ສະໜາມ​ບິນ​ສາກົນ​ຮົງ​ກົງ ກັບ​ມາ​ເປີດ​ການ​ເຄື່ອນ​ໄຫວ​

836 14 ສ.ຫ. 2019 ຂ່າວຕ່າງປະເທດ
ສະໜາມ​ບິນ​ສາກົນ​ຮົງ​ກົງ ກັບ​ມາ​ເປີດ​ການ​ເຄື່ອນ​ໄຫວ​

   ສະໜາມ​ບິນ​ສາກົນ​ຮົງ​ກົງ (ຈີນ) ໄດ້​ເຊື່ອມ​ຕໍ່​ການເຄື່ອນໄຫວ​ປະຈຳ​ວັນ​ແລ້ວ ໃນ​ຕອນ​ເຊົ້າ​ຂອງ​ວັນ​ທີ 13 ສິງຫາ​ນີ້ ຊຶ່ງ​ກ່ອນ​ໜ້າ​ນັ້ນ ຂ່າວສານ​ຊິນ​ຮວາ ລາຍ​ງານ​ວ່າ ທຸກໆ​ຖ້ຽວ​ບິນ ທັງ​ຂາ​ເຂົ້າ ແລະ ຂາ​ອອກ ຈາກ​ສະໜາມ​ບິນ​ສາກົນ​ຮົງ​ກົງ ໄດ້​ຖືກ​ຍົກເລີກ ໃນ​ວັນ​ທີ 12 ສິງຫາ ຍ້ອນ​ເກີດ​ການ​ປະ​ທ້ວງ ຢູ່​ໃນ​ບໍລິເວນ​ສະໜາມ​ບິນ​ສາກົນ​ແຫ່ງ​ນີ້.

    ໃນ​ຂະນະ​ດຽວ​ກັນ ເຈົ້າ​ໜ້າທີ່​ຕຳຫຼວດ​ຮົງ​ກົງ ແຈ້ງ​ໃຫ້​ຮູ້​ວ່າ ນັບ​ແຕ່​ວັນ​ທີ 9-12 ສິງຫາ​ນີ້ ເຈົ້າ​ໜ້າທີ່​ຕຳຫຼວດ​ຮົງ​ກົງ ໄດ້​ຈັບ​ກຸມ 149 ຄົນ ໃນ​ຫຼາຍ​ຂໍ້​ຫາ ເຊັ່ນ​ການ​ຊຸມນຸມ​ໂດຍ​ບໍ່​ໄດ້​ຮັບ​ອະນຸຍາດ ໂຈມ​ຕີ​ເຈົ້າ​ໜ້າທີ່​ຕຳຫຼວດ ແລະ ກີດຂວາງ​ຜູ້​ປະຕິບັດ​ວຽກ​ງານ​ທາງ​ລັດ​ຖະ​ການ. ໃນ​ບັ້ນ​ດຳເນີນ​ການ​ເມື່ອ​ຄ່ຳ​ຄືນ​ວັນ​ທີ 11 ສິງຫາ​ທີ່​ຜ່ານ​ມາ ເຈົ້າ​ໜ້າທີ່​ຕຳຫຼວດ​ຢູ່​ໃນ​ເຂດ ເກົາ​​ສ​ເວ ເບ (Causeway Bay) ໄດ້​ຈັບ​ກຸມ 15 ເປົ້າ​ໝາຍ ທີ່​ມີ​ອາວຸດ​ຢູ່​ໃນ​ຄອບ​ຄອງ​ໂດຍ​ບໍ່​ໄດ້​ຮັບ​ອະນຸຍາດ ໃນ​ນັ້ນ​ມີ​ປືນ ເລ​ເຊີ ປືນ​ກະ​ສູນ​ຢາງ ແລະ ອື່ນໆ.

ຂ່າວທີ່ກ່ຽວຂ້ອງ