ມວຍຄູ່ເອກເສົານີ້ເທບຫຼວງ ປກສ ພົບ ພະລັງທິບຈາກໄທ

251 30 ສ.ຫ. 2019 ວົງຈອນກີລາ
ມວຍຄູ່ເອກເສົານີ້ເທບຫຼວງ ປກສ ພົບ ພະລັງທິບຈາກໄທ

    ການ​ແຂ່ງ­ຂັນ​ມວຍ​ລາຍ­ການ​ນະ­ຄອນ­ຫຼວງ​ກໍ​ກຽດ​ແດນ​ຈຳ­ປາ​ປີ 2019 ເພື່ອ​ເລືອກ­ເຟັ້ນ​ນັກ​ຊົກ ຜູ້​ທີ່​ມີ​ພອນ​ສະ­ຫວັນ​ດີ­ເດັ່ນ​ກ້າວ​ສູ່​ທີມ​ນະ­ຄອນ­ຫຼວງ​ວຽງ​ຈັນ​ກຽມ​ເຂົ້າ​ຮ່ວມ​ລ່າ​ຫຼຽນ​ຄຳ​ຊຽງ​ຂວາງ​ເກມ 2020 ມວຍ​ຄູ່​ເອກ​ປະ­ຈຳ​ວັນ​ເສົາ​ທີ 31 ສິງ­ຫາ 2019 ຢູ່​ສູນ​ກີ­ລາ​ໃນ​ຮົ່ມ​ບຶງ​ຂະ​ຫຍອງ ມວຍ​ຄູ່​ເອກ ເທບ​ຫຼວງ​ຈາກ ປກສ ຈະ​ຂຶ້ນ​ສັງ­ວຽນ ພົບ ພະ­ລັງ​ທິບ ສ​ທະ­ວີ​ຊັບ ນັກ​ສົກ​ຈາກ​ປະ­ເທດ​ໄທ ຮຸ່ນ​ນ້ຳ  ໜັກ 57 ກິ​ໂລ.

    ສຳ­ລັບ​ຕາ­ຕະ­ລາງ​ການ​ແຂ່ງ­ຂັນ​ມວຍ​ປະ­ຈຳ​ອາ­ທິດ​ທີ 4 ຄັ້ງ​ນີ້ ມີ​ທັງ​ໝົດ 6 ຄູ່ ຄູ່​ທີ 1 ຮຸ່ນ​ນ້ຳ­ໜັກ 45 ກິ​ໂລ ເປັນ​ການ​ພົບ​ກັນ​ລະ­ຫວ່າງ ອາ­ຍາ​ເຫຼັກ ປກສ ພົບ ບິກ​ແບຣ້ງ ເພັດ​ນະ­ຄອນ ຄູ່​ທີ 2 ຮຸ່ນ​ນ້ຳ­ໜັກ 65 ກິ​ໂລ ສິງ​ໜຸ່ມ ສໍ​ຈະ­ເລີນ​ສິງ ພົບ ເໝືອ​ພະ​ຍັກ ຂວັນ​ໃຈ​ສີ​ໂຄດ ຄູ່​ທີ 3 ມວຍ​ຮອງ​ຄູ່​ເອກ ຮຸ່ນ​ນ້ຳ­ໜັກ 53 ກິ​ໂລ ນ້ອງ​ເບຍ ປກຊ ພົບ ເພັດ​ມໍ​ລະ​ກົດ ສ.ທະ­ວີ​ຊັບ ຄູ່​ທີ 4 ມວຍ​ຄູ່​ເອກ ເທບ​ຫຼວງ ປກສ ພົບ ພະ­ລັງ​ທິບ ສ.ທະ­ວີ​ຊັບ ຄູ່​ທີ 5 ຮຸ່ນ​ນ້ຳ­ໜັກ 65 ກິ​ໂລ ຂຸນ​ກ້າ ສະ­ໂມ­ສອນ​ຄຳ​ເສັງ ພົບ ເພັດ​ຊະ​ໜາມ​ໄຊ ແລະ ຄູ່​ສຸດ​ທ້າຍ ຄູ່​ທີ 6 ຮຸ່ນ​ນ້ຳ­ໜັກ 46 ກິ​ໂລ ຂຸນ​ເຈືອງ ສະ­ໂມ­ສອນ​ຄຳ​ເສັງ ພົບ ເສືອ​ນ້ອຍ ສິດ​ຈານ​ເລ້.

ຂ່າວທີ່ກ່ຽວຂ້ອງ