ຂ່າວຫຼ້າສຸດ

ເຂດ​ມາ​ກາວ ​ເລືອກ​ຕັ້ງ​​ຜູ້​ວ່າການ​​ ຊຸດ​ທີ 5

190 28 ສ.ຫ. 2019 ຂ່າວຕ່າງປະເທດ
ເຂດ​ມາ​ກາວ ​ເລືອກ​ຕັ້ງ​​ຜູ້​ວ່າການ​​ ຊຸດ​ທີ 5

   ການ​ເລືອກ​ຕັ້ງ​ຜູ້​ວ່າການ​ເຂດ​ບໍລິຫານ​ພິເສດ​ມາ​ກາວ ຂອງ​ຈີນ ຊຸດ​ທີ 5 ໄດ້​ຈັດ​ຂຶ້ນ​ໃນ​ວັນ​ທີ 25 ສິງຫາ​ທີ່​ຜ່ານ​ມາ ຢູ່​ສູນ​ປະຊຸມ​ສາກົນ​ໃນ​ສະໜາມກິລາ​ຫຼັກ​ຂອງ​ງານ​ກິລາ​ອາຊີ​ຕາເວັນ​ອອກ ຢູ່​ມາ​ກາວ ໂດຍ​ທ່ານ​ໂຮ​ຢັດ​ເຊງ ໄດ້​ຮັບ​ເລືອກ​ຕັ້ງ​ເປັນ​ຜູ້​ວ່າການ​ເຂດ​ບໍລິຫານ​ພິເສດ​ມາ​ກາວ ດ້ວຍ​ຄະແນນ​ສຽງ​ຢ່າງ​ຖ້ວມ​ລົ້ນ​ເຖິງ 392 ຄະແນນ.

    “ກົດໝາຍ​ວ່າ​ດ້ວຍ​ການ​ເລືອກ​ຕັ້ງ​ຜູ້​ວ່າການ​ເຂດ​ບໍລິຫານ​ພິເສດ” ຂອງ​ມາ​ກາວ ໄດ້​ລະບຸ​ໄວ້​ວ່າ ຕ້ອງ​ມີ​ກຳມະການ​ໃນ​ຄະນະ​ກຳມະການ​ການ​ເລືອກ​ຕັ້ງ​ຢ່າງ​ໜ້ອຍ 2/3 ເຂົ້າ​ຮ່ວມ​ການ​ລົງ​ຄະແນນ​ສຽງ​ກັບ​ທີ່ ຈຶ່ງ​ຖື​ວ່າ​ເປັນ​ການ​ເລືອກ​ຕັ້ງ​ມີ​ຜົນ​ສັກສິດ; ຜູ້​ລົງ​ສະໝັກ​ຮັບ​ເລືອກ​ຕັ້ງ​ຕ້ອງ​ໄດ້​ຄະແນນ​ສຽງ​ຫຼາຍ​ກວ່າ​ເຄິ່ງ​ໜຶ່ງ​ຂອງ​ຈຳນວນ​ກຳມະການ​ໃນ​ຄະນະ​ກຳມະການ​ການ​ເລືອກ​ຕັ້ງ ກໍ​ຄື​ຫຼາຍ​ກວ່າ 200 ຄະແນນ​ສຽງ ຈຶ່ງ​ຖື​ວ່າ​ໄດ້​ຮັບ​ໄຊຊະນະ​ໃນ​ການ​ເລືອກ​ຕັ້ງ. ໃນ​ການ​ເລືອກ​ຕັ້ງ​ຄັ້ງ​ນີ້ ກຳມະການ​ໃນ​ຄະນະ​ກຳມະການ​ການ​ເລືອກ​ຕັ້ງ​ທັງ​ໝົດ 400 ທ່ານ​ລ້ວນ​ແຕ່​ໄດ້​ໄປ​ລົງ​ຄະແນນ​ສຽງ​ກັບ​ທີ່.

    ການ​ລົງ​ຄະແນນ​ສຽງ ໃຊ້​ເວລາ​ປະມານ​ເຄິ່ງ​ຊົ່ວໂມງ. ເມື່ອ​ນັບ​ຄະແນນ​ສຽງ ແລະ ກວດ​ສອບ​ແລ້ວ ຄະນະ​ກຳມະການ​ຄຸ້ມ​ຄອງ​ການ​ເລືອກ​ຕັ້ງ​ຜູ້​ວ່າການ​ເຂດ​ບໍລິຫານ​ພິເສດ​ມາ​ກາວ ໄດ້​ປະກາດ​ວ່າ ທ່ານ​ໂຮ​ຢັດ​ເຊງ ໄດ້​ຮັບ​ຄະແນນ​ສຽງ 392 ຄະແນນ ຫຼື 98% ຂອງ​ຄະແນນ​ສຽງ​ທັງ​ໝົດ ແລະ  ໄດ້​ຮັບ​ເລືອກ​ຕັ້ງ​ເປັນ​ຜູ້​ວ່າການ​ເຂດ​ບໍລິຫານ​ພິເສດ​ມາ​ກາວ ຊຸດ​ທີ 5.

 

ຂ່າວທີ່ກ່ຽວຂ້ອງ