ຂ່າວຫຼ້າສຸດ

ຜູ້ນຳ​ອິນ​ໂດ​ເນ​ເຊຍ ​ເປີດ​ເຜີຍ​ສະຖານ​ທີ່​ຕັ້ງ​ນະຄອນຫຼວງ​ໃໝ່

189 28 ສ.ຫ. 2019 ຂ່າວຕ່າງປະເທດ
ຜູ້ນຳ​ອິນ​ໂດ​ເນ​ເຊຍ ​ເປີດ​ເຜີຍ​ສະຖານ​ທີ່​ຕັ້ງ​ນະຄອນຫຼວງ​ໃໝ່

   ປະທານາທິບໍດີ ໂຈ​ໂກ ວີ​ໂດ​ໂດ ຜູ້ນຳ​ອິນ​ໂດ​ເນ​ເຊຍ ແຈ້ງ​ໃຫ້​ຮູ້ເມື່ອ​ວັນ​ທີ 26 ສິງຫາ​ນີ້ ວ່າ​ນະຄອນຫຼວງ​ໃໝ່​ຂອງ​ອິນ​ໂດ​ເນ​ເຊຍ ຈະ​ຍ້າຍ​ໄປ​ຈາກ​ຈາ​ກາ​ຕາ ຊຶ່ງ​ປັດຈຸບັນ​ຕັ້ງ​ຢູ່​ເທິງ​ເກາະ ຈາ​ວາ ນັ້ນ​ໄປ​ຍັງ​ແຂວງ ກາລີ​ມັນ​ຕັນ​ຕາເວັນ​ອອກ ທີ່​ຕັ້ງ​ຢູ່​ເທິງ​ເກາະ ບໍ​ນຽວ.

    ປະທານາທິບໍດີ ວີ​ໂດ​ໂດ ໃຫ້​ຮູ້​ວ່າ ຜົນ​ການ​ຄົ້ນຄວ້າ​ທາງ​ດ້ານ​ວິທະຍາສາດ ເຫັນ​ວ່າ “ສະຖານທີ່​ທີ່​ມີ​ອຸດົມ​ການ​ທີ່​ສຸດ” ເພື່ອ​ຕັ້ງ​ນະຄອນຫຼວງ​ໃໝ່​ຂອງ​ອິນ​ໂດ​ເນ​ເຊຍ ກໍ​ແມ່ນ​ເຂດ​ໜຶ່ງ​ທີ່​ຂຶ້ນ​ກັບ ເປ​ນາ​ຈາມ ປາ​ເຊີ ເໜືອ ແລະ ເຂດ ກູ​ໄຕ ກາ​ຕັນ​ກາ​ຣາ ຂອງ​ແຂວງ ກາລີ​ມັນ​ຕັນ​ຕາເວັນ​ອອກ. ຕາມ​ນັ້ນແລ້ວ ນະຄອນຫຼວງ​ໃໝ່​ຂອງ​ອິນ​ໂດ​ເນ​ເຊຍ ຈະ​ນອນ​ຢູ່​ໃກ້​ກັບ​ນະຄອນ ບາ​ລິກ​ປາ​ປັນ.

    ປະທານາທິບໍດີ ວີ​ໂດ​ໂດ ເວົ້າ​ວ່າ ແຜນການ​ຍ້າຍ​ນະຄອນຫຼວງ​ອອກ​ໄປ​ຈາກ​ຈາ​ກາ​ຕາ ຈະ​ສິ້ນ​ເປືອງ​ຄ່າ​ໃຊ້​ຈ່າຍ 466.000 ຕື້​ຣູ​ເປຍ (ເທົ່າ​ກັບ​ປະມານ 32,79 ຕື້​ໂດ​ລາ​ສະຫະລັດ) ໃນ​ນັ້ນ ລັດຖະບານ​ຈະ​ສະໜອງ​ໃຫ້ 19% ຂອງ​ຈຳນວນ​ຄ່າ​ໃຊ້​ຈ່າຍ ໃນ​ຂະນະ​ທີ່​ສ່ວນ​ທີ່​ຍັງ​ເຫຼືອ​ແມ່ນ​ບັນດາ​ຄູ່​ຮ່ວມ​ໃນ​ຂົງເຂດ​ພາກ​ລັດ ແລະ ເອກະ​ຊົນ ເປັນ​ຜູ້​ລົງທຶນ.

ຂ່າວທີ່ກ່ຽວຂ້ອງ