ນວ ທຳລາຍສິນຄ້າ ເກືອດຫ້າມ ມູນຄ່າ 125 ລ້ານກວ່າກີບ

387 20 ສ.ຫ. 2019 ຂ່າວໜ້າ​ໜຶ່ງ
ນວ ທຳລາຍສິນຄ້າ ເກືອດຫ້າມ ມູນຄ່າ 125 ລ້ານກວ່າກີບ

    ພິ­ທີ​ທຳ­ລາຍ​ສິນ­ຄ້າ​ເກືອດ​ຫ້າມ ສິນ­ຄ້າ​ນຳ​ເຂົ້າ​ບໍ່​ຖືກ­ຕ້ອງ ສິນ­ຄ້າ​ໝົດ​ອາ­ຍຸ ຈັດ​ຂຶ້ນ​ວັນ​ທີ 16 ສິງ­ຫາ 2019 ຢູ່​ສະ­ໜາມ​ບຳ­ບັດ​ຂີ້​ເຫຍື້ອ (ຫຼັກ 32) ມີ​ທ່ານ ເບີ​ລິນ ເພັດ​ຈັນ­ທະ​ຣາດ ຫົວ­ໜ້າ​ພະ​ແນກ​ອຸດ​ສາ​ຫະ  ກຳ ແລະ ການ​ຄ້າ ນະ­ຄອນ­ຫຼວງ​ວຽງ​ຈັນ ແລະ ຂະ­ແໜງ­ການ​ກ່ຽວ­ຂ້ອງ ເຂົ້າ​ຮ່ວມ.

    ເຄື່ອງ​ທີ່​ນຳ​ມາ​ທຳ­ລາຍ​ຄັ້ງ​ນີ້​ປະ­ກອບ​ມີ ໝາກ​ກະ­ໂພກ ດອກ​ໄມ້​ໄຟ ບັ້ງ­ໄຟ​ພຸ ຈຳ­ນວນ 56 ກິ​ໂລ ຢາ­ສູບ​ທີ່​ລັກ­ລອບ​ນຳ​ເຂົ້າ​ຊະ­ນິດ​ຕ່າງໆ​ຈຳ­ນວນ 635 ຕຸດ ເຄື່ອງ​ໃນ​ສັດ​ທີ່​ນຳ​ເຂົ້າ​ບໍ່​ຖືກ­ຕ້ອງ​ຈຳ­ນວນ 192 ກິ​ໂລ ອຸ­ປະ­ກອນ​ຮັບ​ສັນ­ຍານ​ໂທລະ­ພາບ​ຜ່ານ​ດາວ​ທຽມ​ທີ່​ນຳ​ເຂົ້າ​ບໍ່​ຖືກ­ຕ້ອງ​ຈຳ­ນວນ 6 ລາຍ­ການ ສິນ­ຄ້າ​ໝົດ​ອາ­ຍຸ​ປະ­ເພດ​ເຂົ້າ­ໜົມ ກະ​ແລັມ ນ້ຳ​ອັດ​ລົມ ຈຳ­ນວນ 500 ກິ​ໂລ ບັນ­ດາ​ເຄື່ອງ​ເຫຼົ່າ​ນີ້​ແມ່ນ​ຢຶດ​ໄດ້​ຈາກ​ບັນ­ດາ​ຮ້ານ​ຂາຍ​ສົ່ງ-ຂາຍ­ຍ່ອຍ​ພາຍ​ໃນ ນວ ມູນ​ຄ່າ​ທັງ​ໝົດ 125 ລ້ານ​ກວ່າ​ກີບ.

    ຕະ­ຫຼອດ​ໄລ­ຍະ​ຜ່ານ​ມາ​ ກໍ​ໄດ້​ຈັດ​ຕັ້ງ​ປະ­ຕິ­ບັດ​ວຽກ​ງານ​ດັ່ງ­ກ່າວ​ຢ່າງ​ເປັນ​ປົກ­ກະ­ຕິ ຖ້າ​ພົບ​ເຫັນ​ບໍ່​ຖືກ­ຕ້ອງ​ກໍ​ໄດ້​ໃຊ້​ມາດ​ຕະ­ການ​ຢ່າງ​ເດັດ­ຂາດ​ເຊັ່ນ: ຢຶດ ແລະ ທຳ­ລາຍ​ຖິ້ມ​ຕາມ​ລະ­ບຽບ​ຫຼັກ­ການ ທັງ​ນີ້ ກໍ​ເພື່ອ​ເປັນ​ການ​ປົກ​ປ້ອງ​ສິດ­ຜົນ­ປະ­ໂຫຍດ​ອັນ​ຊອບ​ທຳ​ຂອງ​ສັງ­ຄົມ ກໍ​ຄື​ຜູ້​ບໍ­ລິ­ໂພກ​ໄດ້​ຊົມ­ໃຊ້​ສິນ­ຄ້າ​ທີ່​ມີ​ຄຸນ​ນະ​ພາບ ດັ່ງ­ນັ້ນ ຈິ່ງ​ຮຽກ­ຮ້ອງ​ມາ​ຍັງ​ຜູ້​ປະ­ກອບ​ການ ແລະ ປະ­ຊາ­ຊົນ​ເປັນ​ເຈົ້າ​ການ​ຊ່ວຍ​ກັນ​ໃນ​ການ​ປະ­ຕິ­ບັດ​ລະ­ບຽບ​ກົດ­ໝາຍ ເຮັດ​ໃຫ້​ສັງ­ຄົມ​ມີ​ຄວາມ​ສະ­ຫງົບ ແລະ ໄດ້​ຊົມ­ໃຊ້​ສິນ­ຄ້າ​ທີ່​ມີ​ຄຸນ​ນະ​ພາບ.

ຂ່າວທີ່ກ່ຽວຂ້ອງ