ອິນ​ເດຍ-ຝຣັ່ງ ຈະ​ກໍ່ສ້າງ​ລະບົບ​ຕິດຕາມ​ກຳ​ປັ່ນ​ເດີນ​ທະ​ເລ​ໂດຍ​ອັດ​ຕະ​ໂນ​ມັດ

345 02 ກ.ຍ. 2019 ຂ່າວຕ່າງປະເທດ
ອິນ​ເດຍ-ຝຣັ່ງ ຈະ​ກໍ່ສ້າງ​ລະບົບ​ຕິດຕາມ​ກຳ​ປັ່ນ​ເດີນ​ທະ​ເລ​ໂດຍ​ອັດ​ຕະ​ໂນ​ມັດ

    ຕາມ​ຂ່າວ​ຈາກ ນີວ​ແດນ​ລີ ທີ່​ມີ​ອອກ​ມາ​ເມື່ອ​ບໍ່​ດົນ​ມາ​ນີ້​ໃຫ້​ຮູ້​ວ່າ ອິນ​ເດຍ ແລະ ຝຣັ່ງ ຈະ​ຮ່ວມ​ມື​ກັນ​ກໍ່ສ້າງ ແລະ ນຳ​ເຂົ້າ​ສູ່​ການເຄື່ອນໄຫວ ລະບົບ​ສັນ​ລະ​ສູດ​ໂດຍ​ອັດຕະໂນມັດ (AIS) ບົນ​ປຶກ​ແຜ່ນ​ຮ່ວງ​ອາກາດ​ແຫ່ງ​ທຳ​ອິດ​ໃນ​ໂລກ ເພື່ອ​ຕິດຕາມ​ກວດກາ​ບັນດາ​ກຳປັ່ນ​ການ​ຄ້າ ຕາມ​ເວລາ​ທີ່ແທ້​ຈິງ.

    ແຈ້ງ​ການ​ຂອງ​ສູນ​ຄົ້ນຄວ້າ​ອາ​ວະ​ກາດ​ຝຣັ່ງ (CNES) ແຈ້ງ​ໃຫ້​ຮູ້​ວ່າ ຂໍ້​ຕົກລົງ​ດັ່ງກ່າວ ໄດ້​ຮັບ​ການ​ລົງ​ນາມ ລະຫວ່າງ CNES ກັບ​ອົງການ​ຄົ້ນຄວ້າ​ຮ່ວງ​ອາ​ວະ​ກາດ​ຂອງ​ອິນ​ເດຍ (ISRO) ເມື່ອ​ວັນ​ທີ 23 ສິງຫາ​ທີ່​ຜ່ານ​ມາ ຊຶ່ງ​ມີ​ຂຶ້ນ​ໃນ​ໂອກາດ​ທີ່​ນາງ​ຍົກ​ລັດຖະມົນຕີ​ອິນ​ເດຍ ນາ​ເຣນ​ດຣາ ໂມ​ດີ ເຄື່ອນ​ໄຫວ​ຢ້ຽມຢາມ​ຝຣັ່ງ.

    ຂໍ້​ຕົກລົງ​ດັ່ງກ່າວ ລະບຸ​ວ່າ ອິນ​ເດຍ ແລະ ຝຣັ່ງ ຈະ​ພັດທະນາ ແລະ ຜະລິດ​ບັນດາ​ດາວ​ທຽມ ທີ່​ສອງ​ຝ່າຍ​ໄດ້​ຄົ້ນຄວ້າ​ມາ​ເປັນ​ເວລາ 1 ປີ​ກວ່າ. CNES ໃຫ້​ຮູ້​ວ່າ ດາວ​ທຽມ​ເຫຼົ່ານັ້ນ ຕິດຕາມ​ດ້ວຍ AIS ຣາ​ດາ ແລະ ບັນດາ​ອຸປະກອນ​ສຳ​ຫຼວດ​ທາງໄກ ຊຶ່ງ​ສາມາດ​ຕິດຕາມ​ກວດກາ​ບັນດາ​ກຳປັ່ນ ທີ່​ເຄື່ອນ​ໄຫວ​ຢູ່​ໃນ​ມະຫາ​ສະໝຸດ​ອິນ​ເດຍ ພ້ອມ​ທັງ​ກວດກາ​ຮອຍ​ນ້ຳມັນ​ທີ່​ຮົ່ວ​ໄຫຼ​ອອກ​ມາ ແລະ ຕາມ​ຫາ​ທີ່​ມາ​ຂອງ​ນ້ຳມັນ​ຮົ່ວ​ນັ້ນ.

ຂ່າວທີ່ກ່ຽວຂ້ອງ