ຂ່າວຫຼ້າສຸດ

ກຳ​ປູ​ເຈຍ ​ວາງ​ນະ​ໂຍ​ບາຍ​ປົກ​ປ້ອງ​ປ່າ​ໄມ້

327 28 ສ.ຫ. 2019 ຂ່າວຕ່າງປະເທດ
ກຳ​ປູ​ເຈຍ ​ວາງ​ນະ​ໂຍ​ບາຍ​ປົກ​ປ້ອງ​ປ່າ​ໄມ້

   ລັດຖະບານ​ກຳປູເຈຍ ອອກ​ຖະແຫຼງການ​ເມື່ອ​ມໍ່ໆມານີ້​ວ່າ ລັດຖະບານ​ຈະ​ໃຊ້​ມາດ​ຕະການ​ຕາມ​ກົດໝາຍ​ຕໍ່​ຜູ້​ກະທຳ​ຜິດ​ກົດໝາຍ​ກ່ຽວ​ກັບ​ປ່າໄມ້.

    ຖະແຫຼງການ ລະບຸ​ວ່າ ໄດ້​ຍົກເລີກ​ໃບ​ອະນຸຍາດ​ທັງ​ໝົດ​ກ່ຽວ​ກັບ​ການ​ຂົນສົ່ງ​ຜະລິດ​ຕະ​ພັນ​ປ່າໄມ້​ຈາກ “ເນື້ອທີ່​ດິນ​ສຳ​ປະທານ LP” ກໍ​ຄື​ໃບ​ອະນຸຍາດ​ປ່າໄມ້ “PC” ທີ່​ອອກ​ໃຫ້​ໃນ​ເມື່ອ​ກ່ອນ ແລະ ຈະ​ອອກ​ໃບ​ອະນຸຍາດ​ໃໝ່; ອະນຸຍາດ​ໃຫ້​ພາກສ່ວນ​ທີ່​ກ່ຽວຂ້ອງ​ກວດກາ​ບໍລິສັດ​ທີ່​ບໍ່​ເຄົາລົບ ແລະ ບໍ່​ປະຕິບັດ​ຕາມ​ກົດໝາຍ​ຂໍ້​ຜູກ​ພັນ​ຫຼື​ສັນຍາ ໂດຍ​ຈະ​ໃຫ້​ສິດ​ຕັດ​ສິດ​ການ​ພັດທະນາ​ຂອງ​ບໍລິສັດ​ກ່ຽວຂ້ອງ​ໄດ້; ອະນຸຍາດ​ໃຫ້​ເກັບ​ກຳ​ຂໍ້​ມູນ​ກ່ຽວ​ກັບ​ການ​ກະທຳ​ຜິດ​ກົດໝາຍ​ປ່າໄມ້ ຢູ່​ສະຖານທີ່​ທີ່​ກຳນົດ​ໄວ້ ເພື່ອ​ເກັບ​ຫຼັກ​ຖານ​ໃຫ້​ສານ.

    ນອກຈາກ​ຕັດສິນ​ລົງໂທດ ແລະ ປັບ​ໃໝ​ແລ້ວ ລັດຖະບານ​ກຳປູເຈຍ ຕົກລົງ​ອາ​ຍັດ​ຊັບ​ສິນ​ຂອງ​ຜູ້​ທີ່​ຖືກ​ສົງ​ໃສ​ກະທຳ​ຜິດ​ກົດໝາຍ​ປ່າໄມ້ ແລະ ອື່ນໆ.

 

ຂ່າວທີ່ກ່ຽວຂ້ອງ