ການ​ແລກປ່ຽນ​ການ​ຄ້າ ລະຫວ່າງ​ຫວຽດນາມ ກັບ ອິດ​ສະ​ຣາ​ແອນ ເພີ່ມ​ຂຶ້ນ

358 02 ກ.ຍ. 2019 ຂ່າວຕ່າງປະເທດ
ການ​ແລກປ່ຽນ​ການ​ຄ້າ ລະຫວ່າງ​ຫວຽດນາມ ກັບ ອິດ​ສະ​ຣາ​ແອນ ເພີ່ມ​ຂຶ້ນ

    ຂໍ້​ມູນ​ຈາກ​ພາກສ່ວນ​ການ​ຄ້າ​ຂອງ​ສະຖານທູດ​ຫວຽດນາມ ປະຈຳ​ອິດ​ສະ​ຣາ​ແອນ ແຈ້ງ​ໃຫ້​ຮູ້ ເມື່ອ​ວັນ​ທີ 28 ສິງຫາ​ທີ່​ຜ່ານ​ມາ​ວ່າ ໃນ 7 ເດືອນ​ຕົ້ນ​ປີ 2019 ການ​ແລກປ່ຽນ​ການ​ຄ້າ​ສອງ​ສົ້ນ ລະຫວ່າງ ສອງ​ປະເທດ ຫວຽດນາມ ແລະ ອິດ​ສະ​ຣາ​ແອນ ບັນລຸ​ມູນ​ຄ່າ​ເກືອບ 566 ລ້ານ​ໂດ​ລາ​ສະຫະລັດ ໃນ​ນັ້ນ ຫວຽດນາມ​ສືບຕໍ່​ຮັກສາ​ການ​ສົ່ງ​ອອກ​ເກີນ​ດຸນ ທີ່​ປະມານ 344 ລ້ານ​ໂດ​ລາ​ສະຫະລັດ.

    ເຈົ້າ​ໜ້າທີ່​ດ້ານ​ການ​ຄ້າ ຈາກ​ສະຖານທູດ​ຫວຽດນາມ ປະຈຳ​ອິດ​ສະ​ຣາ​ແອນ ເວົ້າ​ວ່າ ໃນ​ສະພາບ​ການ​ທີ່​ຕະຫຼາດ​ໃນ​ອິດ​ສະ​ຣາ​ແອນ ມີ​ຄວາມ​ຫຍຸ້ງຍາກ​ຫຼາຍ​ນັ້ນ ຖ້າ​ຫາ​ກວ່າ​ບໍ່​ມີ ການ​ຜັນ​ຜວນ​ຮ້າຍ​ແຮງ​ເກີດ​ຂຶ້ນ ເຮັດ​ໃຫ້​ເປັນ​ຜົນ​ກະທົບ​ຕໍ່​ຕະຫຼາດ​ແລ້ວ ມູນ​ຄ່າ​ການ​ສົ່ງ​ອອກ​ສິນຄ້າ ຂອງ​ຫວຽດນາມ ໄປ​ຍັງ​ອິດ​ສະ​ຣາ​ແອນ ຕະຫຼອດ​ທັງ​ປີ​ນີ້ ອາດ​ຈະ​ບັນລຸ​ມູນ​ຄ່າ​ກວ່າ 800 ລ້ານ​ໂດ​ລາ​ສະຫະລັດ ເພີ່ມ​ຂຶ້ນ​ໜ້ອຍ​ໜຶ່ງ​ເມື່ອ​ທຽບໃສ່​ປີ 2018 ແລະ ຫວຽດນາມ ນຳ​ເຂົ້າ​ສິນຄ້າ​ຈາກ​ອິດ​ສະ​ຣາ​ແອນ ເປັນ​ມູນ​ຄ່າ​ປະມານ 200 ລ້ານ​ໂດ​ລາ​ສະຫະລັດ.

    ຂ່າວ​ແຈ້ງວ່າ ບັນດາ​ສິນຄ້າ​ທີ່​ອິດ​ສະ​ຣາ​ແອນ ມີ​ຄວາມ​ຕ້ອງການ​ນຳ​ເຂົ້າ ກໍ​ເປັນ​ລາຍການ ສິນຄ້າ​ສົ່ງ​ອອກ​ທີ່​ມີ​ທ່າແຮງ​ຂອງ​ຫວຽດນາມ.

ຂ່າວທີ່ກ່ຽວຂ້ອງ