ຂ່າວຫຼ້າສຸດ

ຜູ້ນຳ​ ຝຣັ່ງ-ຣັດ​ເຊຍ ພົບ​ປະຫາ​ລື​ກັນ

752 21 ສ.ຫ. 2019 ຂ່າວຕ່າງປະເທດ
ຜູ້ນຳ​ ຝຣັ່ງ-ຣັດ​ເຊຍ ພົບ​ປະຫາ​ລື​ກັນ

    ປະທານາທິບໍດີ​ຝຣັ່ງ ເອມ​ມາ​ນູ​ແອ​​ລ ມາກ​ຣົງ ໄດ້​ພົບ​ປະ​ເຈລະຈາ​ກັບ​ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ທີ່ຢູ່​ລະຫວ່າງ​ການເຄື່ອນໄຫວ​ຢ້ຽມຢາມ​ຝຣັ່ງ ເມື່ອ​ວັນ​ທີ 19 ສິງຫາ​ນີ້ ໂດຍ​ໄດ້​ປຶກສາ​ຫາລື​ກ່ຽວ​ກັບ​ການ​​ພົວ​ພັນ​ລະຫວ່າງ​ສອງ​ຝ່າຍ ຕະຫຼອດ​ຮອດ​ບັນດາ​ບັນຫາ​ສາກົນ ທີ່​ສອງ​ຝ່າຍ​ຕ່າງ​ກໍ​ໃຫ້​ຄວາມ​ສົນໃຈ. ການ​ພົບ​ປະ​ເຈລະຈາ​ດັ່ງກ່າວ ມີ​ຂຶ້ນ​ກ່ອນ​ການ​ປະຊຸມ​ສຸດ​ຍອດ ຂອງ​ກຸ່ມ​ບັນດາ​ປະເທດ​ອຸດສາຫະກຳ​ພັດທະນາ (G7) ຊຶ່ງ​ມີ​ກຳນົດ​ຈັດ​ຂຶ້ນ​ທີ່​ປະເທດ​ຝຣັ່ງ ແຕ່​ວັນ​ທີ 24-26 ສິງຫາ​ນີ້.

    ປະທານາທິບໍດີ ມາກ​ຣົງ ກ່າວ​ຢືນຢັນ​ຕໍ່​ກອງ​ປະຊຸມ​ຖະແຫຼງ​ຂ່າວ​ຮ່ວມ​ກັບ​ປະທານາທິບໍດີ ປູ​ຕິນ ວ່າ​ຣັດ​ເຊຍ ມີ​ບົດບາດ​ສຳຄັນ​ເປັນ​ພິເສດ  ຢູ່​ໃນ​ການ​ແກ້​ໄຂ​ວິ​ກິດ​ການ​ຕ່າງໆ​ຢູ່​ໃນ​ໂລກ. ໃນ​ຂະນະ​ດຽວ​ກັນ ປະທານາທິບໍດີ ປູ​ຕິນ ຊີ້​ແຈງ​ວ່າ ຣັດ​ເຊຍ ສະໜັບສະໜູນ​ຕໍ່​ການ​ດຳເນີນ​ການ​ທາງ​ທະຫານ​ຂອງ​ຊີ​ຣີ ທີ່​ຕ້ານ​ກັບ​ພວກ​ກໍ່​ການ​ຮ້າຍ ຢູ່​ໃນ​ບັນດາ​ສະຖານທີ່​ຍຸດ​ທະ​ສາດ​ສຳຄັນ ທີ່​ຕິດ​ກັບ​ຊາຍ​ແດນ​ຕວກ​ກີ.

    ເມື່ອ​ເວົ້າ​ເຖິງ​ຂົງເຂດ​ການ​ຄ້າ​ລະຫວ່າງ​ຝຣັ່ງ ກັບ​ຣັດ​ເຊຍ​ນັ້ນ ເຫັນ​ວ່າ​ມີ​ທ່າ​ອ່ຽງ​ກ້າວ​ຂຶ້ນ. ໃນ​ເວລາ​ສິ້ນ​ສຸດ​ປີ 2018 ມູນ​ຄ່າ​ການ​ຄ້າ​ສອງ​ສົ້ນ ບັນລຸ​ທີ່​ລະດັບ 17,2 ຕື້​ໂດ​ລາ​ສະຫະລັດ ເພີ່ມ​ຂຶ້ນ 11% ເມື່ອ​ທຽບໃສ່​ປີ 2017; ປະລິມານ​ການ​ລົງທຶນ​ຂອງ​ຝຣັ່ງ ຢູ່​ໃນ​ພື້ນຖານ​ເສດຖະກິດ​ຣັດ​ເຊຍ ບັນລຸ​ກວ່າ 18 ຕື້​ໂດ​ລາ​ສະຫະລັດ. ມີ​ວິ​ສາ​ຫະ​ກິດ​ຂອງ​ຝຣັ່ງ ຫຼື​ວິ​ສາ​ຫະ​ກິດ​ຮ່ວມ​ທຸລະ​ກິດ 600 ກວ່າ​ແຫ່ງ ພວມ​ເຄື່ອນ​ໄຫວ​ຢ່າງ​ຕັ້ງໜ້າ ຢູ່​ໃນ​ຕະຫຼາດ​ຂອງ​ຣັດ​ເຊຍ.

ຂ່າວທີ່ກ່ຽວຂ້ອງ