈັງ­ຫວະ ເລັກ​ໂຕ້ ຫຼວງ​ອາ​ໄພ ກອງ​ກາງ​ຈາກ​ສະ­ໂມ­ສອນ​ອີ​ໂວ ຢູ​ໄນ​ເຕັດ ຖືກ​ສະ­ກັດ​ໃນ​ເຂດ​ໂທດ ຜູ້​ຕັດ­ສິນ​ໃຫ້​ຈຸດ​ໂທດ​ທັນ­ທີ ແລະ ເປັນ ອາ­ຄົມ ທໍ­ລະ​ນິນ ກອງ​ໜ້າ​ຈາກ​ສະ­ໂມ­ສອນ​ຊ້າງ​ນ້ອຍ ເອັຟ​ຊີ ຮັບ​ໜ້າ­ທີ່​ຍິງ ຜູ້​ຮັກ­ສາ​ປະ­ຕູ​ຟີ​ລິບ​ປິນ​ປັດ​ອອກ​ມາ​ເຂົ້າ​ທາງ ອາ­ຄົມ ທໍ­ລະ​ນິນ ຊ້ຳ​ເຂົ້າ​ໄປ ເຮັດ​ໃຫ້​ລາວ ຊະ­ນະ ຟີ​ລິບ​ປິນ 4 ນັດ​ລວດ ໃນ​ການ​ພົບ​ກັນ​ລາຍ­ການ​ນີ້ ສ່ວນ ຕີ​ມໍ ເລ​ສ​ເຕ ເສຍ​ໃຫ້ ມຽນ​ມາ 0-1 ປະ­ຕູ ແລະ ບຣູ​ໄນ ເສຍ​ໃຫ້ ອິນ​ໂດ​ເນ​ເຊຍ 1-6 ປະ­ຕູ.

    ໄຊ­ຊະ­ນະ​ນັດ​ນີ້ ເຮັດ​ໃຫ້​ລາວ​ໄດ້ 3 ຄະ­ແນນ​ທີ່​ລ້ຳ​ຄ່າ ເພື່ອ​ຊີງ​ເຂົ້າ​ຮອບ​ຕໍ່​ໄປ​ຈາກ 2 ນັດ​ທີ່​ເຫຼືອ ເຊິ່ງ​ຈະ​ພົບ ອິນ​ໂດ​ເນ​ເຊຍ ວັນ​ທີ 12 ສິງ­ຫາ ເວ­ລາ 15:30 ໂມງ ແລະ ພົບ ຕີ​ມໍ ເລ​ສ​ເຕ ວັນ​ທີ 14 ສິງ­ຫາ ເວ­ລາ 16:00 ໂມງ.

ຂ່າວທີ່ກ່ຽວຂ້ອງ