ສະຖານທູດໄທ ຊ່ວຍເຫຼືອສ້າງເຮືອນຄົວໃຫ້ໂຮງຮຽນສຶກສາພິເສດ

490 20 ສ.ຫ. 2019 ຂ່າວໜ້າ​ໜຶ່ງ
ສະຖານທູດໄທ ຊ່ວຍເຫຼືອສ້າງເຮືອນຄົວໃຫ້ໂຮງຮຽນສຶກສາພິເສດ

    ວັນ​ທີ 15 ສິງ­ຫາ 2019 ທ່ານ ກຽດ​ຕິ​ຄຸນ ຊາດ​ປະ­ເສີດ ເອກ​ອັກ­ຄະ­ລາ­ຊະ­ທູດ​ໄທ​ປະ­ຈຳ​ລາວ ພ້ອມ​ດ້ວຍ​ພັນ​ລະ​ຍາ ພະ­ນັກ­ງານ​ສະ­ຖານ­ທູດ ແລະ ປະ­ຊາ­ຊົນ​ໄທ​ທີ່​ອາ­ໄສ​ຢູ່​ລາວ ໄດ້​ຈັດ​ກິດ­ຈະ­ກຳ​ຈິດ​ອາ­ສາ “ເຮົາ​ທຳ​ຄວາມ​ດີ​ດ້ວຍ​ຫົວ­ໃຈ” ແລະ ມອບ​ເຮືອນ­ຄົວ​ໃຫ້​ໂຮງ­ຮຽນ​ສຶກ​ສາ​ພິ­ເສດ​ນະ­ຄອນ­ຫຼວງ​ວຽງ​ຈັນ (ນວ)  ໃຫ້​ກຽດ​ຕ້ອນ­ຮັບ​ໂດຍ​ທ່ານ ຊົມ​ພູ ແກ້ວ​ປັນ­ຍາ ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ພ້ອມ​ດ້ວຍ​ຄະ­ນະ​ອຳ­ນວຍ​ການ​ໂຮງ­ຮຽນ ແລະ ພະ­ນັກ­ງານ​ຄູ-ອາ­ຈານ.

    ສຳ­ລັບ​ກິດ­ຈະ­ກຳ​ຊ່ວຍ­ເຫຼືອ​ຄັ້ງ​ນີ້ ສະ­ຖານ­ທູດ​ໄທ​ປະ­ຈຳ​ລາວ​ໄດ້​ສະ­ໜັບ­ສະ­ໜູນ​ທຶນ 750.000 ບາດ ຫຼື ປະ­ມານ 219 ລ້ານ​ກີບ ກໍ່­ສ້າງ​ອາ­ຄານ​ເຮືອນ­ຄົວ​ໃຫ້​ໂຮງ­ຮຽນ​ສຶກ​ສາ​ພິ­ເສດ ນວ ເຊິ່ງ​ເປັນ​ການ​ສານ​ຕໍ່​ກິດ­ຈະ­ກຳ​ບຳ­ເພັນ​ສາ­ທາ­ລະ­ນະ​ປະ­ໂຫຍດ​ໃນ​ໂອ­ກາດ​ມະ­ຫາ​ມຸງ­ຄຸນ​ພະ​ຣາ​ຊະ​ພິ­ທີ​ບໍ​ຣົມ​ຣາ​ຊາ​ພິ​ເສກ ພຸດ​ທະ​ສັກ­ກະ​ຣາດ ແລະ ວັນ​ສະ­ເຫຼີມ​ພະ​ຊົນ​ມະ​ພັນ​ສາ​ສົມ­ເດັດ ພະ​ນາງ​ເຈົ້າ​ພະ​ບໍ​ຣົມ​ຣາ​ຊິ​ນີ ປະ­ຈຳ​ປີ​ພຸດ​ທະ​ສັກ­ກະ​ຣາດ 2562 ເຕັມ​ໄປ​ດ້ວຍ​ຄວາມ​ໝາຍ​ສຳ­ຄັນ​ອັນ​ເລິກ­ເຊິ່ງ ​ທີ່​ເປັນ​ກິດ­ຈະ­ກຳ​ໜຶ່ງ​ທີ່​ຊ່ວຍ­ເຫຼືອ​ສັງ­ຄົມ​ລາວ ກໍ​ຄື​ການ​ສຶກ​ສາ​ລາວ​ໃຫ້​ມີ​ການ​ພັດ­ທະ­ນາ​ຢ່າງ​ບໍ່​ຢຸດ​ຢັ້ງ.

ຂ່າວທີ່ກ່ຽວຂ້ອງ