ໄທ ກາຍເປັນ​ປະເທດ​ຜູ້​ສົ່ງ​ອອກ​ໝາກຖົ່ວ​ລຽນ​ລາຍ​ໃຫຍ່​ສຸດ​ໃນ​ໂລກ

363 02 ກ.ຍ. 2019 ຂ່າວຕ່າງປະເທດ
ໄທ ກາຍເປັນ​ປະເທດ​ຜູ້​ສົ່ງ​ອອກ​ໝາກຖົ່ວ​ລຽນ​ລາຍ​ໃຫຍ່​ສຸດ​ໃນ​ໂລກ

    ກົມ​ການ​ເຈລະຈາ​ການ​ຄ້າ ທີ່​ຂຶ້ນ​ກັບ​ກະຊວງ​ການ​ຄ້າ​ໄທ ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ ໄທ​ໄດ້​ກາຍເປັນ​ປະເທດ​ຜູ້​ສົ່ງ​ອອກ​ໝາກຖົ່ວ​ລຽນ​ລາຍ​ໃຫຍ່​ສຸດ​ໃນ​ໂລກ  ແລະ ອັນ​ດັບ​ຮອງ​ລົງ​ມາ​ກໍ​ແມ່ນ​ມາ​ເລ​ເຊຍ.

    ທ່ານ​ນາງ ອໍ​ຣະ​ມົນ ຊັບ​ທະວີ​ທຳ ຫົວໜ້າ​ກົມ​ການ​ເຈລະຈາ​ການ​ຄ້າ ກະຊວງ​ການ​ຄ້າ​ໄທ ເວົ້າ​ວ່າ ໃນ​ເຄິ່ງ​ຕົ້ນ​ປີ 2019 ຄາດ​ວ່າ​ໄທ​ໄດ້​ສົ່ງ​ອອກ​ໝາກຖົ່ວ​ລຽນ​ສົດ ເປັນ​ມູນ​ຄ່າ​ປະມານ 817 ລ້ານ​ໂດ​ລາ​ສະຫະລັດ ເພີ່ມ​ຂຶ້ນ 45% ເມື່ອ​ທຽບໃສ່​ໄລຍະ​ເວລາ​ດຽວ​ກັນ​ຂອງ​ປີ​ກາຍ. ຈີນ ແລະ ບັນດາ ປະເທດ​ໃນ​ເຂດ​ອາຊີ​ຕາເວັນ​ອອກ​ສ່ຽງ​ໃຕ້ ເປັນ​ຕະຫຼາດ​ຮອງ​ຮັບ​ຕົ້ນຕໍ​ຂອງ​ໄທ ໃນ​ເມື່ອ​ວ່າ​ໄດ້​ຈັດ​ຊື້ ໝາກຖົ່ວ​ລຽນ​ຂອງ​ໄທ​ທີ່ 79%.

    ເຈົ້າ​ໜ້າທີ່​ດັ່ງກ່າວ​ເວົ້າ​ຕື່ມ​ວ່າ ໃນ 6 ເດືອນ​ຕົ້ນ​ປີ 2019 ການ​ສົ່ງ​ອອກ​ໝາກຖົ່ວ​ລຽນ​ຂອງ​ໄທ ໄປ​ຍັງ​ຈີນ ບັນລຸ​ມູນ​ຄ່າ 425 ລ້ານ​ໂດ​ລາ​ສະຫະລັດ ໃນ​ຂະນະ​ທີ່​ການ​ສົ່ງ​ອອກ​ໄປ​ຍັງ​ບັນດາ ປະເທດ​ໃນ​ເຂດ​ອາຊີ​ຕາເວັນ​ອອກ​ສ່ຽງ​ໃຕ້ ບັນລຸ 219 ລ້ານ​ໂດ​ລາ​ສະຫະລັດ.

ຂ່າວທີ່ກ່ຽວຂ້ອງ