ຣັດ​ເຊຍ ຈະ​ອອກ​ວີ​ຊາ​ເອ​ເລັກ​ໂຕຣ​ນິກ​ໃຫ້​ແກ່​ພົນ​ລະ​ເມືອງ​ບາງ​ປະ​ເທດ​ໃນ EU

336 28 ສ.ຫ. 2019 ຂ່າວຕ່າງປະເທດ
ຣັດ​ເຊຍ ຈະ​ອອກ​ວີ​ຊາ​ເອ​ເລັກ​ໂຕຣ​ນິກ​ໃຫ້​ແກ່​ພົນ​ລະ​ເມືອງ​ບາງ​ປະ​ເທດ​ໃນ EU

    ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ກ່າວ​ໃນ​ເວລາ​ພົບ​ປະ​ກັບ​ປະທານາທິບໍດີ ແຟງ​ລັງ ຊາ​ອູ​ລີ ນີ​ອີ​ນິ​​ສ​ໂຕ ຢູ່​ທີ່​ນະຄອນຫຼວງ​ແຮນ​ຊິງ​ກີ ເມື່ອ​ບໍ່​ດົນ​ມາ​ນີ້​ວ່າ ນັບ​ແຕ່​ວັນ​ທີ 1 ຕຸລາ​ປີ​ນີ້​ເປັນຕົ້ນ​ໄປ ຣັດ​ເຊຍ​ຈະ​ຜັນ​ຂະຫຍາຍ​ການ​ອອກ​ວີ​ຊາ​ເອ​ເລັກ​ໂຕຣ​ນິກ ໃຫ້​ແກ່​ພົນລະເມືອງ​ຂອງ​ບາງ​ປະເທດ​ທີ່​ເປັນ​ສະມາຊິກ​ສະຫະພາບ​ເອີ​ຣົບ (EU).

    ໃນ​ຂະນະ​ດຽວ​ກັນ ປະທານາທິບໍດີ ນີ​ອີ​ນິ​​ສ​ໂຕ ກໍ​ເວົ້າ​ເຖິງ​ຄວາມ​ເປັນ​ໄປ​ໄດ້​ໃນ​ການ​ປຶກສາ​ຫາລື​ກັບ​ຣັດ​ເຊຍ ກ່ຽວ​ກັບ​ການ​ອອກ​ວີ​ຊາ​ເອ​ເລັກ​ໂຕຣ​ນິກ ໃຫ້​ແກ່​ພົນລະເມືອງ​ແຟງ​ລັງ ເພື່ອ​ໄປ​ຢ້ຽມຢາມ​ບາງ​ເຂດ​ຂອງ​ຣັດ​ເຊຍ.

   ກ່ອນ​ໜ້າ​ນີ້ ເມື່ອ​ວັນ​ທີ 19 ກໍລະກົດ​ທີ່​ຜ່ານ​ມາ ປະທານາທິບໍດີ​ປູ​ຕິນ ໄດ້​ລົງ​ນາມ​ລັດ​ຖະ​ດຳລັດ​ສະບັບ​ໜຶ່ງ ກ່ຽວ​ກັບ​ການ​ເປີດ​ກວ້າງ​ນະໂຍບາຍ​ວີ​ຊາ​ເອ​ເລັກ​ໂຕຣ​ນິກ ໄປ​ຍັງ​ສອງ​ທ້ອງຖິ່ນ​ໃນ​ຣັດ​ເຊຍ ໃນ​ນັ້ນ​ມີ ນະຄອນ ແຊງ ເປ​ແຕກ​ບວກ ໂດຍ​ມີ​ຜົນ​ບັງຄັບ​ໃຊ້ ນັບ​ແຕ່​ວັນ​ທີ 1 ຕຸລາ ປີ 2019 ເປັນຕົ້ນ​ໄປ.

ຂ່າວທີ່ກ່ຽວຂ້ອງ