ຂ່າວຫຼ້າສຸດ

ຕຳຫຼວດອິນໂດເນເຊຍ ຕາມລ່ານັກໂທດທີ່ໂຕນອອກຈາກຄຸກ

811 22 ສ.ຫ. 2019 ຂ່າວຕ່າງປະເທດ
ຕຳຫຼວດອິນໂດເນເຊຍ ຕາມລ່ານັກໂທດທີ່ໂຕນອອກຈາກຄຸກ

   ເມື່ອ​ວັນ​ທີ 20 ສິງຫາ​ນີ້ ຕຳຫຼວດ​ອິນ​ໂດ​ເນ​ເຊຍ ໄດ້​ປະຕິບັດ​ການ​ຕາມ​ລ່າ​ຫາ​ຕົວ​ນັກໂທດ 250 ກວ່າ​ຄົນ ທີ່​ໂຕນ​ອອກ​ໄປ​ຈາກ​ຄຸກ ຫຼັງ​ຈາກ​ທີ່​ກ່ອນ​ໜ້າ​ນັ້ນ​ໜຶ່ງ​ວັນ​ຄຸກ​ແຫ່ງ​ໜຶ່ງ ຢູ່​ໃນ​ນະຄອນ​ທ່າ ໂຊ​ຣອງ ໃນ​ແຂວງ ປາ​ປົວ ຖື​ກວາງ​ເພີງ ຍ້ອນ​ເກີດ​ເຫດການ​ວຸ້ນວາຍ​ຢູ່​ໃນ​ຫຼາຍ​ແຫ່ງ ໃນ​ເຂດ​ທິດຕາເວັນອອກ​ຂອງ​ອິນ​ໂດ​ເນ​ເຊຍ.

   ເຈົ້າ​ໜ້າທີ່​ໃນ​ທ້ອງຖິ່ນ ແຈ້ງ​ໃຫ້​ຮູ້​ວ່າ ບັນດາ​ຜູ້​ປະ​ທ້ວງ ຊຶ່ງ​ຕົ້ນຕໍ​ກໍ​ແມ່ນ​ນັກ​ສຶກ​ສາ ລະດັບ ມະຫາວິທະຍາໄລ ເພື່ອ​ຄັດຄ້ານ​ຕໍ່​ໄພ​ຈຳແນກ​ເຊື້ອ​ຊາດ ແລະ ຈຳແນກ​ການ​ປະພຶດ ນັ້ນ​ໄດ້​ໂຈມ​ຕີ​ຄຸກ ແຫ່ງ​ດັ່ງກ່າວ ລວມ​ເຖິງ​ສຳນັກງານ​ອົງການ​ຂອງ​ລັດ​ແຫ່ງ​ອື່ນໆ​ອີກ.

    ສະຖິຕິ​ຊີ້​ໃຫ້​ເຫັນ​ວ່າ ນັກໂທດ 258 ຄົນ ຈາກ​ຈຳນວນ​ທັງ​ໝົດ 547 ຄົນ ທີ່​ພວມ​ຖືກ​ກັກ​ຂັງ ໄດ້​ປົບ​ໜີ​ອອກ​ໄປ​ຈາກ​ຄຸກ ໃນ​ເວລາ​ທີ່​ເກີດ​ເຫດ​ວຸ້ນວາຍ. ມີ​ເປົ້າ​ໝາຍ​​ຈຳນວນ​ໜຶ່ງ ໄດ້​ຖືກ​ຈັບ​ຕົວ ຄືນ​ມາ​ໄດ້.

    ເມື່ອ​ວັນ​ທີ 19 ສິງຫາ​ທີ່​ຜ່ານ​ມາ ປະຊາຊົນ​ຫຼາຍ​ພັນ​ຄົນ ຢູ່​ໃນ​ແຂວງ​ປາ​ປົວ ໄດ້​ພາກັນ ລົງ​ສູ່​ທ້ອງ​ຖະໜົນ​ເພື່ອ​ປະ​ທ້ວງ​ຢູ່​ໃນ​ຕົວ​ເມືອງ​ຕ່າງໆ ອັນ​ປະກອບ​ດ້ວຍ​ນະຄອນ ໂຊ​ຣອງ ມາ​ນົກ​ວາ​ຣີ ແລະ ຈາ​ຢາ​ປູ​ຣາ. ຜູ້​ເຂົ້າ​ຮ່ວມ​ການ​ປະ​ທ້ວງ ໄດ້​ພາກັນ​ກີດຂວາງ​ຕາມ​ຖະໜົນ​ສາຍ​ຕ່າງໆ ທຳລາຍ ສະໜາມ​ບິນ​ແຫ່ງ​ໜຶ່ງ ແລະ ຈູດ​ທຳລາຍ​ສຳນັກງານ​ຂອງ​ສະພາ​ນິຕິບັນຍັດ ຢູ່​ໃນ​ເຂດ​ປາ​ປົວ ຕາເວັນຕົກ.

ຂ່າວທີ່ກ່ຽວຂ້ອງ