ສ ອາ​ເມ​ຣິ​ກາ ຮັບຮອງ​ສັນຍາ​ກ່ຽວ​ກັບ​ການ​ຂາຍ​ລູກ​ສອນ​ໄຟ​ໃຫ້​ແກ່​ຍີ່ປຸ່ນ

361 02 ກ.ຍ. 2019 ຂ່າວຕ່າງປະເທດ
ສ ອາ​ເມ​ຣິ​ກາ ຮັບຮອງ​ສັນຍາ​ກ່ຽວ​ກັບ​ການ​ຂາຍ​ລູກ​ສອນ​ໄຟ​ໃຫ້​ແກ່​ຍີ່ປຸ່ນ

    ຂ່າວສານ AFP ລາຍ​ງານ​ວ່າ ເມື່ອ​ວັນ​ທີ 27 ສິງຫາ​ທີ່​ຜ່ານ​ມາ ສ ອາ​ເມ​ຣິ​ກາ ໄດ້​ເຫັນ​ພ້ອມ​ກັບ​ການ​ຂາຍ​ລູກ​ສອນ​ໄຟ​ໃຫ້​ແກ່​ຍີ່ປຸ່ນ ເປັນ​ມູນ​ຄ່າ 3,3 ຕື້​ໂດ​ລາ​ສະຫະລັດ.

    ທຳ​ນຽບ​ຫ້າ​ແຈ (ກະຊວງ​ປ້ອງ​ກັນ​ປະເທດ ສ ອາ​ເມ​ຣິ​ກາ) ໃຫ້​ຮູ້​ວ່າ ຍີ່ປຸ່ນ​ຈະ​ຊື້​ລູກ​ສອນ​ໄຟ SM-3 Block IIA ຈຳນວນ 73 ໜ່ວຍ ທີ່​ຜະລິດ​ໂດຍ​ບໍລິສັດ Raytheon ຊຶ່ງ​ນັ້ນ​ເປັນ​ປະເພດ​ອາວຸດ​ທີ່​ໄດ້​ຮັບ​ການ​ອອກ​ແບບ ເພື່ອ​ສະໜອງ​ໃຫ້​ແກ່​ລະບົບ​ປ້ອງ​ກັນ Aegis ທີ່​ຍິງ​ຂຶ້ນ​ຈາກ​ກຳປັ່ນ ເພື່ອ​ສະກັດ​ກັ້ນ​ລູກ​ສອນ​ໄຟ​ນຳ​ວິຖີ ທີ່​ພຸ່ງ​ມາ​ຈາກ​ຝ່າຍ​ກົງກັນຂ້າມ.

    ໃນ​ຂະນະ​ດຽວ​ກັນ ທຳ​ນຽບ​ຫ້າ​ແຈ ກໍ​ເຫັນ​ພ້ອມ​ນຳ​ການ​ຂາຍ​ອາວຸດ​ງວດ​ໃໝ່ ໃຫ້​ແກ່​ຮົງ​ກາ​ຣີ ສ ເກົາຫຼີ ລິດ​ຕູ​ອາ​ນີ ແລະ ດານ​ມາກ ທີ່​ມີ​ຍອດ​ມູນ​ຄ່າ​ລວມ​ກັນ 943 ລ້ານ​ໂດ​ລາ​ສະຫະລັດ.

ຂ່າວທີ່ກ່ຽວຂ້ອງ