ກອນເພັດສະເໝີດາລາເອກ ມວຍນະຄອນຫຼວງກໍກຽດແດນຈຳປາໄຟ໊ 2019

221 29 ສ.ຫ. 2019 ວົງຈອນກີລາ
ກອນເພັດສະເໝີດາລາເອກ ມວຍນະຄອນຫຼວງກໍກຽດແດນຈຳປາໄຟ໊ 2019

    ກອນ​ເພັດ​ຈາກ​ຄ້າຍ​ມວຍ​ດັງ ສໍ​ສິງ​ຄຳ ນະ­ຄອນ­ຫຼວງ​ວຽງ​ຈັນ ແລະ ດາ­ລາ​ເອກ ກຽດ​ສົມ​ນຶກ ຂຶ້ນ​ຊົກ​ເປີດ​ອາ­ວຸດ​ຢ່າງ​ຄົບ​ເຄື່ອງ​ໃສ່​ກັນ​ຢ່າງ​ດຸ­ເດືອດ​ຈົນ​ຄົບ 5 ຍົກ ກ່ອນ​ກຳ­ມະ­ການ​ກາງ​ເວ­ທີ ຈະ​ຍົກ​ໃຫ້​ທັງ​ສອງ​ສະ­ເໝີ​ຄະ­ແນນ​ກັນ ມວຍ​ຄູ່​ເອກ​ຮຸ່ນ​ນ້ຳ­ໜັກ 52 ກິ​ໂລ ລາຍ­ການ​ມວຍ​ມິດ­ຕະ­ພາບ​ລາວ-ໄທ ຄັ້ງ​ທີ lll ນະ­ຄອນ­ຫຼວງ​ກໍ​ກຽດ​ແດນ​ຈຳ­ປາ​ໄຟ໊ ປະ­ຈຳ​ປີ 2019 ໃນ​ວັນ​ທີ 24 ສິງ­ຫາ 2019 ຢູ່​ສູນ​ກີ­ລາ​ໃນ​ຮົ່ມ​ບຶງ​ຂະ​ຫຍອງ ເພື່ອ​ສົ່ງ­ເສີມ​ນັກ­ກີ­ລາ​ມວຍ​ຮຸ່ນ​ສືບ​ທອດ​ກ້າວ​ສູ່​ທີມ​ຊາດ ກໍ​ຄື​ກຽມ​ຕາງ­ໜ້າ​ໃຫ້​ທີມ​ນັກ­ຊົກ­ມວຍ​ລາວ ນະ­ຄອນ­ຫຼວງ​ວຽງ​ຈັນ ກຽມ​ລ່າ​ຫຼຽນ​ຄຳ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ Xl ທີ່​ແຂວງ​ຊຽງ​ຂວາງ ເປັນ​ເຈົ້າ­ພາບ​ໃນ​ຕົ້ນ​ປີ 2020.

    ສ່ວນ​ການ​ແຂ່ງ­ຂັນ​ມວຍ​ຄູ່​ອື່ນໆ ຂຸນ​ເພັດ ເພັດ​ນະ­ຄອນ ຖືກ ຕະ­ບອງ​ເພັດ ຂວັນ​ໃຈ​ສີ​ໂຄດ ນັອກ​ຍົກ​ທີ 3 ຮຸ່ນ​ນ້ຳ­ໜັກ 55 ກິ​ໂລ ຊີງ​ຊະ­ນະ​ຊົນ ສິດ​ໂຕ້​ພາ​ລຸ້ງ ຊະ­ນະ​ນັອກ ເສດ​ສັນ ອິນ​ຊີ​ມິ​ຕີ ຍົກ​ທີ 3 ເຊັ່ນ​ກັນ ຮຸ່ນ​ນ້ຳ­ໜັກ 51 ກິ​ໂລ ຈິງ​ຫຼີດ​ທອງ ສໍ​ຈະ­ເລີນ​ສິງ ຖືກ ຂວັນ​ເພັດ ສໍ​ສິງ​ຄຳ ນັອກ​ຕັ້ງ­ແຕ່​ຍົກ​ທຳ​ອິດ ຮຸ່ນ​ນ້ຳ­ໜັກ 48 ກິ​ໂລ ແລະ ປະ­ຊາ­ຊົນ​ນ້ອຍ ສິດ​ໂຕ້​ພາ​ລຸ້ງ ຊະ­ນະ​ຄະ­ແນນ ລົດ­ດຸດ ສິດ​ເຈ້​ຫຼ້າ ຮຸ່ນ​ນ້ຳ­ໜັກ 37 ກິ​ໂລ.

ຂ່າວທີ່ກ່ຽວຂ້ອງ