ຂ່າວຫຼ້າສຸດ

ລາວ ຈະເປັນເຈົ້າພາບບານເຕະຊາຍ U-16 ຊີງແຊັມອາຊີ

287 26 ສ.ຫ. 2019 ວົງຈອນກີລາ
ລາວ ຈະເປັນເຈົ້າພາບບານເຕະຊາຍ U-16 ຊີງແຊັມອາຊີ

    ລາວ ຈະ​ເປັນ​ເຈົ້າ­ພາບ​ຈັດ­ການ​ແຂ່ງ­ຂັນ​ບານ­ເຕະ​ຊາຍ ຮຸ່ນ​ອາ­ຍຸ​ບໍ່​ເກີນ 16 ປີ (U-16) ຊີງ​ແຊັມ​ອາ­ຊີ ປີ 2020 ຮອບ​ຄັດ​ເລືອກ ກຸ່ມ J ວັນ​ທີ 18-22 ກັນ­ຍາ 2019 ຢູ່​ສະ­ໜາມ​ກີ­ລາ​ແຫ່ງ​ຊາດ ໂດຍ​ມີ 4 ທີມ​ເຂົ້າ​ຮ່ວມ​ຄັດ​ເລືອກ​ໃນ​ກຸ່ມ​ນີ້ ຄື: ຢີ່​ປຸ່ນ ແຊັມ​ເກົ່າ ມາ​ເລ​ເຊຍ ແຊັມ​ອາ​ຊຽນ 2019 ກຳ​ປູ ເຈຍ ລາວ ເຊິ່ງ​ເປັນ​ອີກ​ຄັ້ງ​ໜຶ່ງ​ທີ່​ລາວ​ໄດ້​ຮັບ​ກຽດ​ເປັນ​ເຈົ້າ­ພາບ​ຕໍ່​ຈາກ​ປີ 2012 2014 ແລະ 2016.

    ວັນ​ທີ 20 ສິງ­ຫາ 2019 U-16 ທີມ​ຊາດ​ລາວ ໄດ້​ອຸ່ນ​ເຄື່ອງ​ກັບ​ທີມ ອາ​ຊິ​ຢະ ເອັຟ​ເອ ຈາກ​ປະເທດ​ຍີ່​ປຸນ ຢູ່​ສະ­ໜາມ​ກີ­ລາ​ແຫ່ງ​ຊາດ ເຊິ່ງ​ລາວ​ເອົາ​ຊະ­ນະ 3-0 ປະ­ຕູ.

    ສຳ­ລັບ​ຕາ­ຕະ­ລາງ​ການ​ແຂ່ງ­ຂັນ U-16 ທີມ​ຊາດ​ລາວ ນັດ​ທີ 1 ວັນ​ທີ 18 ກັນ­ຍາ 2019 ເວ­ລາ 15:00 ໂມງ ລາວ ພົບ ຢີ່​ປຸ່ນ ນັດ​ທີ 2 ວັນ​ທີ 20 ກັນ­ຍາ 2019 ເວ­ລາ 18:30  ໂມງ ລາວ ພົບ ມາ​ເລ​ເຊຍ ນັດ​ທີ 3 ວັນ​ທີ 22 ກັນ­ຍາ 2019 ເວ­ລາ 18:30 ໂມງ ລາວ ພົບ ກຳ­ປູ­ເຈຍ.

    ການ​ແຂ່ງ­ຂັນ​ບານ­ເຕະ​ຊາຍ U-16 ຊີງ​ແຊັມ​ອາ­ຊີ ປີ 2020 ຮອບ​ຄັດ​ເລືອກ ມີ 47 ທີມ​ເຂົ້າ​ຮ່ວມ ແບ່ງ​ເປັນ 11 ກຸ່ມ​ໃນ 2 ຂົງ­ເຂດ ຄື: ຂົງ­ເຂດ​ອາ­ຊີ​ຕາ­ເວັນ­ຕົກ 25 ທີມ ແບ່ງ​ເປັນ 6 ກຸ່ມ ກຸ່ມ A-F ແລະ ຂົງ­ເຂດ​ອາ­ຊີ​ຕາ­ເວັນ​ອອກ 22 ທີມ ແບ່ງ​ເປັນ 5 ກຸ່ມ ກຸ່ມ G-K ຮູບ​ແບບ​ການ​ແຂ່ງ­ຂັນ​ແມ່ນ​ພົບ​ກັນ​ໝົດ​ໃນ​ກຸ່ມ ແລ້ວ​ຄັດ​ເອົາ​ທີ 1 ຂອງ 11 ກຸ່ມ ບວກ​ກັບ​ທີ 2 ດີ​ສຸດ 4 ທີມ ຫຼື ອາດ​ເປັນ 5 ທີມ ຖ້າ ສິງ­ກະ­ໂປ ເຈົ້າ­ພາບ​ຮອບ​ສຸດ​ທ້າຍ ທີ່​ຂໍ​ໄປ​ແຂ່ງ​ທົດ​ສອບ​ທີມ​ໃນ​ຮອບ​ຄັດ​ເລືອກ​ບໍ່​ຕິດ​ທີ 2 ຂອງ​ກຸ່ມ I ໂດຍ​ຮອບ​ສຸດ​ທ້າຍ​ຈະ​ມີ 16 ທີມ.

ຂ່າວທີ່ກ່ຽວຂ້ອງ