ກະ­ຊວງ​ປ້ອງ​ກັນ​ປະ​ເທດ ສ ອາ​ເມ​ຣິ​ກາ ຍົກ​ເລີກ​ສັນ­ຍາ​ມູນ​ຄ່າ​ກວ່າ 1 ຕື້ ​ໂດ​ລາ ກັບ Boeing

353 28 ສ.ຫ. 2019 ຂ່າວຕ່າງປະເທດ
ກະ­ຊວງ​ປ້ອງ​ກັນ​ປະ​ເທດ ສ ອາ​ເມ​ຣິ​ກາ ຍົກ​ເລີກ​ສັນ­ຍາ​ມູນ​ຄ່າ​ກວ່າ 1 ຕື້ ​ໂດ​ລາ ກັບ Boeing

    ກະ­ຊວງ​ປ້ອງ​ກັນ​ປະ­ເທດ ສ ອາ​ເມ​ຣິ​ກາ ແຈ້ງ​ໃຫ້​ຮູ້­ເມື່ອ​ວັນ​ທີ 21 ສິງ­ຫາ​ທີ່​ຜ່ານ​ມາ ກ່ຽວ​ກັບ​ການ​ຍົກ­ເລີກ​ສັນ­ຍາ​ສະ­ບັບ​ໜຶ່ງ ທີ່​ມີ​ມູນ​ຄ່າ​ກວ່າ 1 ຕື້ ໂດ​ລາ​ສະ­ຫະ­ລັດ ທີ່​ໄດ້​ເຊັນ​ກັບ​ກຸ່ມ​ບໍ­ລິ­ສັດ​ຜະ­ລິດ​ເຮືອ­ບິນ Boeing ເມື່ອ​ປີ 2017 ເພື່ອ​ການ​ພັດ­ທະ­ນາ​ລະ­ບົບ​ຕີ​ສະ­ກັດ​ລູກ​ສອນ​ໄຟ ທີ່​ມີ​ຊື່­ວ່າ RKV ເພື່ອ​ການ​ປ້ອງ​ກັນ ສ ອາ​ເມ​ຣິ​ກາ ຈາກ​ການ​ໂຈມ​ຕີ​ດ້ວຍ​ລູກ​ສອນ​ໄຟ​ນຳ​ວິ­ຖີ​ຂະ­ໜາດ​ໄກ.

    ການ​ຕົກ­ລົງ​ຍົກ­ເລີກ​ສັນ­ຍາ​ກັບ Boeing ນັ້ນ​ຖືກ​ນຳ​ອອກ​ມາ​ຫຼັງ​ຈາກ​ທີ່​ອົງ­ການ​ປ້ອງ​ກັນ​ລູກ​ສອນ​ໄຟ ຂອງ​ກະ­ຊວງ​ປ້ອງ​ກັນ​ປະ­ເທດ ສ ອາ​ເມ​ຣິ​ກາ ໃຫ້­ການ​ສະ­ຫລຸບ​ອອກ​ມາ​ເມື່ອ​ເດືອນ​ທັນ­ວາ ປີ 2018 ວ່າ​ບາງ​ພາກ­ສ່ວນ​ທີ່​ສຳ­ຄັນ​ຂອງ​ລະ­ບົບ ບໍ່​ຕອບ​ສະ­ໜອງ​ຕາມ​ຄວາມ​ຕ້ອງ­ການ​ທາງ​ດ້ານ​ເຕັກ­ນິກ ຈຶ່ງ​ເຮັດ​ໃຫ້​ກະ­ຊວງ​ປ້ອງ​ກັນ​ປະ­ເທດ ສ ອາ​ເມ​ຣິ​ກາ ຕ້ອງ​ຢຸດ­ຕິ​ສັນ­ຍາ ແລະ ພິ­ຈາ­ລະ­ນາ​ທາງ​ເລືອກ​ເຂົ້າ​ມາ​ແທນ.

   ທ່ານ ໄມ​ເຄິນ ກຣິ​ຟິນ ຜູ້​ຊ່ວຍ​ວຽກ​ລັດ­ຖະ­ມົນ­ຕີ​ປ້ອງ​ກັນ​ປະ­ເທດ ສ ອາ​ເມ​ຣິ​ກາ ຜູ້​ຮັບ­ຜິດ­ຊອບ​ການ​ຄົ້ນ­ຄວ້າ ແລະ ເຕັກ­ນິກ ເວົ້າ​ວ່າ ການ​ຢຸດ­ຕິ​ການ​ພັດ­ທະ­ນາ​ໂຄງ­ການ​ດັ່ງ­ກ່າວ ເປັນ​ການ​ຕົກ­ລົງ​ທີ່​ມີ​ຄວາມ​ຮັບ­ຜິດ­ຊອບ ເນື່ອງ​ຈາ​ກວ່າ​ຫຼັງ​ຈາກ​ທີ່​ໄດ້​ໄຕ່­ຕອງ​ຢ່າງ​ຄັກ­ແນ່​ແລ້ວ ກະ­ຊວງ​ປ້ອງ​ກັນ​ປະ­ເທດ ສ ອາ​ເມ​ຣິ​ກາ ເຫັນ​ວ່າ ຖ້າ​ຫາກ​ສືບ­ຕໍ່​ພັດ­ທະ­ນາ​ລະ­ບົບ​ດັ່ງ­ກ່າວ ກໍ​ບໍ່​ມີ​ໝາກ­ຜົນ.

 

ຂ່າວທີ່ກ່ຽວຂ້ອງ