ຂ່າວຫຼ້າສຸດ

ຄວາມໝາຍ ຄວາມສຳຄັນຂອງຄຸນທາດການເມືອງ ແລະ ຄຸນສົມບັດສິນທຳປະຕິວັດ

2.791 23 ສ.ຫ. 2019 ນານາສາລະ

    ສືບ­ຕໍ່​ຈາກ​ສະ­ບັບ​ກ່ອນ ມື້­ນີ້​ຈະ​ນຳ​ສະ­ເໜີ​ບົດ​ທີ​ສາມ: ຕັ້ງ­ໜ້າ​ເຝິກ­ຝົນ​ຫຼໍ່​ຫຼອມ​ຄຸນ​ທາດ​ການ­ເມືອງ ແລະ ຄຸນ­ສົມ­ບັດ​ສິນ​ທຳ​ປະ­ຕິ­ວັດ ແຕ່​ໃນ​ນີ້​ຢາກ​ນຳ​ເອົາ​ຈຸດ​ສຳ­ຄັນ​ໃນ​ບົດ​ທີ່​ເວົ້າ​ເຖິງ​ຄວາມ​ໝາຍ ຄວາມ​ສຳ­ຄັນ​ຂອງ​ຄຸນ​ທາດ​ການ­ເມືອງ ແລະ ຄຸນ­ສົມ­ບັດ​ສິນ​ທຳ​ປະ­ຕິ­ວັດ ມາ​ນຳ​ສະ­ເໜີ​ເພື່ອ​ໃຫ້​ເພື່ອນ​ຜູ້​ອ່ານ​ກຳ​ໄດ້​ດັ່ງ­ນີ້:

    + ຄວາມ​ໝາຍ ຄວາມ​ສຳ­ຄັນ​ຂອງ​ຄຸນ​ທາດ​ການ­ເມືອງ ແລະ ຄຸນ­ສົມ­ບັດ​ສິນ​ທຳ​ປະ­ຕິ­ວັດ.

1. ຄວາມ​ໝາຍ ແລະ ຄວາມ​ສຳ­ຄັນ​ຂອງ​ຄຸນ​ທາດ​ການ­ເມືອງ.

1. ຄວາມ​ໝາຍ​ຂອງ​ຄຸນ​ທາດ​ການ­ເມືອງ.

- ຄຸນ​ທາດ​ການ­ເມືອງ ແມ່ນ​ອົງ​ປະ­ກອບ​ອັນ​ໜຶ່ງ​ທີ່​ສຳ­ຄັນ​ຢູ່​ໃນ​ຄຸນ​ນະ​ພາບ ຂອງ​ສະ­ມາ­ຊິກ​ພັກ​ແຕ່​ລະ​ສະ­ຫາຍ ແມ່ນ​ມາດ­ຖານ​ແຖວ​ໜ້າ ແມ່ນ​ຄວາມ​ຮຽກ­ຮ້ອງ​ຕ້ອງ­ການ​ອັນ​ເປັນ​ພື້ນ­ຖານ​ທີ່​ຂາດ​ບໍ່​ໄດ້ ທັງ​ເປັນ​ພື້ນ­ຖານ​ໃຫ້​ແກ່​ການ​ເຝິກ­ຝົນ​ຫຼໍ່​ຫຼອມ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ ແລະ ການ­ເຄື່ອນ­ໄຫວ​ປະ­ຕິ­ບັດ​ໜ້າ­ທີ່​ວຽກ​ງານ​ປະ­ຈຳ​ວັນ​ຂອງ​ພະ­ນັກ­ງານ-ສະ­ມາ­ຊິກ​ພັກ.

- ເນື້ອ​ແທ້​ຂອງ​ຄຸນ​ທາດ​ການ­ເມືອງ ແມ່ນ​ໝາຍ​ເຖິງ​ທັດ­ສະ­ນະ​ຫຼັກ​ໝັ້ນ​ຊົນ​ຊັ້ນ ທັດ­ສະ­ນະ​ມິດ-ສັດ­ຕູ ແລະ ຄວາມ​ເດັດ ດ່ຽວ​ໜຽວ​ແໜ້ນ​ຕໍ່​ອຸ­ດົມ​ການ​ສັງ­ຄົມ​ນິ­ຍົມ.

2. ຄວາມ​ສຳ­ຄັນ​ຂອງ​ຄຸນ​ທາດ​ການ­ເມືອງ.

- ພັກ​ປະ­ຊາ­ຊົນ​ປະ­ຕິ­ວັດ​ລາວ ນັບ​ແຕ່​ມື້​ກຳ­ເນີດ​ໄດ້​ຖື​ສຳ­ຄັນ ແລະ ເອົາ­ໃຈ­ໃສ່​ສ້າງ​ຖັນ​ແຖວ​ພະ­ນັກ­ງານ-ສະ­ມາ­ຊິກ​ພັກ ໃຫ້​ມີ​ຄຸນ​ທາດ​ການ­ເມືອງ​ທີ່​ໜັກ​ແໜ້ນ.

- ການ​ປະ­ຕິ­ວັດ​ຂະ­ຫຍາຍ­ຕົວ​ເທົ່າ­ໃດ ຍິ່ງ​ຮຽກ­ຮ້ອງ​ໃຫ້​ພະ­ນັກ­ງານ-ສະ­ມາ­ຊິກ​ພັກ​ມີ​ຄວາມ​ໜັກ​ແໜ້ນ​ດ້ານ​ຄຸນ​ທາດ​ການ­ເມືອງ ເພື່ອ​ຈັດ​ຕັ້ງ​ປະ­ຕິ­ບັດ​ແນວ­ທາງ ແຜນ​ນະ­ໂຍ­ບາຍ​ຂອງ​ພັກ​ໃຫ້​ເປັນ​ຈິງ ເພາະ­ວ່າ​ພະ­ນັກ­ງານ-ສະ­ມາ­ຊິກ​ພັກ ເປັນ​ປັດ​ໄຈ​ຕັດ­ສິນ​ຜົນ​ໄດ້ ຜົນ​ເສຍ​ໃນ​ການ­ຈັດ­ຕັ້ງ​ປະ­ຕິ­ບັດ​ແນວ­ທາງ ແຜນ​ນະ­ໂຍ­ບາຍ​ຂອງ​ພັກ ສະ­ນັ້ນ ປັດ­ຈຸ­ບັນ ເພື່ອ​ສືບ­ຕໍ່​ນຳ­ພາ​ການ​ປະ­ຕິ­ບັດ​ສອງ​ໜ້າ­ທີ່​ຍຸດ​ທະ​ສາດ ກໍ​ຄື ນຳ­ພາ​ແກ້​ໄຂ​ຄວາມ­ທຸກ​ຍາກ​ຂອງ​ປະ­ຊາ­ຊົນ ແລະ ຄວາມ​ດ້ອຍ​ພັດ­ທະ­ນາ​ຂອງ​ປະ­ເທດ​ຊາດ​ໃຫ້​ບັນ­ລຸ​ຕາມ​ຄາດ­ໝາຍ​ສູ້​ຊົນ​ທີ່​ກຳ­ນົດ​ໄວ້ ການ​ເຝິກ­ຝົນ​ຫຼໍ່​ຫຼອມ​ຕົນ​ເອງ​ໃຫ້​ມີ​ຄຸນ​ທາດ​ການ ເມືອງ​ອັນ​ໜັກ​ແໜ້ນ ຈຶ່ງ​ມີ​ຄວາມ​ສຳ­ຄັນ​ທີ່​ສຸດ ແລະ ກາຍ​ເປັນ­ຄວາມ​ຮຽກ­ຮ້ອງ​ຕ້ອງ­ການ​ພາ­ວະ​ວິ­ໄສ ທັງ​ເປັນ​ພື້ນ­ຖານ ແລະ ໜ້າ­ທີ່​ອັນ​ຮີບ​ດ່ວນ​ຂອງ​ສະ­ມາ­ຊິກ​ພັກ​ແຕ່​ລະ​ສະ­ຫາຍ.

   2. ຄວາມ​ໝາຍ ແລະ ຄວາມ​ສຳ­ຄັນ​ຂອງ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ.

  1. ຄວາມ​ໝາຍ​ຂອງ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ.

- ຄຸນ­ສົມ­ບັດ​ສິນ​ທຳ​ປະ­ຕິ­ວັດ​ຂອງ​ພະ­ນັກ­ງານ-ສະ­ມາ­ຊິກ​ພັກ ແມ່ນ​ອົງ​ປະ­ກອບ​ໜຶ່ງ​ທີ່​ສຳ­ຄັນ​ຂອງ​ຄຸນ​ທາດ​ການ­ເມືອງ ມັນ​ແມ່ນ​ອາ­ລົມ​ຈິດ ແມ່ນ​ແບບ​ແຜນ­ການ­ເຄື່ອນ­ໄຫວ​ເຮັດ​ວຽກ ດຳ­ລົງ​ຊີ­ວິດ​ໃນ​ສັງ­ຄົມ ແລະ ໃນ​ຄອບ­ຄົວ​ຂອງ​ພະ­ນັກ­ງານ-ສະ­ມາ­ຊິກ​ພັກ​ຂອງ​ແຕ່​ລະ​ສະ­ຫາຍ.

- ຄຸນ­ສົມ­ບັດ​ສິນ​ທຳ​ປະ­ຕິ­ວັດ ແມ່ນ​ສິ່ງ​ຕັດ­ສິນ​ຄວາມ​ກ້າວ­ໜ້າ​ຂອງ​ສະ­ມາ­ຊິກ​ພັກ-ພະ­ນັກ­ງານ​ແຕ່​ລະ​ສະ­ຫາຍ.

2. ຄວາມ​ສຳ­ຄັນ​ຂອງ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ.

- ການ​ເຝິກ­ຝົນ​ຫຼໍ່​ຫຼອມ​ຕົນ​ເອງ​ໃຫ້​ມີ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ ມີ​ຄວາມ​ສຳ­ຄັນ​ທີ່​ສຸດ​ຕໍ່​ພະ­ນັກ­ງານ-ສະ­ມາ­ຊິກ​ພັກ ພັກ​ເຮົາ​ຖື​ວ່າ​ຄຸນ­ສົມ­ບັດ​ເປັນ​ຫຼັກ ແລະ ຄວາມ​ສາ­ມາດ​ເປັນ​ສິ່ງ​ສຳ­ຄັນ​ທີ່​ຂາດ​ບໍ່​ໄດ້ ພະ­ນັກ­ງານ​ນຳ­ພາ​ຜູ້​ໜຶ່ງ ຖ້າ​ມີ​ແຕ່​ຄຸນ​ສົມ ບັດ​ສິນ​ທຳ​ປະ­ຕິ­ວັດ ແຕ່​ຂາດ​ຄວາມ​ຮູ້ ຄວາມ​ສາ­ມາດ​ແມ່ນ​ເຮັດ​ວຽກ​ຫຍັງ​ກໍ​ຍາກ ກົງ­ກັນ­ຂ້າມ ຖ້າ​ມີ​ແຕ່​ຄວາມ​ຮູ້ ຄວາມ​ສາ­ມາດ​ເກ່ງ ແຕ່​ຂາດ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ ແມ່ນ​ບໍ່​ສາ­ມາດ​ນຳ­ພາ​ການ​ປະ­ຕິ­ວັດ​ໄດ້ ຫຼື ໃຊ້​ບໍ່​ໄດ້.

- ຄຸນ­ສົມ­ບັດ​ສິນ​ທຳ​ປະ­ຕິ­ວັດ​ເນື້ອ​ແທ້ ແມ່ນ​ຄຸນ​ນະ​ພາບ​ຂອງ​ສະ­ມາ­ຊິກ​ພັກ ຖ້າ​ຫາກ​ສະ­ມາ­ຊິກ​ພັກ​ມີ​ຄຸນ​ນະ​ພາບ​ດີ​ເປັນ​ສ່ວນ​ຫຼາຍ ພັກ​ກໍ​ມີ​ຄວາມ​ເຂັ້ມ­ແຂງ​ສາ­ມາດ​ນຳ­ພາ​ມະ­ຫາ­ຊົນ​ໄດ້ ກົງ­ກັນ­ຂ້າມ​ຖ້າ​ມີ​ສະ­ມາ­ຊິກ​ພັກ​ສ່ວນ​ຫຼາຍ​ຄຸນ​ນະ​ພາບ​ບໍ່​ດີ ພັກ​ກໍ​ບໍ່​ເຂັ້ມ­ແຂງ ແລະ ບໍ່​ສາ­ມາດ​ນຳ­ພາ​ມະ­ຫາ­ຊົນ​ໄດ້.

   ທັງ​ໝົດ​ນັ້ນ​ຄື​ບາງ​ຈຸດ​ສຳ­ຄັນ​ໃນ​ບົດ​ທີ​ສາມ​ທີ່​ຢາກ​ໃຫ້​ກຳ​ແໜ້ນ ແລະ ເຊື່ອມ​ຊຶມ​ເນີ !.

​​ແນວລາວ

ຂ່າວທີ່ກ່ຽວຂ້ອງ