ຂ່າວຫຼ້າສຸດ

ຫວນຄືນມູນເຊື້ອແນວລາວສ້າງຊາດ ຄົບຮອບ 69 ປີ

828 15 ສ.ຫ. 2019 ຂ່າວໜ້າ​ໜຶ່ງ

    ພິ­ທີ​ປາ­ຖະ­ກະ­ຖາ​ຫວນ​ຄືນ​ມູນ­ເຊື້ອ​ວັນ​ສ້າງ­ຕັ້ງ​ແນວ​ລາວ​ສ້າງ​ຊາດ ຄົບ­ຮອບ 69 ປີ (13 ສິງ­ຫາ 1950-13 ສິງ­ຫາ 2019) ຈັດ​ຂຶ້ນ​ວັນ​ທີ 12 ສິງ­ຫາ 2019 ຢູ່​ສູນ​ກາງ​ແນວ​ລາວ​ສ້າງ​ຊາດ (ສນຊ) ໂດຍ​ການ​ປາ­ຖະ­ກະ­ຖາ ຂອງ​ທ່ານ ພັນ​ດວງ​ຈິດ ວົງ­ສາ ອະ­ດີດ​ປະ­ທານ​ສູນ​ກາງ​ແນວ​ລາວ​ສ້າງ​ຊາດ ມີ​ບັນ­ດາ​ຮອງ​ປະ­ທານ ກົມ ອົງ­ການ ຈັດ​ຕັ້ງ​ມະ­ຫາ­ຊົນ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ທ່ານ ພັນ​ດວງ​ຈິດ ວົງ­ສາ ໄດ້​ຍົກ​ໃຫ້​ເຫັນ​ປະ­ຫວັດ​ຄວາມ​ເປັນ​ມາ ມູນ­ເຊື້ອ​ການ​ກຳ­ເນີດ ແລະ ເຕີບ​ໃຫຍ່​ຂະ ຫຍາຍ​ຕົວ​ແນວ​ລາວ​ສ້າງ​ຊາດ​ໄລ­ຍະ 69 ປີ ໂດຍ​ຜ່ານ​ໄລ­ຍະ​ແນວ​ລາວ​ອິດ­ສະ­ຫຼະ ໄລ­ຍະ​ແນວ​ລາວ​ຮັກ​ຊາດ ແລະ ໄລ­ຍະ​ແນວ​ລາວ​ສ້າງ​ຊາດ​ໃນ​ປັດ­ຈຸ­ບັນ ນັບ​ແຕ່​ມື້​ສ້າງ­ຕັ້ງ​ແນວ​ລາວ​ອິດ­ສະ­ຫຼະ ກໍ​ໄດ້​ປະ­ຕິ­ບັດ​ບົດ­ບາດ​ອອກ​ໜ້າ​ແທນ​ພັກ ເພື່ອ​ເຕົ້າ­ໂຮມ​ກ້ອນ​ກຳ­ລັງ​ສຳ­ພັນ​ທະ​ພາບ ລະ­ຫວ່າງ​ຊົນ​ຊັ້ນ​ກຳ­ມະ­ກອນ-ຊາວ​ກະ­ສິ­ກອນ ແລະ ບັນ­ດາ​ກຳ­ລັງ​ການ­ເມືອງ ກຳ­ລັງ​ການ­ຈັດ­ຕັ້ງ​ສັງ­ຄົມ​ຕ່າງໆ ອອກ­ແຮງ​ເຕົ້າ­ໂຮມ​ຄວາມ​ສາ­ມັກ­ຄີ​ປອງ​ດອງ​ທົ່ວ​ປວງ​ຊົນ​ທັງ​ຊາດ ສຳ ພັນ​ພິ­ເສດ​ກັບ​ກອງ­ທັບ ແລະ ປະ­ຊາ­ຊົນ​ຫວຽດ­ນາມ ສຳ­ພັນ 3 ຊາດ​ອິນ­ດູ­ຈີນ ເຮັດ​ສຳ­ເລັດ​ພາ­ລະ​ກຳ​ປະ­ຫວັດ­ສາດ​ອັນ​ສະ­ຫງ່າ​ອົງ­ອາດ ຄື: ປົດ​ປ່ອຍ­ປະ​ເທດ​ຊາດ​ອອກ​ຈາກ​ແອກ​ປົກ­ຄອງ​ຂອງ​ພວກ​ລ່າ​ເມືອງ​ຂຶ້ນ​ແບບ​ເກົ່າ ບັງ­ຄັບ​ໃຫ້​ພວກ​ລ່າ​ເມືອງ​ຂຶ້ນ​ແບບ​ເກົ່າ​ຕ້ອງ​ເຊັນ​ສັນ­ຍາ​ເຊີ​ແນວ ປີ 1954 ຍອມ­ຮັບ​ຮູ້​ເອ­ກະ­ລາດ ອຳ­ນາດ​ອະ­ທິ­ປະ​ໄຕ ຜືນ​ແຜ່ນ­ດິນ​ອັນ​ຄົບ​ຖ້ວນ​ຂອງ​ລາວ.

    ໂອ­ກາດ​ນີ້ ທ່ານ​ຍັງ​ໄດ້​ເນັ້ນ​ໃຫ້​ສະ­ມາ­ຊິກ​ພັກ ພະ­ນັກ­ງານ ລັດ­ຖະ­ກອນ​ພາຍ​ໃນ ສນຊ ເສີມ​ຂະ­ຫຍາຍ​ມູນ­ເຊື້ອ​ຄວາມ​ສາ­ມັກ­ຄີ​ຂອງ​ປະ­ຊາ­ຊົນ​ລາວ​ບັນ­ດາ­ເຜົ່າ ຊັ້ນ​ຄົນ ສາ­ສະ­ໜາ ເພດ-ໄວ ນັບ​ທັງ​ຄົນ​ເຊື້ອ​ຊາດ​ລາວ​ທີ່​ດຳ­ລົງ​ຊີ ວິດ​ຢູ່​ຕ່າງ­ປະ­ເທດ ແລະ ຄົນ​ຕ່າງ​ດ້າວ​ທີ່​ດຳ­ລົງ​ຊີ­ວິດ​ຢູ່ ສປປ ລາວ ໃຫ້​ເປັນ​ປຶກ​ແຜ່ນ​ແໜ້ນ­ໜາ ມີ​ຄວາມ​ຈົງ​ຮັກ​ພັກ­ດີ ສັດ­ຊື່​ບໍ­ລິ­ສຸດ ເດີນ​ຕາມ​ເສັ້ນ­ທາງ​ຂອງ​ພັກ ຫັນ​ລົງ​ກໍ່­ສ້າງ​ຮາກ​ຖານ​ການ­ເມືອງ ຕິດ​ພັນ​ກັບ​ປະ­ຊາ­ຊົນ ເພີ່ມ​ທະ ວີ​ປັບ­ປຸງ​ລະ­ບົບ​ການ­ຈັດ­ຕັ້ງ​ໃຫ້​ໜັກ​ແໜ້ນ ແລະ ຍົກ​ສູງ​ຄຸນ​ນະ​ພາບ​ຂອງ​ພະ­ນັກ­ງານ​ໃຫ້​ມີ​ຄວາມ​ຮູ້-ຄວາມ​ສາ­ມາດ ເພີ່ມ​ທະ­ວີ​ວຽກ​ງານ​ການ​ທູດ​ປະ­ຊາ­ຊົນ ແລະ ສືບ​ທອດ​ມູນ­ເຊື້ອ​ປະ­ຫວັດ­ສາດ​ອັນ​ອົງ­ອາດ​ກ້າ­ແກ່ນ ແລະ ໝາກ­ຜົນ​ຂອງ​ການ​ປະ­ຕິ­ວັດ​ທີ່​ຍາດ​ມາ​ໄດ້​ໃຫ້​ໝັ້ນ­ຄົງ.

    ພ້ອມ​ນີ້ ວັນ​ທີ 9 ສິງ­ຫາ 2019 ຢູ່​ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ກໍ​ຈັດ​ພິ­ທີ​ປາ­ຖະ­ກະ­ຖາ​ຫວນ​ຄືນ​ມູນ­ເຊື້ອ​ວັນ​ສ້າງ­ຕັ້ງ​ແນວ​ລາວ​ສ້າງ​ຊາດ ຄົບ­ຮອບ 69 ປີ ຂຶ້ນ​ເຊັ່ນ​ດຽວ​ກັນ ໂດຍ​ການ​ປາ­ຖະ­ກະ­ຖາ​ຂອງ​ທ່ານ ຄຳ​ປ່ຽນ ອິນ​ທະ​ລື­ຊາ ຮອງ​ເຈົ້າ­ເມືອງ​ໄຊ​ທາ­ນີ ມີ​ທ່ານ ສົມ​ຈິດ ອາ​ສິດ​ນິ​ພາບ ປະ­ທານ​ແນວ​ລາວ​ສ້າງ​ຊາດ ເມືອງ​ໄຊ​ທາ­ນີ ພ້ອມ​ດ້ວຍ​ບັນ­ດາ​ຫ້ອງ­ການ ອົງ­ການ ແລະ ພະ­ນັກ­ງານ​ຫຼັກ​ແຫຼ່ງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ