ໄທຈະປະຕິບັດນະໂຍບາຍຍົກເວັ້ນວິຊາ 15 ມື້ ຕໍ່ນັກທ່ອງທ່ຽວຈີນ ແລະ ອິນເດຍ

687 21 ສ.ຫ. 2019 ຂ່າວຕ່າງປະເທດ
ໄທຈະປະຕິບັດນະໂຍບາຍຍົກເວັ້ນວິຊາ 15 ມື້ ຕໍ່ນັກທ່ອງທ່ຽວຈີນ ແລະ  ອິນເດຍ

    ກະຊວງ​ທ່ອງ​ທ່ຽວ ແລະ ກິລາ​ໄທ ມີ​ແຜນທີ່​ຈະ​ປະຕິບັດ​ນະໂຍບາຍ​ຍົກເວັ້ນ​ວິຊາ 15 ມື້​ຕໍ່​ນັກ​ທ່ອງ​ທ່ຽວ​ຈີນ ແລະ ອິນ​ເດຍ. ປັດຈຸບັນ​ນີ້ ແຜນການ​ດັ່ງກ່າວ ພວມ​ລໍຖ້າ​ລັດຖະບານ​ອະນຸມັດ.

    ຫວ່າງ​ມໍ່ໆມານີ້ ລັດຖະມົນຕີ​ກະຊວງ​ທ່ອງ​ທ່ຽວ ແລະ ກິລາ​ໄທ ກ່າວ​ວ່າ ໄດ້​ຍື່ນ​ແຜນການ​ດັ່ງກ່າວ​ໃຫ້​ລັດຖະບານ​ເພື່ອ​ພິຈາລະນາ​ອະນຸມັດ ຊຶ່ງ​ຖ້າ​ໄດ້​ຮັບ​ການ​ອະນຸມັດ ນະໂຍບາຍ​ດັ່ງກ່າວ​ຈະ​ເລີ່ມ​ມີ​ຜົນ​ບັງຄັບ​ໃຊ້​ແຕ່​ວັນ​ທີ 1 ພະຈິກ​ປີ​ນີ້​ເປັນຕົ້ນ​ໄປ ຊຶ່ງ​ນັກ​ທ່ອງ​ທ່ຽວ​ຈີນ ແລະ ອິນ​ເດຍ​ທີ່​ໄປ​ໄທ​ໃນ​ເວລາ​ນັ້ນ ຈະ​ໄດ້​ອາ​ໃສ​ຢູ່​ປະເທດ​ໄທ​ເປັນ​ເວລາ 15 ມື້ ໂດຍ​ບໍ່​ຈຳເປັນ​ຂໍ​ວິຊາ. ນະໂຍບາຍ​ນີ້​ຈະ​ປະຕິບັດ​ຈົນ​ຮອດ ວັນ​ທີ 31 ຕຸລາ​ປີໜ້າ.

    ຂະແໜງ​ການທ່ອງທ່ຽວ ແມ່ນ​ໜຶ່ງ​ໃນ​ອຸດສາຫະກຳ​ເສົາຄ້ຳ​ອັນ​ສຳຄັນ​ທີ່​ສຸດ​ຂອງ​ໄທ ແລະ ກໍ​ແມ່ນ​ສັນຍະລັກ​ຂອງ​ການ​ເຕີບ​ໂຕ​ດ້ານ​ເສດຖະກິດ​ຂອງ​ໄທ. ໃນ​ຊຸມ​ປີ​ມໍ່ໆມານີ້ ຈີນ​ໄດ້​ກາຍເປັນ​ປະເທດ ແຫຼ່ງ​ນັກ​ທ່ອງ​ທ່ຽວ​ໃຫຍ່​ທີ່​ສຸດ​ຂອງ​ໄທ. ປີ 2018 ນັກ​ທ່ອງ​ທ່ຽວ​ຈີນ​ທີ່​ໄປ​ທ່ອງ​ທ່ຽວ​ໃນ​ໄທ ໄດ້​ບັນລຸ​ເຖິງ 10 ລ້ານ​ກວ່າ​ເທື່ອ​ຄົນ ຊຶ່ງ​ເປັນ​ສະຖິຕິ​ສູງ​ສຸດ​ໃນ​ປະຫວັດສາດ.

ຂ່າວທີ່ກ່ຽວຂ້ອງ