ສ ອາ​ເມຣິກາ ຕໍ່​ກຳນົດ​ຄຳ​ສັ່ງ​ຫ້າມ​ປະຊາຊົນ​ໄປ​ທ່ອງ​ທ່ຽວ​ໃນ ສປປ ​ເກົາຫຼີ ຕື່ມ​ອີກ 1 ປີ

423 21 ສ.ຫ. 2019 ຂ່າວຕ່າງປະເທດ
ສ ອາ​ເມຣິກາ ຕໍ່​ກຳນົດ​ຄຳ​ສັ່ງ​ຫ້າມ​ປະຊາຊົນ​ໄປ​ທ່ອງ​ທ່ຽວ​ໃນ ສປປ ​ເກົາຫຼີ ຕື່ມ​ອີກ 1 ປີ

    ຂ່າວສານ​ຢອນ​ຮັບ ຂອງ ສ ເກົາຫຼີ ລາຍ​ງານ​ວ່າ ເມື່ອ​ວັນ​ທີ 19 ສິງຫາ​ນີ້ ກະຊວງ​ການ​ຕ່າງປະເທດ ສ ອາ​ເມ​ຣິ​ກາ ໄດ້​ຕໍ່​ກຳນົດ​ຄຳ​ສັ່ງ​ຫ້າມ​ພົນລະເມືອງ​ຂອງ​ຕົນ ໃນ​ການ​ໄປ​ທ່ອງ​ທ່ຽວ​ໃນ ​ສປປ ເກົາຫຼີ ນັ້ນ​ຕື່ມ​ອີກ 1 ປີ.

     ຄຳ​ສັ່ງ​ຫ້າມ​ດ້ານ​ການທ່ອງທ່ຽວ​ດັ່ງກ່າວ ໄດ້​ຮັບ​ການ​ປະຕິບັດ​ມາ​ຕັ້ງແຕ່​ເດືອນ​ກັນຍາ ປີ 2017 ຫຼັງ​ຈາກ​ການ​ຕາຍ​ຂອງ ອົດ​ໂຕ ວາມ​ບີ​ເອີ ນັກ​ສຶກ​ສາ​ຊາວ​ອາ​ເມ​ຣິ​ກັນ ທີ່​ຖືກ​ຈັບ​ຄຸມ​ຂັງ​ຢູ່​ໃນ ​ສປປ ເກົາຫຼີ ແລະ ໄດ້​ເສຍ​ຊີວິດ​ບໍ່​ດົນ​ຫຼັງ​ຈາກ​ທີ່​ຖືກ​ປ່ອຍ​ຕົວ​ໃຫ້​ກັບ​ຄືນ​ປະເທດ. ຂໍ້​ກຳນົດ​ທີ່​ໄດ້​ຮັບ​ການ​ຍົກເວັ້ນ​ໃນ​ຂໍ້​ຫ້າມ ແມ່ນ​ສຳລັບ​ບັນດາ​ນັກ​ຂ່າວ ແລະ ບັນດາ​ເຫດຜົນ​ດ້ານ​ມະນຸດສະທຳ ສຳລັບ​ການ​ເດີນທາງ​ເທື່ອ​ດຽວ.    

   ມາດ​ຕະການ (ຄຳ​ສັ່ງ​ຫ້າມ) ດັ່ງກ່າວ ໄດ້​ຮັບ​ການ​ຕໍ່​ກຳນົດ​ເທື່ອ​ທຳ​ອິດ ເມື່ອ​ປີ 2018. ຈາກ​ຂໍ້​ກຳນົດ​ໃໝ່​ທີ່​ປະກາດ​ໃຊ້​ນັ້ນ ຄຳ​ສັ່ງ​ຫ້າມ​ໄປ​ທ່ອງ​ທ່ຽວ​ໃນ ​ສປປ ເກົາຫຼີ ຈະ​ແກ່ຍາວ​ຮອດ​ວັນ​ທີ 31 ສິງຫາ ປີ 2020.

ຂ່າວທີ່ກ່ຽວຂ້ອງ